ಗಾಂಧಿನಗರ: ಜನರು ತಮಗೆ ಇಷ್ಟವಾದ ನೃತ್ಯ ಮಾಡಿದರೆ ಅಥವಾ ಸಂಗೀತ ಹಾಡಿದರೆ ಅವರ ಮೇಲೆ ಹಣ ಎಸೆಯುತ್ತಾರೆ. ಆದರೆ ಇಲ್ಲೊಬ್ಬ ಗಾಯಕರ ಹಾಡಿನ್ನು ಕೇಳಿ ಮೋಡಿಗೆ ಒಳಗಾದ ಜನ ಬರೋಬ್ಬರಿ 50 ಲಕ್ಷ ರೂ.ಗಳನ್ನು ಎಸೆದು ಪ್ರೀತಿ ತೋರಿಸಿದ್ದಾರೆ.
ಗುಜರಾತ್ ನ ವಲ್ಸಾದ್ ಪ್ರದೇಶದಲ್ಲಿ ಶನಿವಾರ ಧಾರ್ಮಿಕ ಸಮಾರಂಭದಲ್ಲಿ ಗುಜರಾತಿ ಜಾನಪದ ಗಾಯನ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಆ ಕಾರ್ಯಕ್ರಮದಲ್ಲಿ ಜಾನಪದ ಹಾಡನ್ನು ಹಾಡಿದ ಗಾಯಕನ ಮೇಲೆ ಜನರು ಹಣ ಎಸೆದಿದ್ದು, ತಮ್ಮ ಮೆಚ್ಚುಗೆಯನ್ನು ಸೂಚಿಸಿದ್ದಾರೆ. ಸದ್ಯಕ್ಕೆ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
Money showered on folk singers at a devotional programme in Valsad, estimated to be Rs 50 lakhs #Gujarat pic.twitter.com/1IdMFcFD3C
— ANI (@ANI) May 19, 2018
ಧಾರ್ಮಿಕ ಸಮಾರಂಭದಲ್ಲಿ ಗಾಯಕರೊಬ್ಬರು ಜಾನಪದ ಹಾಡನ್ನು ಹಾಡುತ್ತಿದ್ದರು. ಈ ವೇಳೆ ಅಲ್ಲಿ ನೆರೆದಿದ್ದ ಸಂಗೀತ ಪ್ರೇಮಿಗಳು 100 ಮತ್ತು 500 ಮುಖಬೆಲೆಯ ನೋಟುಗಳನ್ನು ಅವರ ಮೇಲೆ ಸುರಿದಿದ್ದಾರೆ. ಗಾಯಕನ ಮೇಲೆ ಬರೋಬ್ಬರಿ 50 ಲಕ್ಷ ಹಣವನ್ನು ಸುರಿದು ಅಭಿಮಾನ ಮೆರೆದಿದ್ದಾರೆ. ಜನರು ಗಾಯಕನ ಸುತ್ತಲೂ ನಿಂತು ನೋಟಿನ ಮಳೆಗರೆಯುತ್ತಿದ್ದರೆ ಗಾಯಕ ತಮ್ಮದೇ ಆದ ರಾಗದಲ್ಲಿ ಹಾಡನ್ನು ಮುಂದುವರೆಸಿದ್ದಾರೆ. ಈ ಎಲ್ಲ ದೃಶ್ಯಗಳು ವಿಡಿಯೋದಲ್ಲಿ ಸೆರೆಯಾಗಿದೆ.
ವಲ್ಸಾದ್ ನ ಕಾಲ್ವಾಡಾ ಗ್ರಾಮದ ಆಶಿಶ್ ಪಟೇಲ್ ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಸಂಗ್ರಹವಾದ ಹಣವನ್ನು ಜಲರಾಮ್ ಮಾನವ ಸೇವಾ ಟ್ರಸ್ಟ್ ನೀಡಲಾಗಿದೆ. ಸದ್ಯಕ್ಕೆ ಜಾನಪದ ಗಾಯಕನ ಮೇಲೆ ಹೊಸ ನೋಟಿನ್ನು ಎಸೆದಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
#WATCH Folk singers being showered with money, around Rs 50 lakhs, at a devotional programme in Valsad #Gujarat pic.twitter.com/54paGL0yhb
— ANI (@ANI) May 19, 2018
