– ಕುಟುಂಬಸ್ಥರು ನೀಡಿದ ದೂರಿನಿಂದ ಆರೋಪಿ ಅರೆಸ್ಟ್
ಮುಂಬೈ: ಖಾಸಗಿ ಆಸ್ಪತ್ರೆಯ ವಾರ್ಡ್ ಬಾಯ್ ಒಬ್ಬ ಮಹಿಳಾ ರೋಗಿಗೆ ಕಿರುಕುಳ ನೀಡಿ ಇದೀಗ ಪೊಲೀಸರ ಅತಿಥಿಯಾಗಿರುವ ಘಟನೆ ಮಹಾರಾಷ್ಟ್ರದ ರಾಜಧಾನಿ ಮುಂಬೈನಲ್ಲಿ ನಡೆದಿದೆ.
ಆರೋಪಿಯನ್ನು ಮುಕೇಶ್ ಪ್ರಜಾಪತಿ(25) ಎಂದು ಗುರುತಿಸಲಾಗಿದೆ. ಈತ ಸರ್ಜರಿಗೆಂದು ಬಂದು ಆಸ್ಪತ್ರೆಗೆ ದಾಖಲಾದ ಮಹಿಳೆಗೆ ಕಿರುಕುಳ ನೀಡಿದ್ದಾನೆ.
Maharashtra: Ward boy arrested for allegedly molesting a woman recuperating from surgery in a Mumbai hospital
"Accused touched the woman's private parts on the pretext of applying some medicine. We have registered an FIR & taken the accused into custody," says police(22.12) pic.twitter.com/7WLy4DA6qE
— ANI (@ANI) December 23, 2020
ಡಿಸೆಂಬರ್ 16ರಂದು 29 ವರ್ಷದ ಮಹಿಳೆ ಸರ್ಜರಿಗಾಗಿ ಮುಂಬೈನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಡಿಸೆಂಬರ್ 17ರಂದು ರಾತ್ರಿ 25 ವರ್ಷದ ಯುವಕ ಮಹಿಳೆಯ ಬಳಿ ಬಂದು ನಿಮ್ಮ ದೇಹಕ್ಕೆ ಔಷಧಿ ಹಚ್ಚಬೇಕು ಎಂದು ಹೇಳಿದ್ದಾನೆ. ಆರೋಪಿ ಮಾತನ್ನು ನಂಬಿದ ಮಹಿಳೆ ಆಯ್ತು ಎಂದು ಹೇಳಿದ್ದಾರೆ. ಇದೇ ಸಂದರ್ಭದಲ್ಲಿ ಮೊದಲೇ ಪ್ಲಾನ್ ಮಾಡಿಕೊಂಡಿದ್ದ ಆರೋಪಿ ಮಹಿಳೆಯ ಖಾಸಗಿ ಅಂಗವನ್ನು ಮುಟ್ಟಿ ಕಿರುಕುಳ ನೀಡಿದ್ದಾನೆ.
ಆರೋಪಿಯಿಂದ ಕಿರುಕುಳ ಎದರಿಸಿದ ಮಹಿಳೆ ಮರುದಿನ ನಡೆದ ಘಟನೆಯನ್ನು ತಮ್ಮ ಸಂಬಂಧಿಕರ ಮುಂದೆ ವಿವರಿಸಿದ್ದಾರೆ. ಇದರಿಂದ ಎಚ್ಚೆತ್ತ ಸಂತ್ರಸ್ತೆ ಕುಟುಂಬ ಕೂಡಲೇ ಆಸ್ಪತ್ರೆಯ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಅಲ್ಲದೆ ತಡರಾತ್ರಿ ವಾರ್ಡ್ ಬಾಯ್ ಮಹಿಳೆ ಇದ್ದ ರೂಮಿನೊಳಗೆ ಹೇಗೆ ಬಂದ ಎಂದು ಪ್ರಶ್ನಿಸಿದ್ದಾರೆ.
ಸಂತ್ರಸ್ತೆ ಕುಟುಂಬ ಪೊಲೀಸರಿಗೂ ದೂರು ನೀಡಿದರು. ಹೀಗಾಗಿ ಡಿಸೆಂಬರ್ 18ರಂದು ವಾರ್ಡ್ ಬಾಯ್ ನನ್ನು ಪೊಲೀಸರು ಬಂಧಿಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
