ಬೆಂಗಳೂರು: ಸರ್ಕಾರ ಈಗಾಗಲೇ 5 ರೂ. ಪ್ರೊತ್ಸಾಹ ಧನ ನೀಡುತ್ತಿದೆ. ಅದನ್ನೇ 15 ರೂ.ಗೆ ಏರಿಕೆ ಮಾಡಿ. ಜನರ ಮೇಲೆ ಹಾಲಿನ ದರ ಏರಿಕೆ ಬೇಡ ಎಂದು ಕೇಂದ್ರ ಸಚಿವ ಹೆಚ್.ಡಿ ಕುಮಾರಸ್ವಾಮಿ ಆಗ್ರಹಿಸಿದ್ದಾರೆ.
ಹಾಲು ದರ ಏರಿಕೆ ಕುರಿತು ಸರ್ಕಾರ ಕೈಗೊಂಡಿರುವ ನಿರ್ಧಾರದ ಕುರಿತು ಪ್ರತಿಕ್ರಿಯಿಸಿದ ಅವರು, ನೀವು ಬಡವರು ಹಾಲು ಕೊಂಡುಕೊಳ್ಳದಂತೆ ಮಾಡುತ್ತಿದ್ದೀರಾ. ಅದರ ಬದಲು ಸರ್ಕಾರವೇ ರೈತರಿಗೆ ನೀಡುವ ಪ್ರೋತ್ಸಾಹ ಧನವನ್ನ ಏರಿಕೆ ಮಾಡಲಿ. ಜನರ ಮೇಲೆ ಹಾಲಿನ ದರ ಏರಿಕೆ ಬೇಡ ಎಂದ ಒತ್ತಾಯಿಸಿದರು.
ಈಗಾಗಲೇ 5 ಗ್ಯಾರಂಟಿ ಸ್ಕೀಂ ಕೊಟ್ಟಿದ್ದೀರಾ. ಅದರಂತೆ 6ನೇ ಗ್ಯಾರಂಟಿ ಅಂತಾ ಪ್ರೋತ್ಸಾಹ ಧನವನ್ನು 15 ರೂ.ಗೆ ಏರಿಕೆ ಮಾಡಿ. ರೈತರಿಗೂ ತೊಂದರೆ ಆಗೋದು ಬೇಡ ಎಂದು ಹೇಳಿದರು.
ದುಡ್ಡು ಹೊಡೆಯೋದಕ್ಕೆ ನಮ್ಮ ವಿರೋಧ ಇದ್ದೇ ಇರುತ್ತೆ. ಕಾನೂನು ಬದ್ದವಾಗಿ ನಾಡನ್ನ ಉಳಿಸೋ ಕೆಲಸ ಮಾಡ್ತೀರಾ ಅಂದರೆ ಇನ್ನೂ 10 ವರ್ಷ ನೀವೆ ಅಧಿಕಾರದಲ್ಲಿರಿ. ಸಾರ್ವಜನಿಕವಾಗಿ ನಾನೇ ನಿಮಗೆ ಸನ್ಮಾನ ಮಾಡ್ತೀನಿ ಎಂದು ಲೇವಡಿ ಮಾಡಿದರು.
ಇಲ್ಲಿಯವರೆಗೂ ಲೂಟಿ ಮಾಡಿರೋದು ಸಾಕು. ಈಗಲಾದರೂ ಜನರ ಪರವಾಗಿ ಕೆಲಸ ಮಾಡಿ. ನಾನೇ 50 ಸಾವಿರ ಜನರನ್ನ ಸೇರಿಸಿ ಅದ್ದೂರಿಯಾಗಿ ನಿಮಗೆ ಸನ್ಮಾನ ಮಾಡ್ತೀನಿ. ಜನರ ಮೇಲೆ ಹೊರೆ ಹಾಕಬೇಡಿ. ಹಾಲಿನ ಬೆಲೆ ಏರಿಕೆ ಬದಲು ಪ್ರೊತ್ಸಾಹ ಧನ ಕೊಡಿ ಎಂದು ರಾಜ್ಯ ಸರ್ಕಾರಕ್ಕೆ ಆಗ್ರಹಿಸಿದರು. ಇದನ್ನೂ ಓದಿ: ಕುಶಾಲನಗರ ಪ್ರವಾಹಕ್ಕೆ ಶಾಶ್ವತ ಪರಿಹಾರ? 800 ಕೋಟಿ ಸಮಗ್ರ ಯೋಜನೆಗೆ ಪ್ರಸ್ತಾವನೆ
ನೀವು ಕೊಡಗೈ ದಾನಿಗಳು ಗ್ಯಾರಂಟಿ ಯೋಜನೆ ಕೊಡ್ತಾ ಇದ್ದೀರಾ. ಹಾಗೆಯೇ ಇದಕ್ಕೂ ಪ್ರೊತ್ಸಾಹ ಧನ ಕೊಡಿ. ಈ ದೇಶದಲ್ಲಿ ಶ್ರೀಮಂತ ವರ್ಗ, ಬಡ ವರ್ಗ ಅಂತಾ ಇದೆ. ಬಡ ವರ್ಗಕ್ಕೆ ಹಾಲಿನ ದರ ಜಾಸ್ತಿ ಮಾಡಿ ಸಮಸ್ಯೆ ಮಾಡಬೇಡಿ ಹೇಳಿದರು.ಇದನ್ನೂ ಓದಿ: ಹೆಚ್ಚು ಹಣ ಖರ್ಚಾಗ್ತಿರೋದು ನಿಜ, ಆದರೆ ಗ್ಯಾರಂಟಿಗಳನ್ನ ನಿಲ್ಸಲ್ಲ: ಬಾಲಕೃಷ್ಣ ಹೇಳಿಕೆಗೆ ಯತೀಂದ್ರ ಸ್ಪಷ್ಟನೆ
