ಚೆನ್ನೈ: ಮಹಿಳೆ ಸೆಕ್ಸ್ ಬಗ್ಗೆ (ಇಂಟರ್ ಕೋರ್ಸ್) ಮಾತನಾಡಿದ್ದ ವೀಡಿಯೋ ಅಪ್ಲೋಡ್ ಮಾಡಿದ್ದ ಯುಟ್ಯೂಬ್ ಚಾನೆಲ್ ನ ಮೂವರನ್ನ ಗ್ರೇಟರ್ ಚೆನ್ನೈ ಪೊಲೀಸರು ಬಂಧಿಸಿದ್ದಾರೆ.
ವೀಡಿಯೋದಲ್ಲಿ ಮಹಿಳೆ ಸೆಕ್ಸ್ ಗೆ ಸಂಬಂಧಿಸಿದ ಮಾತುಗಳನ್ನಾಡೋದನ್ನ ಕೇಳಬಹುದು. ಇತ್ತ ಮಹಿಳೆಯ ಸಂದರ್ಶನ ಮಾಡುತ್ತಿದ್ದ ವಿಜೆ (ವೀಡಿಯೋ ಜಾಕಿ) ಮಾತುಗಳನ್ನ ಕೇಳಿ ಜೋರು ಜೋರಾಗಿ ನಗಾಡಿದ್ದಾರೆ. ವೀಡಿಯೋದಲ್ಲಿ ಮಹಿಳೆ ದಾಖಲಿಸಿದ ದೂರಿನನ್ವಯ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಈ ಶೋ ಸಂಪೂರ್ಣ ಸ್ಕ್ರಿಪ್ಟೆಡ್ ಆಗಿತ್ತು. ವೀಡಿಯೋ ಅಪ್ಲೋಡ್ ಮಾಡುವ ಮೊದಲೇ ಯುಟ್ಯೂಬ್ ಚಾನೆಲ್ ಬರುವ ಕಮೆಂಟ್ ಗಳನ್ನ ಹೈಡ್ ಮಾಡಲಾಗುವುದು ಅಂತ ಹೇಳಿತ್ತು. ಆದ್ರೆ ಆ ವಿಡಿಯೋ ಹಲವು ಯೂಟ್ಯೂಬ್ ಚಾನೆಲ್ ಗಳಲ್ಲಿ ಅಪ್ಲೋಡ್ ಮಾಡಲಾಗಿದೆ. ನೆಟ್ಟಿಗರು ಅವಾಚ್ಯ ಪದಗಳನ್ನ ಬಳಸಿ ಕಮೆಂಟ್ ಮಾಡುತ್ತಿದ್ದಾರೆ ಎಂದು ಮಹಿಳೆ ಆರೋಪಿಸಿದ್ದಾರೆ.
ಸಾರ್ವಜನಿಕವಾಗಿ ಅಶ್ಲೀಲ ವೀಡಿಯೋ ಹರಿಬಿಟ್ಟ ಆರೋಪದಡಿ ಯುಟ್ಯೂಬ್ ಸಂಚಾಲಕ ದಿನೇಶ್, ವಿಜೆ ಹುಸೈನ್ ಬಾದ್ ಶಾ ಮತ್ತು ವೀಡಿಯೋ ಎಡಿಟರ್ ಅಜಯ್ ಬಾಬುನನ್ನ ಬಂಧಿಸಲಾಗಿದೆ.