ದಿನಾ ಬೆಳಗೆದ್ದು ಇವತ್ತು ಏನ್ ತಿಂಡಿ ಮಾಡೋದು ಎಂದು ಯೋಚನೆ ಮಾಡೋರು ಹಲವರು. ಹೀಗಾಗಿ ಇಂದು ನಿಮಗೆ ಸ್ಪೆಷಲ್ ಹಾಗೂ ತುಂಬಾನೆ ರುಚಿಯಾದ ತಿಂಡಿ ಮಾಡುವ ಬಗೆಯನ್ನು ಇಲ್ಲಿ ನೀಡಲಾಗಿದೆ. ಆಲೂಗಡ್ಡೆಯಿಂದ ತುಂಬಾ ಸುಲಭವಾಗಿ ಮಾಡುವ ಹಾಗೂ ಚೀಸ್ ರಹಿತ ಹ್ಯಾಷ್ ಬ್ರೌನ್ ರೆಸಿಪಿಯನ್ನು ಇಲ್ಲಿ ವಿವರಿಸಲಾಗಿದೆ.
ಬೇಕಾಗುವ ಸಾಮಗ್ರಿಗಳು:
ತುರಿದುಕೊಂಡ ಆಲೂಗಡ್ಡೆ – 3
ಕಾಳು ಮೆಣಸಿನ ಪುಡಿ – ಅರ್ಧ ಚಮಚ
ಮೊಟ್ಟೆ- 2
ಮೈದಾ ಹಿಟ್ಟು – ಅರ್ಧ ಕಪ್
ರೆಡ್ ಚಿಲ್ಲಿ ಫ್ಲೇಕ್ಸ್ – ಅರ್ಧ ಚಮಚ
ಕೊತ್ತಂಬರಿ ಸೊಪ್ಪು- ಸ್ವಲ್ಪ
ಎಣ್ಣೆ – ಸ್ವಲ್ಪ
ಉಪ್ಪು- ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ:
* ಈಗಾಗಲೇ ತುರಿದುಕೊಂಡಿರುವ ಆಲೂಗಡ್ಡೆಯನ್ನು ಮೊದಲು ತಣ್ಣೀರಿನಲ್ಲಿ ತೊಳೆಯಿರಿ.
* ನಂತರ ಒಂದು ಬಟ್ಟೆಯಲ್ಲಿ ತೊಳೆದ ಆಲೂಗಡ್ಡೆಯ ತುರಿಯನ್ನು ಹಾಕಿ ನೀರನ್ನು ಸರಿಯಾಗಿ ಹಿಂಡಿ ತೆಗೆಯಿರಿ. ಬಳಿಕ ಒಂದು ಪಾತ್ರೆಗೆ ಹಾಕಿ ಮೈದಾ ಹಿಟ್ಟನ್ನು ಹಾಕಿ.
* ಮೊಟ್ಟೆಯನ್ನು ಒಡೆದು ರುಚಿಗೆ ತಕ್ಕಷ್ಟು ಉಪ್ಪು, ಕಾಳು ಮೆಣಸಿನ ಪುಡಿ, ಚಿಲ್ಲಿ ಫ್ಲೇಕ್ಸ್ ಹಾಗೂ ಕೊತ್ತಂಬರಿ ಸೊಪ್ಪನ್ನು ಬೆರೆಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ಇದನ್ನೂ ಓದಿ: ಗರಿ ಗರಿಯಾದ ಸಬ್ಬಕ್ಕಿ ವಡೆ ಮಾಡಿ
* ಇತ್ತ ಒಂದು ಬಾಣಲೆಯಲ್ಲಿ 2 ದೊಡ್ಡ ಚಮಚ ಎಣ್ಣೆ ಬಿಸಿ ಮಾಡಿಕೊಂಡು ಅದರ ಮೇಲೆ ಈಗಾಗಲೇ ತಯಾರಿಸಿದ ಹಿಟ್ಟನ್ನು ಹರಡಿ. ನಂತರ ಮುಚ್ಚಳ ಮುಚ್ಚಿ ಎರಡೂ ಕಡೆ ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಬೇಯಿಸಿ.
* ಉಳಿದ ಹಿಟ್ಟಿನಿಂದಲೂ ಹೀಗೆಯೇ ಹ್ಯಾಷ್ ಬ್ರೌನ್ ಮಾಡಿಕೊಳ್ಳಿ. ಇದನ್ನು ಟೊಮೇಟೊ ಕೆಚಪ್ ಜೊತೆ ಸವಿಯಿರಿ.
