ಓಪನ್ಹೈಮರ್, ಡಂಕರ್ಕ್, ಟೆನೆಟ್, ಇಂಟರ್ಸ್ಟೆಲ್ಲರ್, ಇನ್ಸೆಪ್ಶನ್ ಮತ್ತು ಡಾರ್ಕ್ ನೈಟ್ ನಂತಹ ಅದ್ಭುತ ಸಿನಿಮಾಗಳನ್ನು ನಿರ್ದೇಶಿಸಿರುವ ಕ್ರಿಸ್ಟೋಫರ್ ನೋಲನ್(Christopher Nolan) ಅವರು, ತಮ್ಮ ಹೊಸ ಸಿನಿಮಾ ದಿ ಒಡಿಸ್ಸಿಯ(The Odyssey) ವಿಶೇಷ ಪ್ರೀಮಿಯರ್ ಪ್ರದರ್ಶನಕ್ಕಾಗಿ ಭಾರತಕ್ಕೆ ಬರುತ್ತಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಅವರ ಜೊತೆಗೆ ಮ್ಯಾಟ್ ಡ್ಯಾಮನ್, ಟಾಮ್ ಹಾಲೆಂಡ್ ಮತ್ತು ನಿರ್ಮಾಪಕಿ ಎಮ್ಮಾ ಥಾಮಸ್ ಕೂಡ ಭಾಗವಹಿಸಲಿದ್ದಾರೆ. ನೋಲನ್ ಅವರ ಸಿನಿಮಾ ಭಾರತದಲ್ಲಿ ಪ್ರೀಮಿಯರ್ ಆಗುತ್ತಿರುವುದು ಇದೇ ಮೊದಲಾಗಿದ್ದು, ಭಾರತದ ಸಿನಿಮಾ ಪ್ರೇಮಿಗಳಿಗೆ ಸಿಗುತ್ತಿರುವ ದೊಡ್ಡ ಅವಕಾಶವಾಗಿದೆ.
ಲಂಡನ್, ಪ್ಯಾರಿಸ್ ಮತ್ತು ನ್ಯೂಯಾರ್ಕ್ ನಂತರ ಮುಂಬೈಯನ್ನು ಈ ಚಿತ್ರದ ಜಾಗತಿಕ ಪ್ರಚಾರದ ತಾಣವನ್ನಾಗಿ ಆಯ್ಕೆ ಮಾಡಿಕೊಂಡಿರುವುದು ಭಾರತದ ಸಿನಿಮಾ ಪ್ರೇಮಿಗಳಿಗೆ ಸಿಗುತ್ತಿರುವ ದೊಡ್ಡ ಅವಕಾಶವಾಗಿದೆ. ಜುಲೈ 17 ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿರುವ ಈ ಚಿತ್ರವು, ಸಂಪೂರ್ಣವಾಗಿ IMAX ತಂತ್ರಜ್ಞಾನದಲ್ಲಿ ಚಿತ್ರೀಕರಿಸಲ್ಪಟ್ಟ ಮೊದಲ ಸಿನಿಮಾವಾಗಿದೆ.
ಮುಂಬೈನ ಫೀನಿಕ್ಸ್ ಪ್ಯಾಲೇಡಿಯಂನಲ್ಲಿರುವ PVR ಐಕಾನ್ IMAX ನಲ್ಲಿ ಇದರ ಪ್ರೀಮಿಯರ್ ನಡೆಯಲಿದೆ. ಮ್ಯಾಟ್ ಡ್ಯಾಮನ್, ಟಾಮ್ ಹಾಲೆಂಡ್, ಆನ್ ಹ್ಯಾಥ್ವೇ, ರಾಬರ್ಟ್ ಪ್ಯಾಟಿನ್ಸನ್ ಸೇರಿದಂತೆ ಹಲವು ತಾರೆಯರು ನಟಿಸಿರುವ ಈ ಚಿತ್ರದ ಮುಂಗಡ ಟಿಕೆಟ್ ಬುಕಿಂಗ್ ಈಗಾಗಲೇ ಭಾರತದಾದ್ಯಂತ ಆರಂಭವಾಗಿದೆ.
