ಸ್ಯಾಂಡಲ್ವುಡ್ನ ನಿರೀಕ್ಷಿತ ಸಿನಿಮಾ ಗೋಲ್ಡನ್ ಸ್ಟಾರ್ ಗಣೇಶ್ ನಟನೆಯ `ಬಾನದಾರಿಯಲ್ಲಿ’ ಚಿತ್ರದ ಮುಹೂರ್ತ ನೆರವೇರಿದೆ. ನಟ ಗಣೇಶ್ಗೆ ನಾಯಕಿಯಾಗಿ ರೀಷ್ಮಾ ನಾಣಯ್ಯ ಮತ್ತು ರುಕ್ಮಿಣಿ ವಸಂತ್ ಕಾಣಿಸಿಕೊಳ್ತಿದ್ದಾರೆ.
ಪ್ರೀತಂ ಗುಬ್ಬಿ ಮತ್ತು ಗಣೇಶ್ ಕಾಂಬಿನೇಷನ್ ಡೆಡ್ಲಿ ಸಿನಿಮಾ `ಬಾನದಾರಿಯಲ್ಲಿ’ ಚಿತ್ರ ಮುಹೂರ್ತ ಅದ್ದೂರಿಯಾಗಿ ನೆರವೇರಿದೆ. ಚಿತ್ರದ ಮುಹೂರ್ತವು ಮಹಾಗಣಪತಿ ದೇವಸ್ಥಾನದಲ್ಲಿ ನೆರವೇರಿದ್ದು, ಚಿತ್ರದ ಮೊದಲ ದೃಶ್ಯಕ್ಕೆ ನಿರ್ಮಾಪಕರು ಕ್ಲ್ಯಾಪ್ ಮಾಡಿ, ಶುಭಹಾರೈಸಿದ್ದಾರೆ. ʻಬಾನದಾರಿಯಲ್ಲಿʼ ಚಿತ್ರಕ್ಕೆ ಪ್ರೀತಾ ಜಯರಾಮಮನ್ ಚಿತ್ರಕಥೆ ಬರೆದಿದ್ದಾರೆ. ಇದನ್ನೂ ಓದಿ: ಮುಂದುವರೆದ ಮಾಡೆಲ್ ಗಳ ಆತ್ಮಹತ್ಯೆ ಸರಣಿ : ಇಂದು ನೇಣು ಬಿಗಿದುಕೊಂಡ ಮಂಜುಷಾ ನಿಯೋಗಿ
ಈಗಾಗಲೇ ಮಳೆಯಲಿ ಜೊತೆಯಲಿ, ದಿಲ್ ರಂಗೀಲಾ, `99′ ಚಿತ್ರಗಳು ಗಣೇಶ್ ಮತ್ತು ಪ್ರೀತಂ ಗುಬ್ಬಿ ಕಾಂಬಿನೇಷನ್ನಲ್ಲಿ ಮೂಡಿ ಬಂದಿದೆ. ಬಾನದಾರಿಯಲ್ಲಿ ಮೂಲಕ ಮತ್ತೆ ಮೋಡಿ ಮಾಡಲು ರೆಡಿಯಾಗಿದ್ದಾರೆ. ಗೋಲ್ಡನ್ ಹೀರೋಗೆ ಜೋಡಿಯಾಗಿ ಮಿಂಚಲು ರೀಷ್ಮಾ ಮತ್ತು ರುಕ್ಮಿಣಿ ರೆಡಿಯಾಗಿದ್ದಾರೆ.
