ನವದೆಹಲಿ: ಫ್ಲಿಪ್‍ಕಾರ್ಟ್ ಆನ್‍ಲೈನ್ ಶಾಪಿಂಗ್ ಜಾಲತಾಣ ತನ್ನ ಭಾರೀ ರಿಯಾಯಿತಿಯ `ಬಿಗ್ ಬಿಲಿಯನ್ ಡೇ’ ಅನ್ನು ಅಕ್ಟೋಬರ್ 10 ರಿಂದ 14ರವರೆಗೆ ಆಯೋಜಿಸಿದ್ದು, ಈ ಬಾರಿ ಸ್ಮಾರ್ಟ್ ಫೋನ್‍ಗಳಿಗೆ ಭಾರೀ ರಿಯಾಯಿತಿ ನೀಡಿದೆ.
ಹೌದು, ಫ್ಲಿಪ್‍ಕಾರ್ಟ್ `ಬಿಗ್ ಬಿಲಿಯನ್ ಡೇ’ ಇದೇ ಅಕ್ಟೋಬರ್ 10 ರ ಮಧ್ಯರಾತ್ರಿಯಿಂದ ಆರಂಭವಾಗಿ 14 ರ ಮಧ್ಯರಾತ್ರಿವರೆಗೆ ನಡೆಯಲಿದೆ. ಅಕ್ಟೋಬರ್ 11 ರಿಂದ ಸ್ಮಾರ್ಟ್ ಫೋನ್‍ಗಳ ಮಾರಾಟ ಪ್ರಕ್ರಿಯೆ ಆರಂಭವಾಗಲಿದ್ದು, ಪ್ರಮುಖವಾಗಿ ಸ್ಯಾಮ್‍ಸಂಗ್‍ನ ಗೆಲಕ್ಸಿ ಜಿ8 ಫೋನ್ ಬೆಲೆಯಲ್ಲಿ 20 ಸಾವಿರ ರೂಪಾಯಿ ದರ ಕಡಿತಗೊಳಿಸಿದೆ. ನೂತನ ಗೆಲಕ್ಸಿ ಫೋನ್ 29,990 ರೂಪಾಯಿಗಳಿಗೆ ಸಿಗಲಿದೆ. ಈ ಮೊದಲು 45,990 ದರ ನಿಗದಿಯಾಗಿತ್ತು.
ಇದಲ್ಲದೇ ಸ್ಯಾಮ್‍ಸಂಗ್, ಪ್ಯಾನಸೋನಿಕ್, ಹುವಾವೇ, ಆಸಸ್ ಹಾಗೂ ಇನ್ನಿತರೆ ಕಂಪನಿಗಳ ಮೇಲಿನ ಸ್ಮಾರ್ಟ್ ಫೋನ್‍ಗಳ ಮೇಲೆ ಶೇ.62 ರಷ್ಟು ದರ ಕಡಿತ ಗೊಳಿಸಲಿದೆ. 10 ಸಾವಿರ ರೂಪಾಯಿಯೊಳಗಿನ ಕ್ಸಿಯೋಮಿ, ಇನ್‍ಫಿನಿಕ್ಸ್, ಒಪ್ಪೋದ ಫೋನ್‍ಗಳ ಮೇಲೆ 2 ಸಾವಿರ ರೂಪಾಯಿಗಳಿಂದ 4 ಸಾವಿರ ರೂಪಾಯಿಗಳ ವರೆಗೂ ರಿಯಾಯಿತಿ ಘೋಷಣೆಯಾಗಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
