ಬಿಗ್ ಬಾಸ್ ಕನ್ನಡ ಸೀಸನ್ 8ರಲ್ಲಿ ಕಣ್ಮಣಿ ಪರಿಚಯ ಮನೆಯ ಸದಸ್ಯರಿಗೆ ಆಗಿದೆ. ಕಣ್ಮಣಿ ಯಾರು ಅಂತ ಸ್ಪರ್ಧಿಗಳು ತುಂಬ ಹುಡುಕಿದ್ದಾರೆ. ಕಣ್ಮಣಿ ಧ್ವನಿ ಯಾರದ್ದು ಎಂಬುದನ್ನು ಕಂಡು ಹಿಡಿಯಲು ಸಾಧ್ಯವಾಗಲಿಲ್ಲ.
ಮನೆಯಲ್ಲಿ ಒಂದು ಮಹಿಳೆ ಧ್ವನಿ ಕೇಳಿ ಬಂದಿದೆ. ಅದು ಯಾರದ್ದು ಎಂಬುದು ಯಾರಿಗೂ ಗೊತ್ತಾಗಲಿಲ್ಲ. ಆ ಮೇಲೆ ಆ ಮಹಿಳೆ ಒಂದಷ್ಟು ಸುಳಿವು ನೀಡಿದರೂ ಕೂಡ ಯಾರಿಗೂ ಕಂಡು ಹಿಡಿಯಲಾಗಲಿಲ್ಲ. ಆಕೆ ಹೆಸರು ಕಣ್ಮಣಿ. ಕಣ್ಮಣಿ ಯಾರಿಗೂ ಸಂಬಧಿಕಳಲ್ಲ, ಬದಲಾಗಿ ಅದು ಬಿಗ್ ಬಾಸ್ ಮನೆಯಲ್ಲಿರುವ ಕ್ಯಾಮರಾ ಎಂದು ಹೇಳಿದ್ದಾರೆ.
ಬಿಗ್‍ಬಾಸ್ ಮನೆಯ ಸ್ಪರ್ಧಿಗಳು ಕ್ಯಾಮರಾ ಜೊತೆ ಮಾತನಾಡಿದ್ದಾರೆ. ಆ ವೇಳೆ ಕಣ್ಮಣಿ ಕೇಳಿದ ಕೆಲವು ಪ್ರಶ್ನೆಗಳಿಗೆ ಸ್ಪರ್ಧಿಗಳು ಉತ್ತರ ನೀಡಿದ್ದಾರೆ. ಕಣ್ಮಣಿ ಸ್ಪರ್ಧಿಗಳ ಕಾಲೆಳೆಯೋದು ಮರೆತಿಲ್ಲ. ಶಮಂತ್ ಅವರು ಕಣ್ಮಣಿ ಕಂಡರೆ ಇಷ್ಟ ಎಂದಿದ್ದಾರೆ.
ಉಪವಾಸ ಹಾಗೂ ಚಕ್ರವರ್ತಿ ಚಂದ್ರಚೂಡ್ ಅಲ್ಲಿ ಯಾವುದು ಇಷ್ಟ? ಯಾವುದನ್ನು ಬಿಡಲು ಸುಲಭ? ಎಂದು ಕಣ್ಮಣಿ ಕೇಳಿದ್ದಾರೆ. ಉಪವಾಸ ಇಷ್ಟ. ಉಪವಾಸ ನನ್ನ ಜೀವನದ ಭಾಗ, ಹಠ ಹಾಗೂ ಶುದ್ಧೀಕರಣಕ್ಕೆ ಉಪವಾಸ ಶಕ್ತಿಯಾಗಿದೆ, ಚಕ್ರವರ್ತಿ ಬಿಡೋದು ಸುಲಭ ಎಂದು ಸಂಬಗಿ ಹೇಳಿದ್ದಾರೆ.
ಈ ಮನೆಗೆ ನೀವು ಆಟಗಾರನಾಗಿ ಬಂದಿದ್ದೀರಾ? ಆಟ ಆಡಿಸಲು ಬಂದಿದ್ದೀರಾ? ಎಂದು ಚಕ್ರವರ್ತಿಗೆ ಕಣ್ಮಣಿ ಕೇಳಿದಾಗ ಆಟ ಅನ್ನೋದು ತಾನು ಆಡುತ್ತ ಆಡಿಸಬೇಕು. ಆಟ ಆಡಿಸುವವನಿಗೆ ಆಟ ಆಡಿದ ಅನುಭವ, ಆಟ ಆಡುವವನಿಗೆ ಆಟ ಆಡಿಸುವ ಅನುಭವ ಇರಬೇಕು. ನಿಮ್ಮ ಎರಡು ಪ್ರಶ್ನೆಯಲ್ಲಿ ಉತ್ತರ ಇದೆ. ಬಿಗ್ ಬಾಸ್ ಮನೆಯಿಂದ ಹೊರಗಡೆ ಬಂದನಂತರ ಕಣ್ಮಣಿ ಧ್ವನಿ ಯಾರದ್ದು ಅಂತ ಹುಡುಕ್ತೀನಿ ಎಂದು ಚಕ್ರವರ್ತಿ ಹೇಳಿದ್ದಾರೆ.
ಹೀಗೆ ಕಣ್ಮಣಿ ಮನೆ ಮಂದಿಗೆಲ್ಲ ಕೆಲವು ಪ್ರಶ್ನಗೆಗಳನ್ನು ಕೇಳಿದ್ದಾಳೆ. ಆಗ ಉತ್ತರ ಕೊಡಲಾಗದೆ ಕೆಲವರು ತಡಕಾಡಿದ್ದಾರೆ. ಕಣ್ಮಣಿ ಹೆಚ್ಚಾಗಿ ಶಮಂತ್‍ನನ್ನು ಹೆಚ್ಚಾಗಿ ಮಾತನಾಡಿಸಿದ್ದಾಳೆ. ಯಾಕೆ ಎಂದರೆ ಆಗಾಗ ಕ್ಯಾಮೆರಾ ಎದುರು ಹೋಗಿ ಬಿಗ್‍ಬಾಸ್ ನನಗೆ ಬಾ..ಗುರು ಸಾಂಗ್ ಹಾಕಿ ಎಂದು ಪ್ರತಿನಿತ್ಯ ರಿಕ್ವೆಸ್ಟ್ ಮಾಡಿಕೊಳ್ಳುತ್ತಿರುತ್ತಾರೆ. ಹೀಗಾಗಿ ಕಣ್ಮಣಿ ಶಮಂತ್‍ಗೆ ಹೆಚ್ಚು ಪ್ರಶ್ನೆಗಳನ್ನು ಕೇಳಿದ್ದಾರೆ. ಕಣ್ಮಣಿ ಡಾರ್ಲಿಂಗ್, ನೀನಂದ್ರೆ ನಂಗಿಷ್ಟ ಎಂದು ಶಮಂತ್ ಹೇಳಿದ್ದಾರೆ.
