ಬಿಟೌನ್ ಗಲ್ಲಿಯಲ್ಲಿ ಸದ್ಯ ಸದ್ದು ಮಾಡ್ತಿರುವ ವಿಚಾರ ಅಂದರೆ ಅಥಿಯಾ ಶೆಟ್ಟಿ (Athiya Shetty) ಮತ್ತು ಕೆ.ಎಲ್ ರಾಹುಲ್ (K.l Rahul) ಮದುವೆ ವಿಷ್ಯ. ಈ ಮದುವೆ ವದಂತಿಗೆ ನಟ ಸುನೀಲ್ ಶೆಟ್ಟಿ (Suniel Shetty) ಬಿಗ್ ಟ್ವಿಸ್ಟ್ ಕೊಟ್ಟಿದ್ದಾರೆ. ಡೇಟ್ ಫಿಕ್ಸ್ ಆದ್ಮೇಲೆ ನನ್ ಮಗಳ ಮದುವೆಗೆ ನನ್ನನ್ನು ಕರೆಯಿರಿ ಎಂದು ಸುನೀಲ್ ಶೆಟ್ಟಿ ರಿಯಾಕ್ಟ್ ಮಾಡಿದ್ದಾರೆ.
ಅಥಿಯಾ ಮತ್ತು ಕ್ರಿಕೆಟಿಗ ಕೆ.ಎಲ್ ರಾಹುಲ್ ಸಾಕಷ್ಟು ವರ್ಷಗಳಿಂದ ಡೇಟಿಂಗ್ (Dating) ಮಾಡ್ತಿದ್ದಾರೆ. ಹಾಗಾಗಿ ಮದುವೆ (Wedding) ವಿಚಾರ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ. ಇತ್ತೀಚೆಗೆ ಮುಂದಿನ ವರ್ಷ ಜನವರಿಯಲ್ಲಿ ಮದುವೆ ಎಂದು ವರದಿಯಾಗಿತ್ತು. ಈ ವಿಚಾರಕ್ಕೆ ಅಥಿಯಾ ತಂದೆ ಸುನೀಲ್ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ಮದುವೆ ವದಂತಿಯನ್ನು ಅವರು ಅಲ್ಲಗೆಳೆದಿದ್ದಾರೆ. ಇದನ್ನೂ ಓದಿ: ಪುತ್ರಿ ಐಶ್ವರ್ಯ ಜೊತೆ ತಿರುಪತಿ ದೇವಸ್ಥಾನಕ್ಕೆ ರಜನಿಕಾಂತ್ ಭೇಟಿ
ಈ ಕುರಿತು ಮಾತನಾಡಿರುವ ಅವರು, ನೀವುಗಳೇ ಅಥಿಯಾ ಮತ್ತು ರಾಹುಲ್ ವಿವಾಹದ ದಿನಾಂಕವನ್ನು ಖಚಿತಪಡಿಸಿದ ಮೇಲೆ ನನಗೂ ತಿಳಿಸಿ. ನಾನು ಸಹ ನನ್ನ ಮಗಳ ಮದುವೆಗೆ ಬರಲು ಸಹಾಯಕವಾಗುತ್ತದೆ ಎಂದು ತಮಾಷೆಯಾಗಿ ಹೇಳುವ ಮೂಲಕ ಇನ್ನೂ ಸಹ ಯಾವುದೇ ದಿನಾಂಕವನ್ನು ಫಿಕ್ಸ್ ಮಾಡಿಲ್ಲ ಎಂದು ಹೇಳಿದ್ದಾರೆ.
ಅಥಿಯಾ ಮತ್ತು ರಾಹುಲ್ ಅವರು ತಮ್ಮ ಕೆಲಸಗಳಿಂದ ಕೊಂಚ ಬ್ರೇಕ್ ಪಡೆದ ನಂತರದಲ್ಲಿ ಮಾತ್ರ ಅವರ ವಿವಾಹದ ಮಾತುಕಥೆಗಳು ನಡೆಸಲಾಗುತ್ತದೆ. ಇನ್ನೂ ಸಹ ಇಬ್ಬರ ನಿಶ್ಛಿತಾರ್ಥವಾಗಿಲ್ಲ. ಇವುಗಳು ಆದ ಮೇಳೆ ಮದುವೆಯ ಮಾತು ಎಂದು ಹೇಳಿದ್ದಾರೆ.
Live Tv
[brid partner=56869869 player=32851 video=960834 autoplay=true]
