ಕೋಲಾರ: ರಾತ್ರಿ ವೇಳೆ ಕುಡಿದು ರಸ್ತೆಯಲ್ಲಿ ಮಚ್ಚು ಹಿಡಿದುಕೊಂಡು ಕುಡುಕನೊಬ್ಬ ಚೆಲ್ಲಾಟ ನಡೆಸಿರುವ ಘಟನೆ ಕೋಲಾರ ನಗರದ ಗೌರೀಪೇಟೆಯಲ್ಲಿ ನಡೆದಿದೆ.
ಈ ರೀತಿ ಕುಡಿದು ಮಚ್ಚಿಹಿಡಿದುಕೊಂಡು ಅವಾತರ ಸೃಷ್ಟಿಸಿದ ವ್ಯಕ್ತಿಯನ್ನು ಹಮೀದ್ ಎಂದು ಗುರುತಿಸಲಾಗಿದೆ. ಕುಡುಕನ ಚೆಲ್ಲಾಟವನ್ನು ಸ್ಥಳೀಯ ಯುವಕರು ತಮ್ಮ ಮೊಬೈಲ್ ನಲ್ಲಿ ಸೆರೆಹಿಡಿದಿದ್ದು, ಈ ವಿಡಿಯೋ ಈಗ ವೈರಲ್ ಆಗಿದೆ.
ಹಮೀದ್ ತಡರಾತ್ರಿ ಕುಡಿದು ದಾರಿಯಲ್ಲಿ ಓಡಾಡುವ ವ್ಯಕ್ತಿಯನ್ನು ಹಿಡಿದು ಎಳೆದಾಡಿಕೊಂಡು ಕುತ್ತಿಗೆ ಮೇಲೆ ಮಚ್ಚಿಟ್ಟು, ಮುತ್ತಿಟ್ಟು ಅವಾತರ ಸೃಷ್ಟಿ ಮಾಡಿದ್ದಾನೆ. ಈ ಘಟನೆ ಕೋಲಾರ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
