ಬಿಗ್‍ಬಾಸ್ ಮೀನಿ ಸೀಸನ್ ಎಂಟ್ರಿಕೊಟ್ಟಿರುವ ನಟಿ ನಯನ ನಾಗರಾಜ್ ಬರೀ ನಟಿ ಮಾತ್ರ ಅಲ್ಲ. ಉತ್ತಮ ಗಾಯಕಿ ಕೂಡ ಆಗಿದ್ದಾರೆ. ವರ್ಷಗಳ ಹಿಂದೆಯೇ ಲೆಜೆಂಡರಿ ಗಾಯಕ ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಜೊತೆಗೆ ನಯನ ನಾಗರಾಜ್ ಕೋರಸ್ ಹಾಡಿರುವ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಮನೆಗೆ ಬರುವ ಸ್ಪರ್ಧಿಗಳನ್ನು ಅಕೂಲ್ ವೆಲ್ ಕಮ್ ಮಾಡುತ್ತಾ ಅವರ ಕುರಿತಾಗಿ ಸ್ಪರ್ಧಿಗಳಿಗೆ ತಮಗೆ ಗೊತ್ತಿರುವ ವಿಚಾರವನ್ನು ಹೇಳುತ್ತಾ ಪರಿಚಯ ಮಾಡಿಸುತ್ತಿದ್ದಾರೆ. ಈ ವೇಳೆ ನಯನಾ ಅವರು ಮಾಡಿರುವ ದೊಡ್ಡ ಸಾಧನೆ ಯಾವುದು ಎಂದರೆ ಏನು ಗೊತ್ತಾ? ಅವರು ಎಸ್.ಪಿ.ಬಾಲಸುಬ್ರಹ್ಮಣ್ಯಂ ಅವರ ಜೊತೆ ಹಾಡು ಹೇಳಿದ್ದಾರೆ ಎಂದು ಅಕೂಲ್ ಹೇಳಿದಾಗ ನಯನ ಎಳೆಎಳೆಯಾಗಿ ಅವರ ನೆನಪುಗಳನ್ನು ಬಿಚ್ಚಿಟ್ಟಿದ್ದಾರೆ. ಇದನ್ನೂ ಓದಿ: ನಾನು ಮಾಡಿದ ತಪ್ಪು ಯಾರು ಮಾಡಬೇಡಿ: ಚಂದನಾ
2014ರಲ್ಲಿ ಇಳಯರಾಜ ಅವರ ಗೌರವಾರ್ಥಕವಾಗಿ ನಡೆದ ಲೈವ್ ಶೋನಲ್ಲಿ ಮೂರು ಹಾಡುಗಳನ್ನು ಎಸ್.ಪಿ.ಬಾಲಸುಪ್ರಬ್ರಹ್ಮಣ್ಯಂ ಜೊತೆಗೆ ಕೋರಸ್ ಹಾಡಿದ್ದೇನೆ. ಕೇಳದೇ ನಿಮಗೀಗ.. ಹಾಡಿಗೆ ನಾವು ಹತ್ತು ಜನ ಕೋರಸ್ ಹಾಡಿದ್ವಿ. ಅವರು ನಮ್ಮ ಜೊತೆಗೆ ಮಾತನಾಡಿ ಪ್ರಶಂಸೆ ವ್ಯಕ್ತಪಡಿಸಿದರು. ನಾವು ಕೋರಸ್ ಹಾಡುತ್ತಾ ಇದ್ದೆವು. ಆಗ ಅವರು ಮಧ್ಯದಲ್ಲಿ ನಿಲ್ಲಿಸಿ ಎಂದು ಹೇಳಿ ಬಂದ್ರು, ನಾವು ಸಂಗೀತಗಾರರು ಎನೋ ತಪ್ಪು ಮಾಡಿದ್ರು ಎಂದು ಅಂದುಕೊಂಡಿದ್ದೇವು. ಆದರೆ ಅವರು ಬಂದು ಕ್ಷಮಿಸಿ ನಾನು ಒಂದು ಬೀಟ್ ತಡವಾಗಿ ಹಾಡಿ ಬಿಟ್ಟೆ ನೀವು ಸರಿಯಾಗಿ ಹಾಡಿದ್ದೀರ ಅಂತ ಹೇಳಿದರು ಎಂದು ಬಿಗ್‍ಬಾಸ್ ಮನೆಯಲ್ಲಿ ನಯನ ನಾಗರಾಜ್ ಹೇಳಿದರು. ಹಾಗೇ ಬಿಗ್‍ಬಾಸ್ ಮನೆಯಲ್ಲಿ ಕೇಳದೇ ನಿಮಗೀಗ.. ಹಾಡನ್ನು ನಯನ ನಾಗರಾಜ್ ಹಾಡಿದರು.
ಸೀಂಗರ್, ಡಾನ್ಸರ್ ಆಗಿರುವ ನಯನ ಮೊದಲ ದಿನವೇ ಸ್ಪರ್ಧಿಗಳಿಗೆ ಮೋಡಿ ಮಾಡುತ್ತಿದ್ದಾರೆ ಎಂದರೆ ತಪ್ಪಾಗಲಾರದು. ಈಗಾಗಲೇ ಅವರು ಎಸ್.ಪಿ.ಬಿ ನೆನೆಪುಗಳನ್ನು ಮನೆ ಮಂದಿ ಜೊತೆಗೆ ಹಂಚಿಕೊಂಡಿದ್ದನು ಕೇಳಿ ವೀಕ್ಷಕರು ನಯನ ಅವರನ್ನು ಮೆಚ್ಚಿಕೊಂಡಿದ್ದಾರೆ.
