ಬೆಂಗಳೂರು: 15ನೇ ಆವೃತ್ತಿ ಐಪಿಎಲ್ ಆರಂಭಕ್ಕೂ ಮುನ್ನ ಆರ್ಸಿಬಿ ತಂಡಕ್ಕೆ ಅಭಿಮಾನಿಗಳು ಈ ಸಲ ಕಪ್ ನಮ್ದೆ ಎನ್ನುವ ಹೊಸ ಸ್ಫೂರ್ತಿ ಗೀತೆ ಮೂಲಕ ಹರುಷ ತುಂಬಿದ್ದಾರೆ.
ಪ್ರತಿ ಬಾರಿ ಐಪಿಎಲ್ ಆರಂಭಕ್ಕೂ ಮುನ್ನ ರಾಯಲ್ ಚಾಲೆಂಜರ್ಸ್ ತಂಡಕ್ಕಾಗಿ (RCB) ಅಭಿಮಾನಿಗಳು ಒಂದಲ್ಲ ಒಂದು ವಿಭಿನ್ನತೆಯೊಂದಿಗೆ ಚಿಯರ್ ಅಪ್ ಮಾಡುತ್ತಾರೆ. ಈ ಬಾರಿಯು ಆರ್ಸಿಬಿ ಅಭಿಮಾನಿಗಳು ತಂಡಕ್ಕಾಗಿ ಹೊಸ ಸ್ಫೂರ್ತಿ ಗೀತೆಯನ್ನು ಹಾಡಿ ತಂಡಕ್ಕೆ ಶುಭಕೋರಿದ್ದಾರೆ. ಇದನ್ನೂ ಓದಿ: ಸಿಎಸ್ಕೆ ನಾಯಕ ಸ್ಥಾನಕ್ಕೆ ಧೋನಿ ರಾಜೀನಾಮೆ
ಮೆಗಾ ಹರಾಜಿನ ಬಳಿಕ ಹೊಸ ರೂಪ ಪಡೆದುಕೊಂಡು ಕಣಕ್ಕಿಳಿಯಲು ಸಿದ್ಧವಾಗಿರುವ ಆರ್ಸಿಬಿ ತಂಡಕ್ಕಾಗಿ ಶ್ರೀರಾಮ್ ಗಂಧರ್ವ ಅವರ ಸಂಗೀತ ಸಂಯೋಜನೆಯಲ್ಲಿ ಸ್ಫೊರ್ತಿ ಗೀತೆ ಮೂಡಿಬಂದಿದೆ. ಹಾಡನ್ನು ಅನಿರುದ್ಧ ಶೆಟ್ಟಿ, ಅಭಿಷೇಕ್ ಮತ್ತು ರ್ಯಾಪರ್ ಗುಬ್ಬಿ ಹಾಡಿದ್ದು, ಸುಬಾಶಿನಿ ಶ್ರೀನಿವಾಸ್ ಈ ಹಾಡಿನ ನಿರ್ಮಾಪಕರಾಗಿದ್ದಾರೆ. ಆರ್ಸಿಬಿ ತಂಡದ ಸೂಪರ್ ಫ್ಯಾನ್ ಸುಕುಮಾರ್ ಕೂಡ ಈ ವೀಡಿಯೋ ಸಾಂಗ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೀಗ ಆರ್ಸಿಬಿಯ ನೂತನ ಸ್ಫೂರ್ತಿ ಗೀತೆ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ. ಇದನ್ನೂ ಓದಿ: IPL 2022: ಪ್ರೇಕ್ಷಕರಿಗೆ ಸ್ಟೇಡಿಯಂ ಪ್ರವೇಶಿಸಲು ಅನುಮತಿ – ಷರತ್ತುಗಳು ಅನ್ವಯ
