ಮುಂಬೈ: ಸುಶಾಂತ್ ಬಳಸುತ್ತಿದ್ದ ಎರಡು ವಸ್ತುಗಳು ಮಾತ್ರ ನನ್ನ ಬಳಿಯಲ್ಲಿವೆ ಎಂದು ನಟಿ ರಿಯಾ ಚಕ್ರವರ್ತಿ ಹೇಳಿಕೊಂಡು ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ಎರಡು ಫೋಟೋ ಜೊತೆ ಸಂದೇಶ ಹಂಚಿಕೊಂಡಿರುವ ರಿಯಾ, ನನ್ನ ಹತ್ತಿರುವ ಸುಶಾಂತ್ ಪ್ರಾಪರ್ಟಿ ಎಂದಿದ್ದಾರೆ. ಒಂದು ಫೋಟೋದಲ್ಲಿ ಸಿನಿಮಾವೊಂದರಲ್ಲಿ ಬಳಿಸಿದ್ದ ನೀರಿನ ಬಾಟಲ್, ಮತ್ತೊಂದು ಸುಶಾಂತ್ ಹಸ್ತಾಕ್ಷರವುಳ್ಳ ಒಂದು ಪುಟದ ಚಿತ್ರವಿದೆ. ಪುಟದಲ್ಲಿ ಸುಶಾಂತ್ ತನ್ನ ಜೀವನದಲ್ಲಿರುವ ವ್ಯಕ್ತಿಗಳಿಗೆ ಆಭಾರಿಯಾಗಿದ್ದೇನೆ ಎಂದು ಬರೆದಿದ್ದಾರೆ. ಇದನ್ನೂ ಓದಿ: ಸುಶಾಂತ್ ಕೇಸ್- ಸಿಬಿಐ ತನಿಖೆಗೆ ಕೇಂದ್ರ ಸಮ್ಮತಿ
ಏನದು ಸಂದೇಶ?: ನನ್ನ ಜೀವನದ ಒಂದು ಭಾಗವಾಗಿರುವ ಲಿಲ್ಲು (ಶೌವಿಕ್ ಚಕ್ರವರ್ತಿ). ಬೇಬೂ (ರಿಯಾ), ಸರ್ (ರಿಯಾ ತಂದೆ), ಮಮ್ಮಿ (ರಿಯಾ ತಾಯಿ), ಫಡ್ಜ್ (ಸುಶಾಂತ್ ಸಾಕು ನಾಯಿ) ನಿಮಗೆಲ್ಲರಿಗೂ ನಾನು ಆಭಾರಿಯಾಗಿದ್ದೇನೆ ಎಂದು ಬರೆಯಲಾಗಿದೆ. ಆದ್ರೆ ಈ ಲೆಟರ್ ಸುಶಾಂತ್ ಯಾವಾಗ ಬರೆದಿದ್ದು ಎಂಬುದನ್ನು ರಿಯಾ ಹೇಳಿಕೊಂಡಿಲ್ಲ. ಇದನ್ನೂ ಓದಿ: ರಿಯಾ ಸೋದರನ ಖಾತೆಗೆ ಸುಶಾಂತ್ ಅಕೌಂಟ್‍ನಿಂದ ಹಣ ವರ್ಗಾವಣೆ
ಅಕ್ರಮ ಹಣ ವರ್ಗಾವಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿರುವ ಜಾರಿ ನಿರ್ದೇಶನಾಲಯ ಎಂಟು ಗಂಟೆ ರಿಯಾರನ್ನು ವಿಚಾರಣೆಗೆ ಒಳಪಡಿಸಿತ್ತು. ವಿಚಾರಣೆ ವೇಳೆ ತಾನು ಸುಶಾಂತ್ ನಿಂದ ಯಾವುದೇ ಹಣ ಪಡೆದಿಲ್ಲ ಎಂದು ರಿಯಾ ಹೇಳಿಕೆ ದಾಖಲಿಸಿರುವ ಬಗ್ಗೆ ವರದಿಗಳು ಬಿತ್ತರವಾಗಿವೆ. ಇದನ್ನೂ ಓದಿ: ಸ್ಫೋಟಕ ಸತ್ಯ ಬಿಚ್ಚಿಟ್ಟ ಸುಶಾಂತ್ ಆಪ್ತ ಗೆಳೆಯ ಸಿದ್ಧಾರ್ಥ್ ಪಿಠಾಣಿ
