ಭರ್ಜರಿಯಾಗಿ ಹೊಳೀತಿದೆ ಸಿಂಪಲ್ ಧ್ರುವ ನಕ್ಷತ್ರ- ಹೆಚ್ಚಾಯಿತು ಧ್ರುವ ಸರ್ಜಾ ಸಂಭಾವನೆ

Last updated: November 7, 2017 9:07 am

1 Min Read

ಬೆಂಗಳೂರು: ನಟ ಧ್ರುವ ಸರ್ಜಾ ಬಗ್ಗೆ ಗಾಂಧಿನಗರದಲ್ಲೊಂದು ಸುದ್ದಿ ಹಬ್ಬಿತ್ತು. ಧ್ರುವ ತಮ್ಮ ಮುಂದಿನ ಸಿನಿಮಾಕ್ಕೆ ಭರ್ಜರಿ ಸಂಭಾವನೆ ಪಡೆಯುತ್ತಿದ್ದಾರೆ ಅಂತಾ ಹೇಳಲಾಗುತ್ತಿತ್ತು. ಈ ಸುದ್ದಿಗೆ ನಟ ಧ್ರುವ ಉತ್ತರಿಸಿದ್ದು, ಹೌದು ನಾನು ಸಂಭಾವನೆಯನ್ನು ಹೆಚ್ಚಿಸಿಕೊಂಡಿದ್ದೇನೆ ಎಂದಿದ್ದಾರೆ.

ಅಂದಹಾಗೆ ಕಳೆದ ಕೆಲ ತಿಂಗಳಿಂದ ಧ್ರುವ ಸರ್ಜಾ ಸಂಭಾವನೆ ಬಗ್ಗೆ ಭಾರೀ ಚರ್ಚೆಯಾಗುತ್ತಿತ್ತು. ಪೊಗರು ಚಿತ್ರಕ್ಕಾಗಿ ನಿರ್ಮಾಪಕ ಗಂಗಾಧರ್ ಅವರಿಗೆ, ಪೊಗರು ನಂತರದ ಚಿತ್ರಕ್ಕಾಗಿ ಉದಯ್ ಕೆ ಮೆಹ್ತಾರಿಗೆ ಹಾಗು ಜಗ್ಗುದಾದ ನಿರ್ಮಾಪಕ ರಾಘವೇಂದ್ರ ಹೆಗಡೆ ಅವರಿಗೆ ಡೇಟ್ಸ್ ಕೊಟ್ಟಿರುವ ಧ್ರುವ ಬರೋಬ್ಬರಿ 6 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ ಅನ್ನುವ ಸುದ್ದಿ ಇತ್ತು. ಆ ವಿಷಯ ಗಾಸಿಪ್ ಅಲ್ಲ, ನಿಜ ಅನ್ನೋದು ಇದೀಗ ಪ್ರೂವ್ ಆಗಿದೆ.

ಇದನ್ನೂ ಓದಿ: 50 ನೇ ದಿನ ಪೂರೈಸಿ ಸಾಗುತ್ತಿರುವ `ಭರ್ಜರಿ`ಯ ಕಲೆಕ್ಷನ್ ಎಷ್ಟು ಗೊತ್ತಾ?

ಧ್ರುವ ಕ್ಟಾಂಟಿಟಿಗಿಂತ ಕ್ವಾಲಿಟಿ ಚಿತ್ರಕ್ಕೆ ಒತ್ತು ಕೊಡೊತ್ತಾರೆ. ಹೀಗಾಗಿಯೇ ಇದುವರೆಗೂ ಇಂಡಸ್ಟ್ರಿಯಲ್ಲಿ ಸ್ಟ್ಯಾಂಡ್ ಆಗೋದಕ್ಕಾಗಿ ಯೋಚನೆ ಮಾಡಿ ಸಿನಿಮಾ ಮಾಡಿದ್ದಾರೆ. ಆದರೆ ಈಗ ಇವರ ರೇಂಜ್ ಸಿಕ್ಕಾಪಟ್ಟೆ ಬದಲಾಗಿದೆ. ಟಾಪ್ ಸ್ಟಾರ್ ನಟರ ಲಿಸ್ಟ್ ಗೆ ಧ್ರುವ ಸೇರ್ಪಡೆಯಾಗಿದ್ದಾರೆ. ಇದುವರೆಗಿನ ಸ್ಯಾಂಡಲ್‍ವುಡ್ ಇತಿಹಾಸದಲ್ಲಿಯಲ್ಲಿ ನಾಲ್ಕನೇ ಸಿನಿಮಾಕ್ಕೆ ಇಷ್ಟೊಂದು ದೊಡ್ಡ ಮಟ್ಟದ ಸಂಭಾವನೆ ಪಡೆದಿರೋ ನಟ ಇನ್ನೊಬ್ಬರಿಲ್ಲ. ಆ ದಾಖಲೆಗೆ ಧ್ರುವ ಎಂಟ್ರಿಯಾಗಿದ್ದಾರೆ.

ಚೇತನ್ ಕುಮಾರ್ ಅವರ ನಿರ್ದೇಶನ ಮಾಡಿದ್ದು, ನಟಿ ರಚಿತಾ ರಾಮ್, ಹರಿಪ್ರಿಯ ಕೂಡ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.