ಬುಲವಾಯೊ: ಅಂಡರ್-19 ವಿಶ್ವಕಪ್ (Under 19 World Cup) ಟೂರ್ನಿಯಲ್ಲಿ ಭಾರತ ತಂಡ ಪಾಕಿಸ್ತಾನ ವಿರುದ್ಧದ ಪಂದ್ಯ ಪೂರ್ಣಗೊಳ್ಳುವ ಮುನ್ನವೇ ಸೆಮಿಫೈನಲ್ಗೆ ಅರ್ಹತೆ ಪಡೆದುಕೊಂಡಿದೆ. ಇಂದು ಕೊನೆಯ ಲೀಗ್ ಪಂದ್ಯವನ್ನಾಡುತ್ತಿರುವ ಪಾಕಿಸ್ತಾನ, ಗೆದ್ದರೂ, ಸೋತರೂ ಪಂದ್ಯ ಮುಗಿದ ಬಳಿಕ ಗಂಟು ಮೂಟೆ ಕಟ್ಟಬೇಕಿದೆ.
ಬುಲವಾಯೊ (Bulawayo) ಕ್ವೀನ್ಸ್ ಸ್ಪೋರ್ಟ್ಸ್ ಕ್ಲಬ್ ಕ್ರಿಕೆಟ್ ಮೈದಾನದಲ್ಲಿಂದು ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ U19 ತಂಡ (India U19 Team) 49.5 ಓವರ್ಗಳಲ್ಲಿ 252 ರನ್ಗಳಿಗೆ ಆಲೌಟ್ ಆಯಿತು. 253 ರನ್ಗಳ ಗುರಿ ಪಡೆದ ಪಾಕಿಸ್ತಾನ 33.3 ಓವರ್ಗಳಲ್ಲೇ ಗುರಿ ತಲುಪಬೇಕಿತ್ತು, ವಿಫಲವಾದ್ದರಿಂದ ಪಾಕಿಸ್ತಾನ (Pakistan U19 Team) ಸೆಮಿಸ್ ರೇಸ್ನಿಂದ ಹೊರಬಿದ್ದಿದೆ.
ಪಾಕ್ ಹೊರಬಿದ್ದಿದ್ದೇಕೆ?
ಸೂಪರ್ ಸಿಕ್ಸ್ ಸ್ಟೇಜ್ನ 2ನೇ ಗುಂಪಿನಲ್ಲಿ ಇಂಗ್ಲೆಂಡ್ ಅಗ್ರಸ್ಥಾನದಲ್ಲಿದ್ದು, ಸೆಮಿಫೈನಲ್ ಖಚಿತಪಡಿಸಿಕೊಂಡಿದೆ. 2ನೇ ಸ್ಥಾನಕ್ಕೆ ಭಾರತ ಮತ್ತು ಪಾಕ್ ನಡುವೆ ಪೈಪೋಟಿ ಏರ್ಪಟ್ಟಿತ್ತು. ಭಾರತ ಎಲ್ಲಾ 3 ಪಂದ್ಯ ಗೆದ್ದು, 3 ಸಾವಿರಕ್ಕೂ ಅಧಿಕ ನೆಟ್ ರನ್ರೇಟ್ ಹೊಂದಿದರೂ 6 ಅಂಕ ಗಳಿಸಿದ್ದರಿಂದ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿತ್ತು. +1.484 ರನ್ ರೆಟ್ ಹೊಂದಿದ್ದ ಪಾಕಿಸ್ತಾನ 3 ರಲ್ಲಿ 2 ಪಂದ್ಯ ಗೆದ್ದು 4 ಅಂಕಗಳೊಂದಿಗೆ 3ನೇ ಸ್ಥಾನದಲ್ಲಿತ್ತು.
ಇಂದು ಭಾರತ ನೀಡಿದ 253 ರನ್ಗಳ ಗುರಿಯನ್ನ 33.3 ಓವರ್ಗಳಲ್ಲೇ ತಲುಪಬೇಕಿತ್ತು. ಆದ್ರೆ 40 ಓವರ್ ಕಳೆದರೂ ಪಾಕಿಸ್ತಾನ 200 ರನ್ ತಲುಪುವಲ್ಲಿ ವಿಫಲವಾಗಿತ್ತು. ಹೀಗಾಗಿ ಭಾರತ ಸೆಮಿಫೈನಲ್ಗೆ ಅರ್ಹತೆ ಪಡೆದುಕೊಂಡಿತು.
ಅಲ್ಲದೇ ಈ ಪಂದ್ಯದಲ್ಲಿ ಪಾಕ್ ವಿರುದ್ಧ ಗೆದ್ದರೆ ಭಾರತ ಅಗ್ರಸ್ಥಾನಕ್ಕೇರಲಿದ್ದು, ಆಸ್ಟ್ರೇಲಿಯಾ ವಿರುದ್ಧ ಮೊದಲ ಸೆಮಿಫೈನಲ್ ಆಡಲಿದೆ. ಸೋತಿದ್ದರೆ ಅಫ್ಘಾನಿಸ್ತಾನದ ವಿರುದ್ಧ 2ನೇ ಸೆಮಿಫೈನಲ್ ಆಡಬೇಕಿತ್ತು.
