ಹೈದರಾಬಾದ್: ಬಿಜೆಪಿಗೆ ಮತ ಹಾಕಿರುವ ಶೇ.6ರಷ್ಟು ಮುಸ್ಲಿಂರು ಛಕ್ಕಾಗಳು ಎಂದು ಎಐಎಂಐಎಂ ಮುಖ್ಯಸ್ಥ ಅಸಾದುದ್ದೀನ್ ಓವೈಸಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಓವೈಸಿ ಹೇಳಿಕೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಆಕ್ರೋಶ ವ್ಯಕ್ತವಾಗಿದೆ.
ಹೈದರಾಬಾದ್ ನಗರದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ವೇಳೆ ಓವೈಸಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. 2014 ಮತ್ತು 2019ರ ಲೋಕಸಭಾ ಚುನಾವಣೆಯಲ್ಲಿ ಹಿಂದೂ ಹಾಗೂ ಮುಸ್ಲಿಂ ಮತಗಳ ಅಂಕಿ ಅಂಶಗಳನ್ನು ಜನರಿಗೆ ತಿಳಿಸುತ್ತಿದ್ದರು. ಈ ವೇಳೆ 2014ರ ಚುನಾವಣೆಯಲ್ಲಿ ಶೇ.6ರಷ್ಟು ಮುಸ್ಲಿಂರು ಬಿಜೆಪಿಗೆ ಮತ ನೀಡಿದ್ದರು. 2019ರಲ್ಲಿಯೂ ಇದೇ ಶೇ.6ರಷ್ಟು ಮುಸ್ಲಿಂ ಜನ ಬಿಜೆಪಿಗೆ ಮತ ನೀಡಿದರು ಎಂದು ವರದಿ ಬಿತ್ತರವಾಗಿತ್ತು ಎಂದರು.
6% Muslims who voted for PM Modi and BJP in 2014 and 2019 are ‘छक्के’ (eunuchs) as per Owaisi. Does he have the same opinion about Hindus who vote for him in Hyderabad and Imtiaz Jaleel (AIMIM MP from Aurangabad)? pic.twitter.com/m84imjNfE3
— Amit Malviya (@amitmalviya) October 10, 2019
ವರದಿಗೆ ಪ್ರತಿಕ್ರಿಯೆ ಪಡೆದುಕೊಳ್ಳಲು ಪತ್ರಕರ್ತರೊಬ್ಬರು ಫೋನ್ ಮಾಡಿದ್ದರು. ವರದಿಯಲ್ಲಿ ಮೂರು ಅಂಶಗಳನ್ನು ಗಮನಿಸಬೇಕು. 2014 ಮತ್ತು 2019ರಲ್ಲಿ ಚುನಾವಣೆಗಳಲ್ಲಿ ಮುಸ್ಲಿಂರು ನೀಡಿದ ಮತಗಳ ಸಂಖ್ಯೆಯಲ್ಲಿ ಯಾವುದೇ ವ್ಯತ್ಯಾಸ ಕಂಡು ಬಂದಿಲ್ಲ. ಹಿಂದೂಗಳು 2014ರಲ್ಲಿ ಶೇ.37 ಮತ್ತು 2019ರಲ್ಲಿ ಶೇ.44ರಷ್ಟು ಮತಗಳನ್ನು ನೀಡಿದ್ದಾರೆ. ಹಿಂದೂ ಮತಗಳಲ್ಲಿ ಏರಿಕೆ ಕಂಡಿದ್ದು, ಮುಸ್ಲಿಂ ಮತಗಳು (ಶೇ.6) ಸ್ಥಿರವಾಗಿವೆ. ಕ್ರಿಕೆಟ್ ಭಾಷೆಯಲ್ಲಿ ನಂಬರ್ ನ್ನು ಛಕ್ಕಾ ಎಂದು ಕರೆಯುತ್ತಾರೆ. ಏನು ಆ ಆರು ಅದು ಛಕ್ಕಾ ಎಂದು ಹೇಳುವ ಮೂಲಕ ಬಿಜೆಪಿಗೆ ಮತ ಹಾಕಿದ ಮುಸ್ಲಿಂರ ವಿರುದ್ಧ ಕಿಡಿಕಾರಿದರು.
Owaisi wants Muslims to elect Muslims so that they can use ‘Muslim veto’ to save the likes of Yakub Memon, who are convicted for heinous crimes like serial bomb blasts, that killed and maimed hundreds of innocents. Hail secularism! pic.twitter.com/YUSitITmUW
— Amit Malviya (@amitmalviya) October 10, 2019
ಓವೈಸಿ ಹೇಳಿಕೆಯ ವಿಡಿಯೋವನ್ನು ಟ್ವಿಟ್ಟರ್ ನಲ್ಲಿ ಅಪ್ಲೋಡ್ ಮಾಡಿಕೊಂಡಿರುವ ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವಿಯಾ, 2014 ಮತ್ತು 2019ರಲ್ಲಿ ಪ್ರಧಾನಿ ಮೋದಿಗೆ ವೋಟ್ ಹಾಕಿದ ಶೇ.6ರಷ್ಟು ಮುಸ್ಲಿಂರು ಓವೈಸಿ ಅವರ ಪ್ರಕಾರ ಛಕ್ಕಾಗಳು. ಹಾಗಾದ್ರೆ ಹೈದರಾಬಾದ್ ಮತ್ತು ಔರಾಂಗಬಾದ್ ನಲ್ಲಿ ನಿಮ್ಮ ಪಕ್ಷದ ಅಭ್ಯರ್ಥಿಗಳನ್ನು ಗೆಲ್ಲಿಸಿದ ಹಿಂದೂಗಳ ಬಗ್ಗೆ ಅಭಿಪ್ರಾಯವೇನು ಎಂದು ಪ್ರಶ್ನೆ ಮಾಡಿದ್ದಾರೆ.
