ಬೀಜಿಂಗ್: ರಸ್ತೆಯಲ್ಲಿ ಕಸ ಬಿಸಾಕಿದ್ದ ಮಹಿಳೆಗೆ ಬೈಕ್ ಸವಾರೆ ಒಬ್ಬಳು ತಕ್ಕ ಪಾಠ ಕಲಿಸಿದ ಘಟನೆ ಚೀನಾದ ರಾಜಧಾನಿ ಬೀಜಿಂಗ್‍ನಲ್ಲಿ ನಲ್ಲಿ ನಡೆದಿದೆ.
ಈ ಘಟನೆ ಸೆಪ್ಟಂಬರ್ 17 ರಂದು ನಡೆದಿದ್ದು, ಘಟನೆಯ ಸಂಪೂರ್ಣ ದೃಶ್ಯಗಳು ಹಿಂದುಗಡೆ ನಿಂತಿದ್ದ ಕಾರಿನ ಡ್ಯಾಶ್ ಕ್ಯಾಮ್ ಕ್ಯಾಮೆರಾದಲ್ಲಿ ಸೆರೆಯಾಗಿತ್ತು. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗಿದ್ದು, ನೆಟ್ಟಿಗರು ಬೈಕ್ ಸವಾರೆಯ ಸಾಮಾಜಿಕ ಸೇವೆಗೆ ಮೆಚ್ಚುಗೆ ಸೂಚಿಸಿದ್ದಾರೆ.
ವಿಡಿಯೋದಲ್ಲಿ ಏನಿದೆ?
ರಸ್ತೆಯ ಸಿಗ್ನಲ್ ನಲ್ಲಿ ಕಾರು ನಿಂತಿರುತ್ತದೆ. ಈ ವೇಳೆ ಕಾರಿನ ಚಾಲಕಿ ತನ್ನ ಬಲ ಭಾಗದ ಕಾರಿನ ವಿಂಡೋದಿಂದ ಮನೆಯ ಕಸವನ್ನು ರಸ್ತೆ ಮೇಲೆ ಎಸೆದಿದ್ದಾಳೆ. ಅದನ್ನು ಕಂಡ ಬೈಕ್ ಸವಾರೆ ಕಾರಿನ ಬಳಿ ಬಂದು ಎಸೆದ ಕಸವನ್ನು ಮತ್ತೆ ಆ ಕಾರಿನ ಒಳಗೆ ಎಸೆದು ಹೋಗಿದ್ದಾಳೆ.
ಇದರಿಂದ ಕೋಪಗೊಂಡು ಚಾಲಕಿ ಬೈಕ್ ಸವಾರೆ ಹೋದ ನಂತರ ಕಾರಿನಿಂದ ಇಳಿದು ಕೈತೋರಿಸಿ ಬೈದಿದ್ದಾಳೆ.
ಈ ಹಿಂದೆ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಅವರು ಕೂಡ ರಸ್ತೆಯಲ್ಲಿ ಕಸವನ್ನು ಬಿಸಾಡಿದ ವ್ಯಕ್ತಿಗೆ ಸಖತ್ ಕ್ಲಾಸ್ ತೆಗೆದುಕೊಂಡಿದ್ದರು. ಆ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ವೈರಲ್ ಆಗಿತ್ತು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
https://www.youtube.com/watch?v=B2yBmWaOMIs
