ಗಿಫ್ಟ್ ಕೊಟ್ಟು ವಿರುಷ್ಕಾಗೆ ಸರ್ಪ್ರೈಸ್ ನೀಡಿದ ದೀಪಿಕಾ-ರಣವೀರ್

Public TV
1 Min Read
Virat Anushka Deepika Ranveer 5

ಮುಂಬೈ: ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ಯಾರಿಗೂ ತಿಳಿಯದಂತೆ ಇಟಲಿಯಲ್ಲಿ ಆಪ್ತರ ಸಮ್ಮುಖದಲ್ಲಿ ನವಜೀವನಕ್ಕೆ ಕಾಲಿಟ್ಟರು. ಈ ಜೋಡಿಯ ಮದುವೆ ವಿಷಯ ತಿಳಿಯುತ್ತಿದ್ದಂತೆ ಬಾಲಿವುಡ್ ಹಾಗೂ ಕ್ರಿಕೆಟ್ ಮಂದಿ ಟ್ವಿಟ್ಟರಿನಲ್ಲಿ ಶುಭ ಕೋರಿದ್ದಾರೆ. ಆದರೆ ದೀಪಿಕಾ ಪಡುಕೋಣೆ ಹಾಗೂ ರಣ್‍ವೀರ್ ಸಿಂಗ್ ವಿಭಿನ್ನ ರೀತಿಯಲ್ಲಿ ನವಜೋಡಿಗೆ ಶುಭಕೋರಿದ್ದಾರೆ.

ವಿರಾಟ್ ಹಾಗೂ ಅನುಷ್ಕಾ ತಮ್ಮ ಮದುವೆಯ ಫೋಟೋವನ್ನು ಟ್ವಿಟ್ಟರಿನಲ್ಲಿ ಹಂಚಿಕೊಂಡ ಮೇಲೆ ಅವರ ಮದುವೆಯ ವಿಷಯ ಎಲ್ಲರಿಗೂ ತಿಳಿಯಿತು. ಬಾಲಿವುಡ್ ಮಂದಿ, ಫ್ಯಾನ್ಸ್, ಹಾಗೂ ವಿರುಷ್ಕಾ ಅವರ ಗೆಳೆಯರಿಂದ ಟ್ವಿಟ್ಟರಿನಲ್ಲಿ ಶುಭಾಶಯಗಳ ಮಹಾಪೂರ ಹರಿದು ಬಂದಿತ್ತು. ಆದರೆ ದೀಪಿಕಾ ಪಡುಕೋಣೆ ಹಾಗೂ ರಣ್‍ವೀರ್ ಸಿಂಗ್ ಮಾತ್ರ ವಿರುಷ್ಕಾಗೆ ಸಾಮಾಜಿಕ ಜಾಲತಾಣದಲ್ಲಿ ಶುಭ ಕೋರಿಲ್ಲ.

Virat Anushka Deepika Ranveer

ವರದಿಗಳ ಪ್ರಕಾರ ದೀಪಿಕಾ ಹಾಗೂ ರಣ್‍ವೀರ್ ವಿರುಷ್ಕಾ ಜೋಡಿಗೆ ಶುಭ ಹಾರೈಕೆಯ ಸಂದೇಶದೊಂದಿಗೆ ಕೆಂಪು ಗುಲಾಬಿಯಿರುವ ಹೂಗುಚ್ಛವನ್ನು ಕಳುಹಿಸಿ ವೈಯಕ್ತಿಕವಾಗಿ ಶುಭ ಕೋರಿದ್ದಾರೆ. ದೀಪಿಕಾ ತಾವು ಮಾಡುವ ಕೆಲಸದಲ್ಲಿ ತನ್ನ ಸ್ವಂತಿಕ ತೋರಿಸುತ್ತಾರೆ. ಅದು ಅವರ ತಂಡವೇ ಆಗಲಿ ಅಥವಾ ಸ್ನೇಹಿತರಾಗಲಿ ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಭಾವನೆಯನ್ನ ವ್ಯಕ್ತಪಡಿಸುವುದು ಸೂಕ್ತವಲ್ಲ ಎಂದುಕೊಂಡಿದ್ದಾರೆ.

Virat Anushka Deepika Ranveer 3

ವಿರಾಟ್ ಹಾಗೂ ಅನುಷ್ಕಾ ಇಟಲಿಯಲ್ಲಿ ಮದುವೆಯಾಗಿದ್ದು, ಡಿಸೆಂಬರ್ 21ರಂದು ದೆಹಲಿಯಲ್ಲಿ ಹಾಗೂ ಡಿಸೆಂಬರ್ 26 ಮುಂಬೈನಲ್ಲಿ ಅದ್ಧೂರಿಯಾಗಿ ಆರತಕ್ಷತೆ ನಡೆಯಲಿದೆ. ಇದಾದ ನಂತರ ದಕ್ಷಿಣ ಆಫ್ರಿಕಾ ವಿರುದ್ಧ ಪಂದ್ಯ ನಡೆಯಲಿದ್ದು, ಅನುಷ್ಕಾ ತನ್ನ ಪತಿ ವಿರಾಟ್ ಜೊತೆ ದಕ್ಷಿಣ ಆಫ್ರಿಕಾಗೆ ಹೋಗಲಿದ್ದಾರೆ.

ದಕ್ಷಿಣ ಆಫ್ರಿಕಾಗೆ ಹೋದ ಬಳಿಕ ಕೆಲವು ದಿನಗಳಲ್ಲೇ ಅನುಷ್ಕಾ ಒಬ್ಬರೇ ಭಾರತಕ್ಕೆ ಹಿಂದಿರುಗುತ್ತಿದ್ದು, ವಿರಾಟ್ ತಮ್ಮ ಪಂದ್ಯಕ್ಕಾಗಿ ದಕ್ಷಿಣ ಆಫ್ರಿಕಾದಲ್ಲೇ ಉಳಿದುಕೊಳ್ಳುತ್ತಿದ್ದಾರೆ. ವಿರಾಟ್ ಹಾಗೂ ಅನುಷ್ಕಾ ಮದುವೆ ವಿಷಯ ತಿಳಿಯುತ್ತಿದ್ದಂತೆ ಸೌತ್ ಆಫ್ರಿಕಾ ಹಿಟ್ಟರ್ ಎಬಿ ಡಿವಿಲಿಯರ್ಸ್ ವಿಶ್ ಮಾಡಿದ್ದು, ಹಲವು ಮಕ್ಕಳಾಗಲಿ ಎಂದು ಹರಸಿದ್ದಾರೆ.

Virat Anushka Deepika Ranveer 6

Virat Anushka Deepika Ranveer 4

Virat Anushka Deepika Ranveer 2

Virat Anushka Deepika Ranveer 7

Share This Article
Leave a Comment

Leave a Reply

Your email address will not be published. Required fields are marked *