ಮೆಕ್ಸಿಕೋ: ಓಡಿ ಹೋಗುತ್ತಿದ್ದ ಮಗಳನ್ನು ತಡೆಯಲು ತಾಯಿಯೊಬ್ಬರು ಕೋಪದಿಂದ ದೂರದಿಂದಲೇ ಆಕೆಯ ಮೇಲೆ ಚಪ್ಪಲಿ ಎಸೆದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ತನ್ನ ಮಗಳು ಓಡಿ ಹೋಗುವುದನ್ನು ತಡೆಯಲು ತಾಯಿಯೂ ಕೂಡ ಆಕೆಯ ಹಿಂದೆ ಓಡಿ ಹೋಗಿದ್ದಾಳೆ. ಆದರೆ ಮಗಳು ತುಂಬಾ ದೂರ ಓಡಿ ಹೋಗಿದ ಕಾರಣ ಮಹಿಳೆ ಆಕೆಯನ್ನು ತಡೆಯಲು ತನ್ನ ಚಪ್ಪಲಿಯನ್ನು ಎಸೆದಿದ್ದಾಳೆ. ಚಪ್ಪಲಿ ನೇರವಾಗಿ ಮಗಳ ಮೇಲೆ ಬಿದ್ದು, ಆಕೆ ನೆಲಕ್ಕೆ ಉರುಳಿದ್ದಾಳೆ.
ಮಗಳು ನೆಲಕ್ಕೆ ಬೀಳುತ್ತಿದ್ದಂತೆ ತಾಯಿ ಹಾಗೂ ಅಲ್ಲಿದ್ದ ಜನರು ಜೋರಾಗಿ ನಗಲು ಶುರು ಮಾಡಿದ್ದಾರೆ. ಅಲ್ಲದೇ ಮಹಿಳೆ ಮಗಳ ಮೇಲೆ ಚಪ್ಪಲಿ ಎಸೆಯಲು ಮುಂದಾದಾಗ ಅಲ್ಲಿದ್ದ ಜನರು ಹೊಡೆಯುವಂತೆ ಪ್ರೋತ್ಸಾಹಿಸುತ್ತಿದ್ದರು.
ಚಪ್ಪಲಿ ನೇರವಾಗಿ ಮಗಳ ಮೇಲೆ ಬಿದ್ದು ಆಕೆ ನೆಲಕ್ಕೆ ಉರುಳಿದನ್ನು ನೋಡಿದ ತಾಯಿ ತನ್ನ ನಗುವನ್ನು ನಿಯಂತ್ರಿಸಲಾಗದೆ ಜೋರಾಗಿ ನಕ್ಕಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಇದುವರೆಗೂ 16 ಲಕ್ಷಕ್ಕೂ ಹೆಚ್ಚು ವ್ಯೂ ಪಡೆದಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
