– ಮಹಿಳೆಯ ಐಡಿಯಾಕ್ಕೆ ಭರ್ಜರಿ ಕಮೆಂಟ್
ನವದೆಹಲಿ: ಮಹಾಮಾರಿ ಕೊರೊನಾ ವೈರಸ್ ವಕ್ಕರಿಸಿದ ಬಳಿಕ ಸಾಕಷ್ಟು ಅವಾಂತರಗಳು ನಡೆದಿದೆ. ಈ ಸಾಂಕ್ರಾಮಿಕ ರೋಗದಿಂದ ದೂರ ಇರಲು ಕೆಲವೊಂದು ನಿಯಮಗಳನ್ನು ತಾವೇ ರೂಪಿಸಿಕೊಳ್ಳುವ ಮೂಲಕ ಜೀವನ ಮುಂದುವರಿಸಲು ಹಲವು ದಾರಿಗಳನ್ನು ಕಂಡುಕೊಳ್ಳುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಅನೇಕ ಮದುವೆಗಳು ರದ್ದಾದರೆ, ಇನ್ನೂ ಕೆಲವೊಂದು ಮದುವೆಗಳು ಅತ್ಯಂತ ಸರಳವಾಗಿ ನಡೆಯುತ್ತಿವೆ. ಈ ಮಧ್ಯೆ ಅರಿಶಿಣ ಶಾಸ್ತ್ರದಲ್ಲಿ ಮಹಿಳೆಯೊಬ್ಬರು ಕಂಡುಕೊಂಡ ಐಡಿಯಾ ಇದೀಗ ಭಾರೀ ಸುದ್ದಿಯಾಗಿದೆ.
- Advertisement 2
ಹೌದು. ಮಹಿಳೆಯೊಬ್ಬರು ವಧುವಿಗೆ ಪೇಂಟ್ ರೋಲರ್ ಮೂಲಕ ಅರಿಶಿಣ ಶಾಸ್ತ್ರ ನೆರವೇರಿಸಿದ್ದಾರೆ. ಇದರ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.
- Advertisement 3
Innovative Haldi ceremony with Social Distancing!
This is a pre-wedding ceremony in India where Turmeric (haldi), oil & water are applied to the bride & groom by married women on the morning of the wedding. The mixture is believed to bless the couple before the wedding. #COVID19 pic.twitter.com/nHHYrVbOqa
— Harjinder Singh Kukreja (@SinghLions) September 28, 2020
- Advertisement 4
ಹರ್ಜಿಂದರ್ ಸಿಂಗ್ ಕುಕ್ರೇಜಾ ಎಂಬವರು ತನ್ನ ಟ್ವಿಟ್ಟರ್ ಖಾತೆಯಲ್ಲಿ ಈ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ ಸಾಮಾಜಿಕ ಅಂತರದಿಂದ ಹುಟ್ಟಿಕೊಂಡ ಹೊಸ ವಿಧಾನ! ಈ ಶಾಸ್ತ್ರ ಭಾರತದಲ್ಲಿ ವಿವಾಹದ ಪೂರ್ವದಲ್ಲಿ ನಡೆಯುತ್ತದೆ. ದಾಂಪತ್ಯ ಜೀವನಕ್ಕೆ ಕಾಲಿಡುವ ದಿನದಂದು ಬೆಳಗ್ಗೆ ವಿವಾಹಿತ ಮಹಿಳೆಯರು ಅರಿಶಿಣ, ಎಣ್ಣೆ ಹಾಗೂ ನೀರು ಮಿಕ್ಸ್ ಮಾಡಿ ವಧು-ವರನಿಗೆ ಹಚ್ಚುತ್ತಾರೆ. ಈ ರೀತಿ ಮಾಡಿದರೆ ಮದುವೆಗೆ ಮೊದಲು ಜೋಡಿಗೆ ಆಶೀರ್ವಾದ ಸಿಕ್ಕಂತಾಗುತ್ತದೆ ಎಂಬ ನಂಬಿಕೆಯಿದೆ.
ಲೂಧಿಯಾನದಲ್ಲಿ ನಡೆದ ಅರಿಶಿಣ ಶಾಸ್ತ್ರದ 13 ಸೆಕೆಂಡಿನ ಈ ವೀಡಿಯೋದಲ್ಲಿ, ಸಂಬಂಧಿಕರೊಬ್ಬರು ವಧುವಿಗೆ ಅರಿಶಿಣ ಹಚ್ಚಲು ಪೇಂಟ್ ರೋಲರ್ ಬಳಸಿರುವುದುನ್ನು ಕಾಣಬಹುದು. ಸಾಮಾಜಿಕ ಅಂತರ ಕಾಯ್ದುಕೊಂಡು ವಧುವಿಗೆ ಅರಿಶಿಣ ಹಚ್ಚಿರುವುದನ್ನು ನೋಡಿ ಸಮಾರಂಭದಲ್ಲಿ ನೆರೆದಿದ್ದವರು ಜೋರಾಗಿ ನಕ್ಕಿದ್ದಾರೆ. ಈ ಮೂಲಕ ಕಾರ್ಯಕ್ರಮದಲ್ಲಿ ಮೋಜು ಮಾಡಿದ್ದನ್ನು ನಾವು ವೀಡಿಯೋದಲ್ಲಿ ಕಾಣಬಹುದಾಗಿದೆ.
ಇದುವರೆಗೂ ಈ ವೀಡಿಯೋ 6 ಸಾವಿರಕ್ಕೂ ಅಧಿಕ ಬಾರಿ ವೀಕ್ಷಣೆಯಾಗಿದೆ. ಸಾವಿರಾರು ಕಮೆಂಟ್ ಗಳು ಕೂಡ ಬಂದಿವೆ. ಒಬ್ಬರು ಈ ವೀಡಿಯೋ ನೋಡಿದರೆ ನಗು ಬರುತ್ತದೆ ಎಂದು ಕಮೆಂಟ್ ಮಾಡಿದರೆ, ಇನ್ನೊಬ್ಬರು ಹಳದಿ ಪೇಂಟ್ಗಾಗಿ ಒಳ್ಳೆಯ ಉಪಾಯ ಕಂಡುಕೊಂಡಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.
https://twitter.com/jass_kukreja/status/1310673800640499715