ಜೈಪುರ್: ಪ್ರೀತಿಸಿ 18 ಯುವಕರನ್ನು ಮದುವೆಯಾದ ಯುವತಿ ಹಣ, ಆಭರಣ ದೋಚಿ ಪರಾರಿಯಾಗಿರುವ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ.
ಭಾಗವತಿ ಅಲಿಯಾಸ್ ಅಂಜಲಿ ಹಾಗೂ ಈಕೆಯೊಂದಿಗೆ ಐವರನ್ನು ರಾಜಸ್ಥಾನ ಪೊಲೀಸರು ಬಂಧಿಸಿದ್ದಾರೆ. ಮದುವೆಯಾಗುವುದನ್ನೆ ಬಂಡವಾಳ ಮಾಡಿಕೊಂಡ ಅಂಜಲಿ ಸರಿಸುಮಾರು 18 ಯುವಕರನ್ನು ಮದುವೆಯಾಗಿ ಅವರಿಂದ ಹಣ, ಆಭರಣವನ್ನು ಪಡೆದು ಮೋಸ ಮಾಡಿದ್ದಾಳೆ.
ಜುನಾಗಢದ ಅಂಬಾಲಿ ಯುವಕನನ್ನು ಮದುವೆ ಆಗಿದ್ದ ಅಂಜಲಿ ಆತನ ಮನೆಯಲ್ಲಿ ಆಭರಣ ಮತ್ತು 5 ಲಕ್ಷ ರೂಪಾಯಿ ಹಣವನ್ನು ದೋಚಿ ಪರಾರಿಯಾಗಿದ್ದಳು. ಈ ಪ್ರಕರಣ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿತ್ತು. ಈ ಕುರಿತಾಗಿ ತನಿಖೆ ನಡೆಸುತ್ತಿರುವ ಪೊಲೀಸರಿಗೆ ಅಂಜಲಿ ಗ್ಯಾಂಗ್ ಸಮೇತವಾಗಿ ಸಿಕ್ಕಿ ಬಿದ್ದಿದ್ದಾಳೆ.
ಅಂಜಲಿ ಜೊತೆಗೆ ಒಂದು ಗ್ಯಾಂಗ್ಗೆ ಈ ಒಂದು ಕೆಲಸಕ್ಕೆ ಇಳಿದಿತ್ತು. ಗುಜರಾತ್, ಮಧ್ಯಪ್ರದೇಶ ಹಾಗೂ ಇತರೆ ರಾಜ್ಯದ ಯುವಕರನ್ನು ಟಾರ್ಗೆಟ್ ಮಾಡುತ್ತಿದ್ದರು. ಅಂಜಲಿ ಪ್ರೀತಿಸುವಂತೆ ನಟಿಸಿ ನಂಬಿಸಿ ಮದುವೆಯಾಗಿ ಅವರಿಂದ ಹಣ, ಆಭರಣವನ್ನು ಪಡೆದು ಪರಾರಿಯಾಗುತ್ತಿದ್ದರು. ಮದುವೆ ಮಾಡಿಕೊಂಡು ದೋಚುವುದನ್ನೇ ಇವರ ಕಸುಬನ್ನಾಗಿ ಮಾಡಿಕೊಂಡಿದ್ದರು ಎಂದು ತಿಳಿದು ಬಂದಿದೆ.