Bellary

ಹಂಪಿಯಲ್ಲಿ ರಥ ಕೊಂಡೊಯ್ಯುವ ವೇಳೆ ಜೆಸಿಬಿ ಆಕ್ಸಿಲ್ ಕಟ್- ಸಹಾಯಕ್ಕೆ ಬಂದ ಗಜರಾಜ!

Published

on

Share this

ಬಳ್ಳಾರಿ: ಕೊಟ್ಟೂರು ಜಾತ್ರೆ ಹಾಗೂ ಕುರುಗೋಡು ಜಾತ್ರೆಯಲ್ಲಿ ನಡೆದ ಅವಘಡದ ನೆನಪುಗಳು ಮಾಸುವ ಮುನ್ನವೇ ಹಂಪಿಯ ವಿರೂಪಾಕ್ಷ ದೇವಾಲಯದಲ್ಲಿ ಭಾರೀ ಅವಘಡವೊಂದು ತಪ್ಪಿದೆ.

ಹಂಪಿಯ ವಿರೂಪಾಕ್ಷೇಶ್ವರನ ರಥ ಕೊಂಡೊಯ್ಯುವ ವೇಳೆ ಜೆಸಿಬಿ ಯಂತ್ರದ ಆಕ್ಸಿಲ್ ಕಟ್ ಆಗಿದೆ. ಈ ವೇಳೆ ಸಹಾಯಕನಾಗಿ ಬಂದ ಹಂಪಿ ದೇಗುಲದ ಗಜರಾಜ ರಥವನ್ನು ಎಳೆದು ಮುಂದೆ ಸಾಗಿಸಿದೆ. ಈ ಮೂಲಕ ಸ್ಥಳೀಯರು ಕ್ರೇನ್ ಹಾಗೂ ಆನೆಯ ಸಹಾಯದಿಂದ ರಥವನ್ನು ಮುನ್ನಡೆಸಿಕೊಂಡು ಹೋಗಿದ್ದಾರೆ. ಆದ್ರೆ ಬಳ್ಳಾರಿ ಜಿಲ್ಲೆಯಲ್ಲಿ ಒಂದರ ಮೇಲೊಂದು ಇಂತಹ ಅವಘಡಗಳು ನಡೆಯುತ್ತಿರುವುದರಿಂದ ಇದೀಗ ಭಕ್ತರಲ್ಲಿ ಆತಂಕ ಸೃಷ್ಟಿಸಿದೆ.

ಕೊಟ್ಟೂರು ಜಾತ್ರೆ: ಕಳೆದ ಫೆ.22ರಂದು ಜಿಲ್ಲೆಯ ಕೂಡ್ಲಗಿ ತಾಲೂಕಿನ ಕೊಟ್ಟೂರು ಗುರು ಬಸವೇಶ್ವರ ರಥೋತ್ಸವದ ವೇಳೆ ಚಕ್ರದ ಅಚ್ಚು ಮುರಿದು 60 ಅಡಿ ಎತ್ತರದ ರಥ ಮಗುಚಿ ಬಿದ್ದಿತ್ತು. ಅದೃಷ್ಟವಶಾತ್ ಘಟನೆಯಿಂದ ಯಾರಿಗೂ ಅಪಾಯವುಂಟಾಗಿರಲಿಲ್ಲ.

ಕುರುಗೋಡು: ಜಿಲ್ಲೆಯ ಕುರುಗೋಡಿನಲ್ಲಿ ನಡೆದ ದೊಡ್ಡಬಸವೇಶ್ವರ ರಥೋತ್ಸವದಲ್ಲಿ ರಥದ ಚಕ್ರಕ್ಕೆ ಸಿಲುಕಿ ಓರ್ವ ಮೃತಪಟ್ಟ ಘಟನೆ ಮಾ. 13ರಂದು ನಡೆದಿತ್ತು.

Click to comment

Leave a Reply

Your email address will not be published. Required fields are marked *

Advertisement
Advertisement