ಎಡ್ಜ್ಬಾಸ್ಟನ್: ಯುವ ನಾಯಕ ಶುಭಮನ್ ಗಿಲ್ (Shubman Gill) ಅಮೋಘ ಶತಕ, ಉಪನಾಯಕ ರಿಷಭ್ ಪಂತ್ ಹಾಗೂ ಕೆ.ಎಲ್ ರಾಹುಲ್ ಅವರ ಅರ್ಧಶತಕಗಳ ಬ್ಯಾಟಿಂಗ್ ನೆರವಿನಿಂದ 2ನೇ ಇನ್ನಿಂಗ್ಸ್ನಲ್ಲಿ ಭಾರತ 6 ವಿಕೆಟ್ಗೆ 427 ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿದೆ. ಇದರೊಂದಿಗೆ ಇಂಗ್ಲೆಂಡ್ಗೆ 608 ರನ್ಗಳ ಬೃಹತ್ ಟಾರ್ಗೆಟ್ ನೀಡಿದೆ.
2ನೇ ದಿನ 3 ವಿಕೆಟ್ ನಷ್ಟಕ್ಕೆ 77 ರನ್ ಗಳಿಸಿದ್ದ ಇಂಗ್ಲೆಂಡ್ 3ನೇ ದಿನ 89.3 ಓವರ್ಗಳಲ್ಲಿ 407 ರನ್ ಗಳಿಸಿ ಆಲೌಟ್ ಆಗಿತ್ತು. ಬಳಿಕ ತನ್ನ 2ನೇ ಇನ್ನಿಂಗ್ಸ್ ಆರಂಭಿಸಿದ್ದ ಭಾರತ 1 ವಿಕೆಟ್ ನಷ್ಟಕ್ಕೆ 64 ರನ್ ಗಳಿಸಿ 244 ರನ್ಗಳ ಮುನ್ನಡೆ ಕಾಯ್ದುಕೊಂಡಿತ್ತು. 4ನೇ ದಿನ ಆಂಗ್ಲರ ಬೆವರಿಳಿಸಿದ ಯುವ ಪಡೆ 6 ವಿಕೆಟ್ ನಷ್ಟಕೆ 427 ರನ್ ಗಳಿಸಿ, ಇಂಗ್ಲೆಂಡ್ಗೆ 608 ರನ್ಗಳ ಬೃಹತ್ ಟಾರ್ಗೆಟ್ ನೀಡಿದೆ.
ತನ್ನ 2ನೇ ಇನ್ನಿಂಗ್ಸ್ನಲ್ಲಿ ಟೀಂ ಇಂಡಿಯಾ ಪರ ಶುಭಮನ್ ಗಿಲ್ 161 ರನ್ (162 ಎಸೆತ, 8 ಸಿಕ್ಸರ್, 13 ಬೌಂಡರಿ) ಗಳಿಸಿದ್ರೆ, ರಿಷಭ್ ಪಂತ್ 65 ರನ್, ರವೀಂದ್ರ ಜಡೇಜಾ ಅಜೇಯ 69 ರನ್, ಕೆ.ಎಲ್ ರಾಹುಲ್ 55 ರನ್, ಜೈಸ್ವಾಲ್ 28 ರನ್, ಕರುಣ್ ನಾಯರ್ 26 ರನ್, ನಿತೀಶ್ ರೆಡ್ಡಿ 1 ರನ್ ಗಳಿಸಿದ್ರೆ ವಾಷಿಂಗ್ಟನ್ ಸುಂದರ್ 12 ರನ್ ಗಳಿಸಿ ಕ್ರೀಸ್ನಲ್ಲಿ ಉಳಿದರು.
