ಆಗ್ರಾ: 2 ದಿನ ಭಾರತ ಪ್ರವಾಸ ಬಂದಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತಮ್ಮ ಪತ್ನಿ ಮೆಲಾನಿಯಾ ಟ್ರಂಪ್ ಜೊತೆ ಐತಿಹಾಸಿಕ ಪ್ರೇಮಸೌಧ ತಾಜ್ಮಹಲ್ಗೆ ಭೇಟಿಕೊಟ್ಟಿದ್ದು, ತಾಜ್ಮಹಲ್ ಭಾರತದ ವೈವಿಧ್ಯತೆ, ಅನಂತತೆಯ ವಿಸ್ಮಯ ಎಂದು ಹಾಡಿ ಹೊಗಳಿದ್ದಾರೆ.
#WATCH US President Donald Trump and First Lady Melania Trump at the Taj Mahal in Agra. pic.twitter.com/hoPx0M8kAd
— ANI (@ANI) February 24, 2020
ಕುಟುಂಬದೊಂದಿಗೆ ಆಗ್ರಾಕ್ಕೆ ಬಂದ ಟ್ರಂಪ್ ಅವರಿಗೆ ಭವ್ಯ ಸ್ವಾಗತದೊಂದಿಗೆ ಬರಮಾಡಿಕೊಳ್ಳಲಾಯ್ತು. ಟ್ರಂಪ್ ತಮ್ಮ ಪತ್ನಿ ಮೆಲಾನಿಯಾ, ಪುತ್ರಿ ಇವಾಂಕ ಹಾಗೂ ಅಳಿಯ ಜ್ಯಾರಿದ್ನೊಂದಿಗೆ ತಾಜ್ಮಹಲ್ ವೀಕ್ಷಿಸಿ ಪ್ರೇಮಸೌಧದ ಅಂದವನ್ನು ಕಣ್ತುಂಬಿಕೊಂಡರು.
Agra: US President Donald Trump and First Lady Melania Trump at the Taj Mahal. pic.twitter.com/DOd4tu8iOQ
— ANI (@ANI) February 24, 2020
ಈ ವೇಳೆ ಸಂದರ್ಶಕ ಪುಸ್ತಕದಲ್ಲಿ ತಮ್ಮ ಅನಿಸಿಕೆ ಬರೆದ ಟ್ರಂಪ್ ತಾಜ್ಮಹಲ್ ಅಂದವನ್ನು ಹೊಗಳಿದ್ದಾರೆ. ತಾಜ್ಮಹಲ್ ಪ್ರೇರಣೆಯ ವಿಸ್ಮಯ, ಭಾರತೀಯ ಸಂಸ್ಕೃತಿಯ ವೈವಿಧ್ಯತೆ ಹಾಗೂ ಅನಂತತೆಯ ವಿಸ್ಮಯ ಎಂದು ಬರೆದಿದ್ದಾರೆ.
US President Donald Trump's message in the visitor's book at the Taj Mahal- "Taj Mahal inspires awe, a timeless testament to the rich and diverse beauty of Indian culture! Thank you, India". pic.twitter.com/QtD87OeiYk
— ANI (@ANI) February 24, 2020
ತಾಜ್ಮಹಲ್ ಇತಿಹಾಸ, ಭವ್ಯತೆಯ ಬಗ್ಗೆ ಟ್ರಂಪ್ ಕುಟುಂಬಕ್ಕೆ ಮಾರ್ಗದರ್ಶಕರು ಮಾಹಿತಿ ನೀಡಿದರು. ಅಲ್ಲದೆ ತಾಜ್ಮಹಲ್ ಆವರಣದಲ್ಲಿ ಟ್ರಂಪ್ ದಂಪತಿ ನಡೆದುಕೊಂಡು ಹೋಗಿಯೇ ಅದರ ಅಂದವನ್ನು ಕಣ್ತುಂಬಿಕೊಂಡರು. ಜೊತೆಗೆ ಪ್ರೇಮಸೌಧದ ಮುಂದೆ ಫೋಟೋವನ್ನು ತೆಗೆಸಿಕೊಂಡು ಖುಷಿಪಟ್ಟರು.
Uttar Pradesh: US President Donald Trump's daughter Ivanka Trump and her husband Jared Kushner at the Taj Mahal in Agra. pic.twitter.com/c2zxTQMeZ5
— ANI (@ANI) February 24, 2020
ತಾಜ್ ಮಹಲ್ ಗೇಟಿನ 500 ಮೀಟರ್ ವ್ಯಾಪ್ತಿಯ ಪ್ರದೇಶದಲ್ಲಿ ಪೆಟ್ರೋಲ್, ಡೀಸೆಲ್ ವಾಹನ ಸಂಚಾರಕ್ಕೆ ಸುಪ್ರೀಂ ಕೋರ್ಟ್ ನಿಷೇಧ ಹೇರಿದೆ. ಈ ಹಿನ್ನೆಲೆಯಲ್ಲಿ ಟ್ರಂಪ್ ದಂಪತಿ ಎಕೋ ಫ್ರೆಂಡ್ಲಿ ಗಾಲ್ಫ್ ಕಾರ್ಟ್ ಮೂಲಕ ಸ್ಥಳಕ್ಕೆ ಬಂದು ನಂತರ ತಾಜ್ ಮಹಲ್ ಬಳಿ ನಡೆದುಕೊಂಡು ಹೋದರು.
