`ಮಾನಸಿಕ ಸಮಸ್ಯೆ' ಎಂದವರಿಗೆ ಖಡಕ್‌ ಉತ್ತರ ಕೊಟ್ರು ಶ್ರುತಿ ಹಾಸನ್

ಸೌತ್ ಬ್ಯೂಟಿ ಶ್ರುತಿ ಹಾಸನ್ (Shruti Haasan) ಸಿನಿಮಾ ಕೆರಿಯರ್‌ಗೆ ಇತ್ತೀಚೆಗೆ ಯಾವುದೇ ಚಿತ್ರ ಬಿಗ್ ಬ್ರೇಕ್ ಕೊಡದೇ ಇದ್ದರೂ ಈ ನಟಿಗೆ ಇರುವ ಡಿಮ್ಯಾಂಡ್ ಕೊಂಚವೂ ಕಮ್ಮಿಯಾಗಿಲ್ಲ. ಹೀಗಿರುವಾಗ ಬಾಲಯ್ಯ ಮತ್ತು ಮೆಗಾಸ್ಟಾರ್ ಚಿರಂಜೀವಿ (Megastar Chiranjeevi) ಜೊತೆಗಿನ ಎರಡು ಸಿನಿಮಾಗಳು ರಿಲೀಸ್ ಆಗಿದೆ. ಈ ಚಿತ್ರದ ಪ್ರಿ ರಿಲೀಸ್ ಇವೆಂಟ್‌ಗೆ ಶ್ರುತಿ ಗೈರಾಗಿದ್ದರು. ಇದನ್ನ ಗಮನಿಸಿ ನೆಟ್ಟಿಗರು ಶ್ರುತಿಗೆ ಮಾನಸಿಕ ಸಮಸ್ಯೆಯಿದೆ (Mental Health) ಎಂದು ಕಾಮೆಂಟ್ ಮಾಡಿದ್ದಾರೆ. ಈ ಬಗ್ಗೆ ನಟಿ ತಿರುಗೇಟು ಕೊಟ್ಟಿದ್ದಾರೆ.

shruti haasan 2

ಶ್ರುತಿ ಸದ್ಯ ಸಲಾರ್‌ನಲ್ಲಿ (Salar) ಬ್ಯುಸಿಯಾಗಿದ್ದಾರೆ. ನಟಿಯ ಲಿಸ್ಟ್‌ನಲ್ಲಿ ಕೈತುಂಬಾ ಸಿನಿಮಾಗಳಿವೆ. ಇದರ ಮಧ್ಯೆ ಚಿರಂಜೀವಿ ಜೊತೆಗೆ `ವಾಲ್ತೇರ್ ವೀರಯ್ಯ’ ಮತ್ತು ಬಾಲಯ್ಯಗೆ ನಾಯಕಿಯಾಗಿ `ವೀರ ಸಿಂಹ ರೆಡ್ಡಿ’ (Veera Simha Reddy) ಚಿತ್ರಗಳಲ್ಲಿ ಶ್ರುತಿ ನಟಿಸಿದ್ದರು. ಈ ಸಿನಿಮಾ ಇದೀಗ ತೆರೆ ಕಂಡಿದೆ. ಪ್ರಿ ರಿಲೀಸ್ ಕಾರ್ಯಕ್ರಮದಲ್ಲಿ ನಟಿ ಗೈರಾಗಿದ್ದರು. ಇದನ್ನೆಲ್ಲ ಗಮನಿಸಿರುವ ಕೆಲ ನೆಟ್ಟಿಗರು ನಟ್ಟಿಗೆ ಹಿಗ್ಗಾಮುಗ್ಗಾ ಕಾಮೆಂಟ್ ಮಾಡಿದ್ದಾರೆ. ಇದನ್ನೂ ಓದಿ: ಜಶ್ವಂತ್ ನನ್ನ ಜೊತೆಯಿಲ್ಲ ಎಂದು ಬೇಸರಪಡಲ್ಲ: ಬ್ರೇಕಪ್ ಬಗ್ಗೆ ನಂದು ಪ್ರತಿಕ್ರಿಯೆ

shruti haasan 3

ಈ ಬಗ್ಗೆ ಶ್ರುತಿ ಫುಲ್ ಗರಂ ಆಗಿದ್ದಾರೆ. ಮಾನಸಿಕ ಸಮಸ್ಯೆಯಿದೆ ಎಂದವರಿಗೆ ಶ್ರುತಿ ಮುಟ್ಟಿ ನೋಡಿಕೊಳ್ಳುವಂತೆ ರಿಪ್ಲೈ ಕೊಟ್ಟಿದ್ದಾರೆ. ನನಗೆ ಜ್ವರ ಇತ್ತು ಅಷ್ಟೇ ಈಗ ಮಾನಸಿಕ ಸಮಸ್ಯೆ ಆಗಿ ಬದಲಾಗುತ್ತಿದೆ. ನಾನು ಯಾವಾಗಲೂ ಮಾನಸಿಕ ಆರೋಗ್ಯ ವಕೀಲೆಯಾಗಿ ಇರುತ್ತೇನೆ. ನನಗೆ ಜ್ವರವಿತ್ತು ಅಷ್ಟೇ. ನೀವು ದಯವಿಟ್ಟು ವೈದ್ಯರನ್ನ ಸಂಪರ್ಕಿಸಿ ಎಂದು ಮಾತನಾಡಿದ್ದಾರೆ.