ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಎಲ್ಲೆಗಳನ್ನು ಮೀರಿದ ನಟ. ಎಲ್ಲ ಭಾಷೆಯ ನಟರು ಅಪ್ಪುಗೆ ಸ್ನೇಹಿತರು. ಅಪ್ಪುನನ್ನು ನೋಡಿದರೆ ಆತ್ಮೀಯತೆ ಹೆಚ್ಚು. ಅಷ್ಟು ಸರಳ ಮತ್ತು ಸ್ನೇಹಜೀವಿ. ಇಂದು ಅವರ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ದಕ್ಷಿಣದ ಅನೇಕ ತಾರೆಯರು ಹಾರೈಸಿದ್ದಾರೆ. ತಮ್ಮೊಂದಿಗಿನ ಅಪ್ಪುವಿನ ಒಡನಾಟವನ್ನು ನೆನಪಿಸಿಕೊಂಡಿದ್ದಾರೆ.
ನಿಮ್ಮನ್ನು ಸದಾ ಹೃದಯದಲ್ಲಿ ಇರಿಸುತ್ತೇವೆ
‘ಮೈತ್ರಿ’ ಸಿನಿಮಾದಲ್ಲಿ ಅಪ್ಪು ಜೊತೆ ತೆರೆಹಂಚಿಕೊಂಡಿದ್ದ ಮಲಯಾಳಂ ಸೂಪರ್ ಸ್ಟಾರ್ ಮೋಹನ್ ಲಾಲ್ ಇಂದು ಅಪ್ಪು ನೆನೆದು ಭಾವನಾತ್ಮಕವಾಗಿ ಪೋಸ್ಟ್ ಮಾಡಿದ್ದಾರೆ. ಅಪ್ಪು ಸಾವಿನ ಸುದ್ದಿ ತಿಳಿದಾಗಲೂ ಬಹಳ ಭಾವುಕರಾಗಿದ್ದ ಅವರು ಅಂದು ಸಹ ವಿಶೇಷ ಪೋಸ್ಟ್ ಜತೆ ನೆನಪುಗಳನ್ನು ಹಂಚಿಕೊಂಡಿದ್ದರು. ಇಂದು ಸಹ ‘ಜೇಮ್ಸ್’ ಸಿನಿಮಾ ಪೋಸ್ಟರ್ ಹಂಚಿಕೊಂಡ ಅವರು, ಆತ್ಮೀಯ ಪುನೀತ್, ನಿಮ್ಮ ಜೇಮ್ಸ್ ಚಿತ್ರವು ಉತ್ತಮ ಚಿತ್ರವಾಗಲಿದೆ ಎಂಬ ನಂಬಿಕೆ ನನಗಿದೆ. ಇದು ನಮ್ಮೆಲ್ಲರ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಹೊಂದಿರುತ್ತದೆ. ನಾವು ನಮ್ಮ ಹೃದಯದಲ್ಲಿ ಸದಾ ನಿಮ್ಮನ್ನು ಇರಿಸಿಕೊಂಡಿರುತ್ತೇವೆ ಎಂದು ಟ್ವೀಟ್ ಮಾಡಿದ್ದಾರೆ. ಇದನ್ನೂ ಓದಿ: ಅಪ್ಪು ಹುಟ್ಟುಹಬ್ಬಕ್ಕೆ ಕನಸಿನ ‘ಗಂಧದಗುಡಿ’ ಫಸ್ಟ್ ಲುಕ್ ರಿಲೀಸ್
Dear Puneeth,
I'm sure your film #James is going to be a great one. It will have a special place in all our hearts. We miss you…#PuneethRajkumar pic.twitter.com/n1B3B8UwKk
— Mohanlal (@Mohanlal) March 16, 2022
ಕೋಟಿ ಹೃದಯದಲ್ಲಿ ಸದಾ ಜೀವಂತ
‘ಜೇಮ್ಸ್’ ಚಿತ್ರದಲ್ಲಿ ನಟಿಸಿರುವ ತೆಲುಗು ನಟ ಶ್ರೀಕಾಂತ್ ಮೆಕ ‘ಜೇಮ್ಸ್’ ಫೋಟೋ ಶೇರ್ ಮಾಡಿದ್ದು, ಸಿನಿಮಾ ಮತ್ತು ಅಪ್ಪು ಹುಟ್ಟುಹಬ್ಬಕ್ಕೆ ಶುಭ ಕೋರಿದ್ದಾರೆ. ಈ ವೇಳೆ ಅವರು, ಪುನೀತ್ ರಾಜ್ಕುಮಾರ್ ಹುಟ್ಟುಹಬ್ಬದ ಅಂಗವಾಗಿ ಇಂದು ‘ಜೇಮ್ಸ್’ ಚಿತ್ರ ರಿಲೀಸ್ ಆಗಿದೆ. ಕೋಟಿ ಹೃದಯಗಳಲ್ಲಿ ಸದಾ ಜೀವಂತ ಅಪ್ಪು. ಹುಟ್ಟುಹಬ್ಬದ ಶುಭಾಶಯಗಳು ಎಂದು ಬರೆದುಕೊಂಡಿದ್ದಾರೆ.
#James releasing today on the occasion of #PuneethRajkumar birthday. You are still alive in million hearts ????????❤️
#PuneethRajkumarLivesOn pic.twitter.com/QV0LsT714B
— SRIKANTH MEKA (@actorsrikanth) March 17, 2022
ಶಾಶ್ವತವಾಗಿ ಬದುಕಿರುತ್ತಾರೆ
ತೆಲುಗು ನಟ ವರುಣ್ ತೇಜ್, ಪುನೀತ್ ರಾಜ್ ಕುಮಾರ್ ಅವರು ತಮ್ಮ ಕೆಲಸದ ಮೂಲಕ ಶಾಶ್ವತವಾಗಿ ಬದುಕುತ್ತಾರೆ. ಜೇಮ್ಸ್ ಇಡೀ ತಂಡಕ್ಕೆ ನನ್ನ ಶುಭಾಶಯಗಳು. ಅಪ್ಪು ಅಣ್ಣಾ ನಿಮ್ಮ ಅಸಂಖ್ಯಾತ ಅಭಿಮಾನಿಗಳು ಮತ್ತು ನಾವೆಲ್ಲರೂ ನಿಮ್ಮನ್ನು ನಿಜವಾಗಿಯೂ ಮಿಸ್ ಮಾಡಿಕೊಳ್ಳುತ್ತೇವೆ ಎಂದು ಟ್ವೀಟ್ ಮಾಡಿದ್ದಾರೆ.
#PuneethRajkumar sir will live forever through his work 🙏
My wishes to the entire team of #James
Appu anna your countless fans and all of us really miss you!🙏🏽 pic.twitter.com/zrDl2TnFSw
— Varun Tej Konidela (@IAmVarunTej) March 16, 2022
ಲಕ್ಷಾಂತರ ಜನರ ಹೃದಯದಲ್ಲಿ ಉಳಿಯುತ್ತೀರಿ
ಮಲಯಾಳಂ ನಟ ಸುರೇಶ್ ಗೋಪಿ ಕೂಡ ಟ್ವಿಟ್ಟರ್ನಲ್ಲಿ ‘ಜೇಮ್ಸ್’ ಚಿತ್ರಕ್ಕೆ ಶುಭ ಕೋರಿದ್ದಾರೆ. ಇಂದು ಬಿಡುಗಡೆಯಾಗಿರುವ ‘ಜೇಮ್ಸ್’ ತಂಡಕ್ಕೆ ಹೃತ್ಪೂರ್ವಕ ಶುಭಾಶಯಗಳು. ಆತ್ಮೀಯ ಪುನೀತ್, ನೀವು ಯಾವಾಗಲೂ ಲಕ್ಷಾಂತರ ಜನರ ಹೃದಯದಲ್ಲಿ ಉಳಿಯುತ್ತೀರಿ ಎಂದು ಚಿತ್ರತಂಡಕ್ಕೆ ವಿಶ್ ಮಾಡಿದ್ದಾರೆ. ಇದನ್ನೂ ಓದಿ: ಪುನೀತ್ ರಾಜ್ಕುಮಾರ್ ‘ಜೇಮ್ಸ್’ ಸಿನಿಮಾ: ಅಭಿಮಾನಿಗಳ ಫಸ್ಟ್ ರಿಯ್ಯಾಕ್ಷನ್
Heartfelt wishes to team #James for the release tomorrow! Dear Puneeth, you'll always remain in the hearts of millions! #PuneethRajkumar pic.twitter.com/FPHy4Jzo81
— Suressh Gopi (@TheSureshGopi) March 16, 2022
ಅದ್ಭುತ ವ್ಯಕ್ತಿ
ತಮಿಳು ನಟ ವಿಕ್ರಮ್ ಪ್ರಭು ಅಪ್ಪುನನ್ನು ನೆನೆದು ಮೂವಿ ಪೋಸ್ಟರ್ ಟ್ವೀಟ್ ಮಾಡಿದ್ದು, ಪುನೀತ್ ರಾಜ್ಕುಮಾರ್ ಅಣ್ಣ ನೀವು ಎಂದೆಂದಿಗೂ ಬದುಕಿರುವ ಅದ್ಭುತ ವ್ಯಕ್ತಿ. ನೀವು ಎಂದೆಂದಿಗೂ ಎಲ್ಲರ ನೆನಪಿನಲ್ಲಿ ಉಳಿಯುತ್ತೀರಿ. ನೀವು ಪರದೆಯ ಮೇಲೆ ನಮ್ಮನ್ನು ರಂಜಿಸಬಹುದು. ಆ ಶಕ್ತಿಯನ್ನು ನೀವು ಇಲ್ಲೇ ಬಿಟ್ಟು ಹೋಗಿದ್ದೀರ. ಇಂದು ಬಿಡುಗಡೆಯಾಗಲಿರುವ ‘ಜೇಮ್ಸ್’ ತಂಡಕ್ಕೆ ಶುಭ ಹಾರೈಸುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.
#PuneethRajkumar anna 🙏
You will forever be remembered for the wonderful person you were & forever live & keep us entertained with the energy you’ve left for us on screen❤️
Wishing team #James on the release today🙏 pic.twitter.com/DV7WwTC0Hu
— Vikram Prabhu (@iamVikramPrabhu) March 17, 2022
