ಪಾಕ್ ಸೂಪರ್ ಲೀಗ್ ಖಾಲಿ ಸ್ಟೇಡಿಯಂ ಫೋಟೋ ಟ್ರೋಲ್! - ಇಲ್ಲಿದೆ ಟಾಪ್ ಟ್ವೀಟ್

ನವದೆಹಲಿ: ಪಾಕಿಸ್ತಾನ ಸೂಪರ್ ಕ್ರಿಕೆಟ್ ಲೀಗ್ ಕ್ರಿಕೆಟ್ ಅಭಿಮಾನಿಗಳನ್ನು ಸೆಳೆಯಲು ವಿಫಲವಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಪಿಎಸ್‍ಎಲ್ ಲೀಗ್ ನ ಫೋಟೋಗಳು ಭಾರೀ ಟ್ರೋಲ್ ಆಗ್ತಿದೆ.

ಭಾರತದ ಐಪಿಎಲ್ ಕ್ರಿಕೆಟ್ ಲೀಗ್ ನಿಂದ ಪ್ರೇರಣೆ ಪಡೆದ ಹಲವು ದೇಶಗಳು ಇದನ್ನು ಅನುಕರಿಸಿ ಯಶ್ವಸಿಯಾಗಿದ್ದವು. ಇದರಂತೆ ನೆರೆಯ ಪಾಕಿಸ್ತಾನವೂ ಇದೇ ಹಾದಿಯಲ್ಲಿ ಪಾಕಿಸ್ತಾನ ಸೂಪರ್ ಲೀಗ್ ಆಯೋಜಿಸಿದೆ. ಆದರೆ ಈ ಲೀಗ್ ಕ್ರಿಕೆಟ್ ಪ್ರೇಮಿಗಳನ್ನು ಸೆಳೆಯಲು ವಿಫಲವಾಗಿದ್ದು, ಕ್ರೀಡಾಂಗಣದಲ್ಲಿ ಪ್ರೇಕ್ಷಕರೇ ಇಲ್ಲದೇ ಖಾಲಿ ಖಾಲಿ ಕುರ್ಚಿಗಳು ಕಾಣಸಿಗುತ್ತಿದೆ.

isse jyada log toh mumbai indians ke coach bane huye hain pic.twitter.com/r4kUiz59wn

— Sunil The Cricketer (@1sInto2s) February 24, 2018

ಪಾಕಿಸ್ತಾನ ಈಗಾಗಲೇ ಮೂರು ಆವೃತ್ತಿಯ ಸೂಪರ್ ಲೀಗ್ ಆಯೋಜಿಸಿದೆ. ಕಳೆದ ಬಾರಿ ಯುಎಇ ನಲ್ಲಿ ಲೀಗ್ ಏರ್ಪಡಿಸಲಾಗಿತ್ತು. ಆದರೆ ಅಲ್ಲಿ ಅಭಿಮಾನಿಗಳನ್ನು ಸೆಳೆಯಲು ಆಯೋಜಕರು ವಿಫಲವಾಗಿದ್ದರು. ಇದರಿಂದ ಪ್ರಸ್ತುತ ಲೀಗ್ ದುಬೈನಲ್ಲಿ ನಡೆಸುತ್ತಿದ್ದು, ಇಲ್ಲಿಯೂ ಇದೇ ಪರಿಸ್ಥಿತಿ ನಿರ್ಮಾಣವಾಗಿದೆ. ಖಾಲಿ ಖಾಲಿ ಕ್ರೀಡಾಂಗಣದಲ್ಲಿ ಬೆರಳೆಣಿಕೆಯಷ್ಟು ಪ್ರೇಕ್ಷಕರೊಂದಿಗೆ ನಡೆಯುತ್ತಿರುವ ಪಂದ್ಯಗಳ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಆಗುತ್ತಿದೆ.

ಟ್ವಿಟ್ಟರಿಗರು ಖಾಲಿ ಕ್ರೀಡಾಂಗಣದ ಫೋಟೋಗಳಿಗೆ ಹಾಸ್ಯವನ್ನು ಲೇಪಿಸಿ ತಮ್ಮದೇ ವಿಭಿನ್ನ ಶೈಲಿಯಲ್ಲಿ ಟ್ವೀಟ್ ಮಾಡುತ್ತಿದ್ದಾರೆ.