ಮೈಸೂರು: ಕಾಗೆ ಬಣ್ಣ ಕಪ್ಪು ಇರುವುದು ಎಲ್ಲರಿಗೆ ತಿಳಿದಿರುವ ವಿಚಾರ. ಆದರೆ ಮೈಸೂರಿನಲ್ಲಿ ಬಿಳಿ ಕಾಗೆ ಕಾಣಿಸಿಕೊಳ್ಳುವ ಮೂಲಕ ಅಚ್ಚರಿ ಮೂಡಿಸಿದೆ.
ಕಾಗೆಯ ಅರ್ಧ ಭಾಗ ಹಾಗೂ ಪುಕ್ಕ ಬಿಳಿ ಬಣ್ಣದಿಂದ ಕೂಡಿದೆ. ಮೈಸೂರಿನ ಕೆ.ಆರ್.ಆಸ್ಪತ್ರೆ ಆವರಣದಲ್ಲಿ ಈ ಬಿಳಿ ಕಾಗೆ ಕಾಣಿಸಿಕೊಂಡಿದ್ದು, ಬಹು ದಿನದಿಂದ ಆಸ್ಪತ್ರೆಯ ಆವರಣದಲ್ಲಿನ ಮರದಲ್ಲೇ ಕಾಗೆ ಇದೆ. ಈ ಬಿಳಿ ಕಾಗೆ ನೋಡಿ ಜನರು ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.
ಜೀನ್ ವ್ಯತ್ಯಾಸಗಳಿಂದ ಕಾಗೆ ಬಿಳಿ ಬಣ್ಣಕ್ಕೆ ತಿರುಗಿರೋ ಸಾಧ್ಯತೆ ಇದೆ. ಇದರಲ್ಲಿ ಯಾವುದೇ ವಿಶೇಷವಿಲ್ಲ ಎನ್ನುವುದು ಕೆಲ ಪಕ್ಷಿ ತಜ್ನರ ಅಭಿಪ್ರಾಯಪಟ್ಟಿದ್ದಾರೆ.
