– ಆರೋಪಿ ಗುಂಡಿಗೆ ಸ್ವಂತ ಮಗನೂ ಬಲಿ
ಲಕ್ನೋ: ಉತ್ತರ ಪ್ರದೇಶದ ಅಜಮ್ಗಢದಲ್ಲಿ (Azamgarh) ತನ್ನ ಪತ್ನಿ ಹಾಗೂ ಇಬ್ಬರು ಅರ್ಚಕರನ್ನ ಗುಂಡಿಕ್ಕಿ ಕೊಂದು ಬಳಿಕ ಮೂವರು ಮಕ್ಕಳನ್ನು ಒತ್ತೆಯಾಳಾಗಿ ಇರಿಸಿಕೊಂಡಿದ್ದ ವ್ಯಕ್ತಿಯೊಬ್ಬ ಪೊಲೀಸ್ ಎನ್ಕೌಂಟರ್ಗೆ (Encounter) ಬಲಿಯಾಗಿದ್ದಾನೆ. ಮೃತ ಆರೋಪಿಯನ್ನ ಅರವಿಂದ್ ಎಂದು ಗುರುತಿಸಲಾಗಿದೆ.
#WATCH | Azamgarh, UP | On the incident in which a man named Arvind shot and killed his wife, son and two other people at his residence, Azamgarh SSP Dr. Anil Kumar says, “…Upon the police’s arrival at the scene, the accused locked his children inside a room. The police… pic.twitter.com/Xq557tt8O1
— ANI (@ANI) September 23, 2026
ಪೊಲೀಸರೊಂದಿಗೆ (UP Police) ಗುಂಡಿನ ಚಕಮಕಿ ವೇಳೆ ಆತ ತನ್ನ ಮೂರು ಮಕ್ಕಳಲ್ಲಿ ಒಬ್ಬನ ಮೇಲೂ ಗುಂಡು ಹಾರಿಸಿದ್ದನು. ಆ ಮಗು ಕೂಡ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದೆ. ಇನ್ನುಳಿದ ಇಬ್ಬರು ಮಕ್ಕಳನ್ನ ರಕ್ಷಣೆ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಇನ್ನೂ ಘಟನೆ ಕುರಿತು ಅಜಮ್ಗಢದ ಎಸ್ಎಸ್ಪಿ ಅನಿಲ್ ಕುಮಾರ್ (ASP AnilKumar) ಮಾತನಾಡಿ, ಪೊಲೀಸರು ಸ್ಥಳಕ್ಕೆ ಬಂದಾಗ ಆರೋಪಿ ತನ್ನ ಮಕ್ಕಳನ್ನ ಕೋಣೆಯೊಂದರಲ್ಲಿ ಕೂಡಿಹಾಕಿದ್ದ. ನಮ್ಮ ಪೊಲೀಸರು ಶರಣಾಗುವಂತೆ ಮತ್ತು ಮಕ್ಕಳನ್ನ ಸುರಕ್ಷಿತವಾಗಿ ಬಿಡುಗಡೆ ಮಾಡುವಂತೆ ಮನವೊಲಿಸಲು ಪ್ರಯತ್ನಿಸಿದ್ರು. ಆದಾಗ್ಯೂ ಆತ ಕರಗಲಿಲ್ಲ. ಪೊಲೀಸರು ಮತ್ತು ಕುಟುಂಬದವರ ಮೇಲೆ ಗುಂಡು ಹಾರಿಸುವುದಾಗಿ, ಜೊತೆಗೆ ಮಕ್ಕಳನ್ನ ಕೊಲ್ಲುವುದಾಗಿ ಬೆದರಿಕೆ ಹಾಕಿದ್ದ ಎಂದು ತಿಳಿಸಿದ್ದಾರೆ.
ನಂತರ, ತನ್ನ ಮಗನ ಮೇಲೂ ಗುಂಡು ಹಾರಿಸಿದ್ದಾನೆ. ಗುಂಡಿನ ಶಬ್ಧ ಕೇಳಿ ಪೊಲೀಸರು ರೂಮಿನೊಳಗೆ ನುಗ್ಗಿದ್ದಾರೆ. ಆಗ ಆರೋಪಿ ಪೊಲೀಸರತ್ತ ಮನಬಂದಂತೆ ಗುಂಡು ಹಾರಿಸಲು ಶುರು ಮಾಡಿದ್ದಾನೆ. ನಾವು ಗಾಳಿಯಲ್ಲಿ ಗುಂಡು ಹಾರಿಸಿ ಎಚ್ಚರಿಕೆ ನೀಡಿದ್ರೂ, ಆರೋಪಿ ಗುಂಡು ಹಾರಿಸಿದ್ದಾನೆ. ಪರಿಣಾಮವಾಗಿ ಆತ್ಮರಕ್ಷಣೆಗಾಗಿ ಹಾಗೂ ಮಕ್ಕಳ ರಕ್ಷಣೆಗಾಗಿ ನಾವು ಪ್ರತಿದಾಳಿ ನಡೆಸಬೇಕಾಯಿತು. ಈ ವೇಳೆ ಆರೋಪಿಗೆ ಗುಂಡು ತಗುಲಿ ಗಾಯಗೊಂಡಿದ್ದ. ತಕ್ಷಣ ಆತನನ್ನ ಆಸ್ಪತ್ರೆಗೆ ಸಾಗಿಸಲಾಯಿತು. ಆದ್ರೆ ಚಿಕಿತ್ಸೆ ಫಲಕಾರಿಯಾಗದೇ ಆರೋಪಿ ಅರವಿಂದ್ ಹಾಗೂ ಆತನ ಮಗ ಇಬ್ಬರು ಮೃತಪಟ್ಟರು ಎಂದು ವಿವರಿಸಿದ್ದಾರೆ.
ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ತನಿಖೆ ಕೈಗೊಂಡಿದ್ದಾರೆ.
