ಅದಿತಿ ರಾವ್ ಜೊತೆ ಸಮಂತಾ ಮಾಜಿ ಬಾಯ್ ಫ್ರೆಂಡ್ ಸಿದ್ದಾರ್ಥ ಡೇಟಿಂಗ್

ಬಾಲಿವುಡ್ ನಟಿ ಅದಿತಿ ರಾವ್ ಜೊತೆ ತಮಿಳು ನಟ ಸಿದ್ದಾರ್ಥ ಡೇಟಿಂಗ್ ಮಾಡುತ್ತಿದ್ದಾರಂತೆ. ಈ ವಿಷಯ ಆಗಾಗಿ ಬಿಟೌನ್ ನಲ್ಲಿ ಗಾಸಿಪ್ ಆಗಿ ಹರಿದಾಡುತ್ತಿತ್ತು. ಆದರೆ, ನಿನ್ನೆ ಈ ಜೋಡಿ ತಡರಾತ್ರಿ ಹೋಟೆಲ್ ನಿಂದ ಬರುತ್ತಿರುವ ಸನ್ನಿವೇಶ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಹಾಗಾಗಿ ಇಬ್ಬರೂ ಡೇಟಿಂಗ್ ನಲ್ಲಿ ಇರುವ ವಿಚಾರ ಬಹಿರಂಗವಾಗಿದೆ.

FotoJet 2 27

ಸಿದ್ದಾರ್ಥ ಈ ಮೊದಲು ಸಮಂತಾ ಜೊತೆ ಡೇಟಿಂಗ್ ನಲ್ಲಿದ್ದರು. ಕೆಲ ವರ್ಷಗಳ ಕಾಲ ಜೊತೆಯಾಗಿಯೇ ಸುತ್ತಾಡಿದರು. ಆನಂತರ ಇಬ್ಬರ ಲವ್ ಬ್ರೇಕ್ ಅಪ್ ಆಯಿತು. ಸಮಂತಾ ಮದುವೆ ಮಾಡಿಕೊಂಡರು. ಸಿದ್ದಾರ್ಥ ಹೋರಾಟ ಎನ್ನುತ್ತಾ ದಿನಗಳನ್ನು ದೂಡಿದರು. ಇತ್ತ ಸಮಂತಾ ಡಿವೋರ್ಸ್ ಪಡೆದುಕೊಂಡು ಒಂಟಿಯಾಗಿದ್ದಾರೆ. ಆ ಕಡೆ ಸಿದ್ಧಾರ್ಥ ಅದಿತಿ ರಾವ್ ಜೊತೆ ಜಂಟಿಯಾಗಿ ಸುತ್ತಾಡುತ್ತಿದ್ದಾರೆ. ಇದನ್ನೂ ಓದಿ:ಮಗನ ಜೊತೆ ಮೊದಲ ಬಾರಿಗೆ ರೀಲ್ಸ್ ಮಾಡಿದ ಸಂಜನಾ ಗಲ್ರಾನಿ

FotoJet 56

ಅದಿತಿ ರಾವ್ ಮತ್ತು ಸಿದ್ದಾರ್ಥ ಅವರು ಇದೀಗ ಮುಂಬೈನಲ್ಲೇ ಬೀಡು ಬಿಟ್ಟಿದ್ದಾರೆ ಎನ್ನುವ ಸುದ್ದಿಯೂ ಇದೆ. ಅಲ್ಲದೇ, ಶೂಟಿಂಗ್ ಸ್ಥಳದಲ್ಲೂ ಒಟ್ಟಿಗೆ ಕಾಣಿಸಿಕೊಂಡಿದ್ದನ್ನೂ ನೋಡಿದವರು ಇದ್ದಾರೆ. ಹಾಗಾಗಿ ಈ ಜೋಡಿ ಡೇಟಿಂಗ್ ನಲ್ಲಿ ಇರುವುದು ಪಕ್ಕಾ ಎನ್ನುತ್ತಾರೆ ಆಪ್ತರು. ಈ ಕುರಿತಂತೆ ಇಬ್ಬರೂ ಯಾವುದೇ ರೀತಿಯಲ್ಲಿ ಮಾಹಿತಿಯನ್ನು ಹಂಚಿಕೊಂಡಿಲ್ಲ. ಹಾಗಾಗಿ ಇದು ಕೂಡ ಗಾಸಿಪ್ ಕಾಲಂನಲ್ಲಿ ಕಾಣಿಸಿಕೊಳ್ಳಬಹುದು.