ಡಿಯರ್ ಕಾಮ್ರೆಡ್ ಚಿತ್ರದ ರೊಮ್ಯಾಂಟಿಕ್, ಮೆಲೋಡಿ ಹಾಡು ರಿಲೀಸ್

ಬೆಂಗಳೂರು: ಟಾಲಿವುಡ್ ಯಂಗ್ ಆ್ಯಂಡ್ ಎನರ್ಜಿಟಿಕ್ ವಿಜಯ್ ದೇವರಕೊಂಡ ಮತ್ತು ಕನ್ನಡದ ಚೆಲುವೆ ರಶ್ಮಿಕಾ ಮಂದಣ್ಣ ಅಭಿನಯದ ಡಿಯರ್ ಕಾಮ್ರೆಡ್ ಸಿನಿಮಾದ ಲಿರಿಕಲ್ ಹಾಡು ಬಿಡುಗಡೆಯಾಗಿದೆ.

‘ಕಡಲಂತೆ ಕಾದ ಕಣ್ಣು, ನದಿಯಂತೆ ಓಡುವ ಕನಸು’ ಎಂಬ ಸುಂದರ ಸಾಲುಗಳಿಂದ ಕೂಡಿದ ರೊಮ್ಯಾಂಟಿಕ್ ಮೆಲೋಡಿ ಸಾಂಗ್ ಕೇಳುಗರ ಹತ್ತಿರವಾಗುತ್ತಿದೆ. ಹಾಡಿನಲ್ಲಿ ರಶ್ಮಿಕಾ-ವಿಜಯ್ ಕೆಮಿಸ್ಟ್ರಿ ವರ್ಕೌಟ್ ಆಗಿದ್ದು, ಅಭಿಮಾನಿಗಳು ಫಿದಾ ಆಗಿದ್ದಾರೆ. ಧನಂಜಯ್ ರಂಜನ್ ಲೇಖನಿಯಲ್ಲಿ ಹಾಡು ರಚಿತವಾಗಿದ್ದು, ಸಿದ್ ಶ್ರೀರಾಮ ಮತ್ತು ಐಶ್ವರ್ಯ ರವಿಚಂದ್ರನ್ ಕಂಠದಲ್ಲಿ ಹಾಡು ಮೂಡಿ ಬಂದಿದೆ.

Listen to the second single from @TheDeverakonda 's #DearComrade movie.#Kadalallehttps://t.co/KHgjgcZMFj#Kadalanthehttps://t.co/gWRzvl6LkM#Madhupolehttps://t.co/AOYK5q2h0n#Pularaadhahttps://t.co/Hi04o52INL@iamRashmika @justin_tunes @MythriOfficial @YashBigBen pic.twitter.com/f0qwiRfnRe

— Lahari Music (@LahariMusic) May 15, 2019

ಭರತ್ ಕಾಮಾ ನಿರ್ದೇಶನದ ಡಿಯರ್ ಕಾಮ್ರೆಡ್ ಮೈತ್ರಿ ಮೂವಿ ಮೇಕರ್ಸ್ ಮತ್ತು ಬಿಗ್‍ಬೆನ್ ನಿರ್ಮಾಣದಲ್ಲಿ ಬಂದಿದೆ. ಚಿತ್ರದ ಟೀಸರ್ ನಲ್ಲಿ ರಶ್ಮಿಕಾ ಮತ್ತು ವಿಜಯ್ ಕಿಸ್ಸಿಂಗ್ ಸೀನ್ ನಿಂದಲೇ ಸಾಕಷ್ಟು ಸುದ್ದಿಯಾಗಿತ್ತು. ಕನ್ನಡ, ತಮಿಳು, ತೆಲಗು ಮತ್ತು ಮಲಯಾಳಂ ಭಾಷೆಗಳಲ್ಲಿ ಸಿನಿಮಾ ತೆರೆಯ ಮೇಲೆ ಬರಲಿದೆ. ಗೀತಾ ಗೋವಿಂದಂ ಬಳಿಕ ಮತ್ತೊಮ್ಮೆ ಬಾಬಿ ಮತ್ತು ಲಿಲ್ಲಿ ಪಾತ್ರದಲ್ಲಿ ವಿಜಯ್-ರಶ್ಮಿಕಾ ಜೋಡಿ ಮಿಂಚಲು ಸಿದ್ಧಗೊಂಡಿದೆ. ಡಿಯರ್ ಕಾಮ್ರೆಡ್ ಚಿತ್ರದ ಲಿರಿಕಲ್ ಹಾಡನ್ನು ಲಹರಿ ಯೂ ಟ್ಯೂಬ್ ಖಾತೆಯಲ್ಲಿ ನೋಡಬಹುದಾಗಿದೆ.

https://www.youtube.com/watch?v=pQvNsiLJXpE