ಬೆಳಗಾವಿ: ಆಹಾರ ಇಲ್ಲದೆ ಹಸಿವಿನಿಂದ ಬಳಲಿದ್ದ ಬೀದಿ ನಾಯಿಗಳು ಮಗುವಿನ ಮೇಲೆ ದಾಳಿ ಮಾಡಿರುವ ಘಟನೆ ಬೆಳಗಾವಿಯ ತಿಲಕವಾಡಿಯ ಲೇಲೆ ಮೈದಾನ ಬಳಿ ನಡೆದಿದೆ.
ನಾಯಿಗಳ ದಾಳಿಗೆ ತುತ್ತಾದ ಐದು ವರ್ಷ ಮಗು ಪಾರ್ಥ ಪರುಶುರಾಮ್ ಗಾಯಕವಾಡಗೆ ಗಂಭೀರ ಗಾಯವಾಗಿದೆ. ಕೂಡಲೇ ಬಾಲಕನನ್ನು ಸ್ಥಳೀಯ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ನೀಡಲಾಗುತ್ತದೆ.
ಇಂದು ಬೆಳಗ್ಗೆ ಲೇಲೆ ಮೈದಾನದಲ್ಲಿ ಮೂರು ನಾಯಿಗಳು ಮಗುವಿನ ಮೇಲೆ ದಾಳಿ ಮಾಡಿದ್ದು, ಮಗುವಿನ ಮುಖ ಸೇರಿ ಎಲ್ಲೆಂದರಲ್ಲೇ ಕಚ್ಚಿ ಹಾಕಿವೆ. ಹೀಗೆ ಪದೇ ಪದೇ ನಾಯಿಗಳು ದಾಳಿಮಾಡುತ್ತಿರುವ ಕಾರಣ ಮಕ್ಕಳ ಪೋಷಕರು ಭಯದ ವಾತಾವರಣದಲ್ಲಿಯೇ ಜೀವನ ನಡೆಸುತ್ತಿದ್ದಾರೆ.
ಬೆಳಗಾವಿ ತಿಲಕವಾಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.
