ರುಚಿ ರುಚಿಯಾದ ಪುಳಿಯೋಗರೆ ಗೊಜ್ಜು ಎಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ. ಬೆಳಗ್ಗಿನ ಉಪಹಾರಕ್ಕೆ ಹೆಚ್ಚಿನವರು ಪುಳಿಯೋಗರೆ ತಿನ್ನಲು ಇಷ್ಟಪಡುತ್ತಾರೆ. ಹೀಗಿರುವಾಗ ನಾವು ಮನೆಯಲ್ಲಿಯೇ ರುಚಿಯಾದ ಪುಳಿಯೋಗರೆ ಗೊಜ್ಜು ಮಾಡಿಟ್ಟರೆ ನಮಗೆ ಬೇಕಾದಾಗ ಉಪಯೋಗಿಸಬಹುದಾಗಿದೆ.
Advertisement
ಬೇಕಾಗುವ ಸಾಮಗ್ರಿಗಳು:
Advertisement
* ಒಣಮೆಣಸು- 10 ರಿಂದ 15
* ಹುಣಸೆಹಣ್ಣು(ರಾತ್ರಿ ನೆನೆಹಾಕಿರ ಬೇಕು)
* ಸಾಸಿವೆ- 1 ಟೀ ಸ್ಪೂನ್
* ಜೀರಿಗೆ- 2 ಟೀ ಸ್ಪೂನ್
* ಎಳ್ಳು- 1 ಟೀ ಸ್ಪೂನ್
* ತೆಂಗಿನಕಾಯಿ- 1 ಕಪ್
* ಕಡಲೆ ಬೇಳೆ- 2 ಟೀ ಸ್ಪೂನ್
* ರುಚಿಗೆ ತಕ್ಕಷ್ಟು ಉಪ್ಪು
* ಕೊತ್ತಂಬರಿ ಬೀಜ- 2 ಟೀ ಸ್ಪೂನ್
* ಕರಿಬೇವು
* ಕರಿಮೆಣಸು- 2 ಟೀ ಸ್ಪೂನ್
* ಮೆಂತೆ- 1 ಟೀ ಸ್ಪೂನ್
* ಅರಿಶಿಣ- 1 ಟೀ ಸ್ಪೂನ್
* ಬೆಲ್ಲ- ಅರ್ಧ ಕಪ್
* ಶೇಂಗಾ
* ಇಂಗು
* ಉದ್ದಿನ ಬೇಳೆ- 2 ಟೀ ಸ್ಪೂನ್
Advertisement
Advertisement
ಮಾಡುವ ವಿಧಾನ:
* ಒಂದು ಬಾಣಲೆಯನ್ನು ಬಿಸಿಗೆ ಇಟ್ಟು, ಎಣ್ಣೆ ಸೇರಿಸದೆಯೇ ಎಳ್ಳನ್ನು ಹುರಿದು ತೆಗೆದಿಟ್ಟುಕೊಳ್ಳಬೇಕು. ಇದನ್ನೂ ಓದಿ: ಬಬ್ರುವಾಹನ ನಿರ್ಮಾಪಕ ಕೆಸಿಎನ್ ಚಂದ್ರಶೇಖರ್ ನಿಧನ
* ನಂತರ ಮತ್ತೊಂದು ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ ಬಿಸಿ ಮಾಡಿ. ನಂತರ ಒಣ ಮೆಣಸಿನ ಕಾಯಿ, ಉದ್ದಿನ ಬೇಳೆ, ಕಡ್ಲೇ ಬೇಳೆ, ಧನಿಯಾ, ಕಾಳು ಮೆಣಸು, ಜೀರಿಗೆ, ಸಾಸಿವೆ, ಮೆಂತ್ಯೆ ಕಾಳು ಸೇರಿಸಿ, 4-5 ನಿಮಿಷಗಳ ಕಾಲ ಹುರಿದುಕೊಳ್ಳಬೇಕು.
* ಹುರಿದ ಸಾಮಾಗ್ರಿಗಳು ತಣ್ಣಗಾದ ಬಳಿಕ ಮಿಕ್ಸರ್ ಪಾತ್ರೆಗೆ ಸೇರಿಸಿ, ಚೆನ್ನಾಗಿ ರುಬ್ಬಿಕೊಳ್ಳಿಬೇಕು.
* ಒಂದು ಬಾಣಲೆಯಲ್ಲಿ ಎಣ್ಣೆಹಾಕಿ ಬಿಸಿ ಮಾಡಬೇಕು. ಬಳಿಕ ಸಾಸಿವೆ ಕಾಳು, ಕಡ್ಲೇ ಬೇಳೆ, ಉದ್ದಿನ ಬೇಳೆ, ಶೇಂಗಾ, ಅರಿಶಿನ, ಇಂಗು, ಕರಿಬೇವಿನ ಎಲೆ ಮತ್ತು ಕೆಂಪು ಒಣ ಮೆಣಸಿನಕಾಯಿ ಸೇರಿಸಿ ಸ್ವಲ್ಪ ಹುರಿದುಕೊಳ್ಳಬೇಕು.
* ಅದೇ ಬಾಣಲೆಗೆ ಉಪ್ಪನ್ನು ಸೇರಿಸಿ, ಚೆನ್ನಾಗಿ ಫ್ರೈ ಮಾಡಬೇಕು. ನಂತರ ಈ ಮೊದಲು ತಯಾರಿಸಿಕೊಂಡ ಮಸಾಲಯನ್ನು ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಬೇಕು. ಪಾತ್ರೆಯ ಸುತ್ತಲ ತಳ ಬಿಡುವ ತನಕ ಬೇಯಿಸಬೇಕು.
* ನಂತರ ಗೊಜ್ಜನ್ನು ಆರಿಸಿ, ಒಂದೆಡೆ ತಣ್ಣಗಾಗಲು ಬಿಡಬೇಕು. ತಣ್ಣಗಾದ ಪುಳಿಯೋಗರೆ ಗೊಜ್ಜನ್ನು ಗಾಳಿಯಾಡದ ಡಬ್ಬದಲ್ಲಿ ಸೇರಿಸಿ, 3-4 ತಿಂಗಳುಗಳ ಕಾಲ ಕೆಡದಂತೆ ಸಂಗ್ರಹಿಸಿ ಇಡಬಹುದು. ಅಗತ್ಯವಿದ್ದಾಗ ಗೊಜ್ಜನ್ನು ಅನ್ನದೊಂದಿಗೆ ಬೆರೆಸಿ, ಸವಿಯಬಹುದಾಗಿದೆ.
