ಮಲಯಾಳಂನ (Malayalam) ಖ್ಯಾತ ನಟಿ ಶೋಭನಾ (Shobhana) ಹೊಸ ದಾಖಲೆಯೊಂದನ್ನು ಮಾಡಲಿದ್ದಾರೆ. ಮೋಹನ್ ಲಾಲ್ (Mohanlal) ಜೊತೆ ಮತ್ತೆ ಅವರು ತೆರೆ ಹಂಚಿಕೊಳ್ಳುತ್ತಿದ್ದು, ಇದುವರೆಗೂ ಈ ಜೋಡಿ 55 ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದೆ. ಈಗ 56ನೇ ಚಿತ್ರಕ್ಕಾಗಿ ಮತ್ತೆ ಒಂದಾಗುತ್ತಿದ್ದಾರೆ.
ನಟನೆಯ ಜೊತೆ ಜೊತೆಗೆ ನೃತ್ಯ ಪ್ರದರ್ಶನಗಳನ್ನು ನೀಡುವ ಶೋಭನಾ ಅತ್ಯಂತ್ರ ಪ್ರತಿಭಾವಂತ ನಟಿ. ಹಾಗಾಗಿ ಮೋಹನ್ ಲಾಲ್ ಅವರ ಜೊತೆ ನಟಿಸೋಕೆ ಈ ಪ್ರಮಾಣದಲ್ಲಿ ಅವರಿಗೆ ಅವಕಾಶ ಸಿಕ್ಕಿದೆ. ಹಲವು ವರ್ಷಗಳ ಕಾಲ ಶೋಭನಾ ಸಿನಿಮಾ ರಂಗದಿಂದ ದೂರವಿದ್ದರು. ಈಗ ಮತ್ತೆ ಒಂದಾಗಿದ್ದಾರೆ.
ಸದ್ಯಕ್ಕೆ ಸಿನಿಮಾಗೆ ತಾತ್ಕಾಲಿನ ಶೀರ್ಷಿಕೆ ಇಡಲಾಗಿದ್ದು, ಆಪರೇಷನ್ ಜಾವಾ ಖ್ಯಾತಿಯ ತರುಣ್ ಮೂರ್ತಿ ಈ ಚಿತ್ರದ ನಿರ್ದೇಶಕರು. ಏಳು ವರ್ಷಗಳ ನಂತರ ಶೋಭನಾ ಮತ್ತೆ ಸಿನಿಮಾ ರಂಗದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಸಹಜವಾಗಿಯೇ ಅಭಿಮಾನಿಗಳ ಸಂತಸಕ್ಕೆ ಕಾರಣವಾಗಿದೆ.
