ಲಾಕ್‍ಡೌನ್ ಇದೆ ಹೊರಗಡೆ ಹೋಗಿ ತರಕಾರಿ ಹಾಗೂ ಇನ್ನಿತರ ವಸ್ತಗಳನ್ನು ಖರೀದಿಸುವುದು ಕಷ್ಟವಾಗುತ್ತದೆ. ಮನೆಯಲ್ಲಿರುವ ಕೆಲವು ಸಾಮಗ್ರಿಗಳನ್ನು ಉಪಯೋಗಿಸಿಕೊಂಡು ಸರಳವಾಗಿ 10 ನಿಮಿಷದಲ್ಲಿ ಮೊಸರು ಗೊಜ್ಜು ಮಾಡಿಕೊಂಡು ಅನ್ನ ಮತ್ತು ರೊಟ್ಟಿ ಜೊತೆಗೆ ಸವಿಯಲು ಇಲ್ಲಿದೆ ಮಾಡುವ ವಿಧಾನ…
ಬೇಕಾಗುವ ಸಾಮಗ್ರಿಗಳು
* ಮೊಸರು – 1 ಕಪ್
* ಕೆಂಪುಮೆಣಸಿನ ಪುಡಿ – 1 ಟೀ ಸ್ಪೂನ್
* ಕೊತ್ತಂಬರಿ ಪುಡಿ- ಅರ್ಧ ಚಮಚ
* ಜೀರಿಗೆ ಪುಡಿ- ಅರ್ಧ ಚಮಚ
* ಅರಿಶಿಣ -ಅರ್ಧ ಚಮಚ
* ಗರಂಮಸಾಲೆ ಪುಡಿ – ಕಾಲು ಚಮಚ
* ಬೆಳ್ಳುಳ್ಳಿ – 1
* ಅಡುಗೆ ಎಣ್ಣೆ- 3 ಟೀ ಸ್ಪೂನ್
* ಸಾಸಿವೆ- ಅರ್ಧ ಚಮಚ
* ಜೀರಿಗೆ – ಅರ್ಧ ಚಮಚ
* ಒಣಮೆಣಸು – 2
* ಕರಿಬೇವು
* ಇರುಳ್ಳಿ – 1 ದೊಡ್ಡಗಾತ್ರದ್ದು
* ರುಚಿಗೆ ತಕ್ಕಷ್ಟು ಉಪ್ಪು
ಮಾಡುವ ವಿಧಾನ:
* ಮೊಸರನ್ನು ಒಂದು ಪಾತ್ರೆಗೆ ಹಾಕಿಕೊಳ್ಳಬೇಕು. ಆ ಪಾತ್ರೆಗೆ ಮೆಣಸಿನ ಪುಡಿ, ಜೀರಿಗೆ ಪುಡಿ, ಅರಿಶಿಣ, ಗರಂಮಸಾಲೆ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಒಂದು ಕಡೆ ತೆಗೆದಿಟ್ಟುಕೊಳ್ಳಬೇಕು. ಇದನ್ನೂ ಓದಿ: ಘಮ್ ಎನ್ನುವ ಗಸಗಸೆ ಪಾಯಸ ಮಾಡುವುದು ಹೇಗೆ ಗೊತ್ತಾ?
* ಒಂದು ಬಾಣಲೆಗೆ ಅಡುಗೆಎಣ್ಣೆಯನ್ನು ಹಾಕಿ ಬಿಸಿ ಮಾಡಬೇಕು. ಅದಕ್ಕೆ ಸಾಸಿವೆ, ಜೀರಿಗೆ, ಒಣಮೆಣಸು, ಕರಿಬೇವು, ಬೆಳ್ಳುಳ್ಳಿ, ಇರುಳ್ಳಿ ಹಾಕಿ ಫ್ರೈ ಮಾಡಬೇಕು.
* ನಂತರ ಈ ಪಾತ್ರೆಗೆ ಈ ಮೊದಲೇ ತಯಾರಿಸಿಟ್ಟ ಮೊಸರಿನ ಮಸಲಾಲೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ 5 ನಿಮಿಷ ಕುದಿಸಿದರೆ ರುಚಿಯಾದ ಮೊಸರು ಗೊಜ್ಜು ಸವಿಯಲು ಸಿದ್ಧವಾಗುತ್ತದೆ.
