ಯಾದಗಿರಿ: ಕೋತಿಯೊಂದು ಮನುಷ್ಯರಿಗಂತಲೂ ಸಖತ್ತಾಗಿ ಸೆಲ್ಫಿಗೆ ಪೋಸು ಕೊಡುತ್ತಿದ್ದು, ಈ ಮೂಲಕ ಸೆಲ್ಫಿ ಪ್ರಿಯರ ಹಾಟ್ ಫೇವರಟ್ ಆಗಿದೆ.
ಯಾದಗಿರಿ ಜಿಲ್ಲೆಯ ಶಹಪುರ ತಾಲೂಕಿನ ಸಗರಗ್ರಾಮಕ್ಕೆ ಕಳೆದ ಒಂದು ವಾರದಿಂದ, ಆಧುನಿಕ ಕೋತಿಯೊಂದು ಎಂಟ್ರಿ ಕೊಟ್ಟಿದ್ದಾನೆ. ಈ ಊರಿಗೆ ಬಂದ ದಿನದಿಂದಲೂ ಇಲ್ಲಿನ ಜನರ ಜೊತೆ ಬೆರೆತಿರುವ ಈ ಕೋತಿ, ಮನುಷ್ಯರಂತೆ ಸಂಘ ಜೀವನ ನಡೆಸುತ್ತಿದೆ.
ಮೊದಲಿಗೆ ಸ್ವಲ್ಪ ದಿನ ಈ ಕೋತಿಯನ್ನು ಅನುಮಾನದಿಂದ ಕಂಡ ಈ ಊರಿನ ಜನ ಈಗ ತಮ್ಮ ಸ್ನೇಹಿತನಂತೆ ಕಾಣುತ್ತಿದ್ದಾರೆ. ಈ ಊರಿಗೆ ಬಂದ ದಿನದಿಂದಲೂ ಜನ ಬ್ರೆಡ್, ಬಿಸ್ಕೆಟ್, ಸ್ವಿಟ್ಸ್ ಕೊಟ್ರೂ ತಿನ್ನದ ಈ ಕೋತಿ, ಮೊಬೈಲ್ ತೆಗೆದು ಸೆಲ್ಫಿ ತೆಗೆದುಕೊಳ್ಳಲು ಸ್ಟಾರ್ಟ್ ಮಾಡಿದರೆ ಸಾಕು ಹೀರೋಗಳಂತೆ ಪೋಸ್ ನೀಡುತ್ತಿದೆ.
ಸದ್ಯ ತಾಲೂಕಿನಲ್ಲಿ ಈ ಕೋತಿ ಎಲ್ಲರ ಹಾಟ್ ಫೆವರೆಟ್ ಆಗಿದ್ದು, ಅಕ್ಕಪಕ್ಕದ ಗ್ರಾಮದ ಜನ ಈ ವಾನರನ ಹತ್ತಿರ ಬಂದು ಸೆಲ್ಫಿ ಕ್ಲಿಕ್ಕಿಸಿಕೊಂಡು ಖುಷಿ ಪಡುತ್ತಿದ್ದಾರೆ. ಕೆಲವರು ಮಂಗನ ಜೊತೆ ಸೆಲ್ಫಿ ಎಂದು ಫೋಟೋ ಕ್ಲಿಕ್ಕಿಸಿಕೊಳ್ಳುತ್ತಿದ್ರೆ, ಸಾಕ್ಷಾತ್ ಆಂಜನೇಯ ಸ್ವಾಮಿಯೇ ಈ ಕೋತಿ ಎಂದು ಭಕ್ತಿ ಭಾವದಿಂದ ಇನ್ನೂ ಕೆಲವರು ಫೋಟೋ ತೆಗೆಸಿಕೊಳ್ಳುತ್ತಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಈ ಕೋತಿಯ ಹವಾ ಶುರುವಾಗಿದೆ.
https://www.youtube.com/watch?v=HmjZ0S9rN-g
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv
