ನಾಳೆ ಭಾನುವಾರ, ರಜೆ ಸಮ
ಯ. ಮಧ್ಯಾಹ್ನ ಅಥವಾ ರಾತ್ರಿ ಊಟಕ್ಕೆ ಬಾಡೂಟ ಇಲ್ಲ ಅಂದ್ರೆ ಹೇಗೆ. ಚಿಕನ್ ಸಾಂಬಾರ್, ಚಿಕನ್-65 ಮಾಡಿ ನಿಮಗೂ ಬೇಜಾರು ಆಗಿರುತ್ತೆ, ಮಕ್ಕಳಿಗೂ ತಿನ್ನಲು ಬೇಜಾರು. ಹಾಗಾಗಿ ಪಕ್ಕಾ ನಾಟಿ ಶೈಲಿಯಲ್ಲಿ ಚಿಕನ್ ಸುಕ್ಕಾ ಮಾಡುವ ವಿಧಾನ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು
ಚಿಕನ್ – 300 ಗ್ರಾಂ
ಜೀರಿಗೆ – 1/2 ಟೀ ಸ್ಪೂನ್
ಬೆಳ್ಳುಳ್ಳಿ – 6 ರಿಂದ 8
ಹಸಿಕೊಬ್ಬರಿ ತುರಿ – 1 ಕಪ್
ಕಾಳುಮೆಣಸು- 1 ಟೀ ಸ್ಪೂನ್
ಧನಿಯಾ – 1 ಟೀ ಸ್ಪೂನ್
ಮೆಂತೆ – 1/2 ಟೀ ಸ್ಪೂನ್
ಹುಣಸೆ – 1/2 ಇಂಚು
ಈರುಳ್ಳಿ- 1 (ಚಿಕ್ಕ ಗಾತ್ರದ್ದು)
ಒಣಮೆಣಸಿನ ಕಾಯಿ- 5 ರಿಂದ 6
ಅರಿಶಿಣ – ಚಿಟಿಕೆ
ಎಣ್ಣೆ
ಉಪ್ಪು- ರುಚಿಗೆ ತಕ್ಕಷ್ಟು
ಮಾಡುವ ವಿಧಾನ:
* ಮೊದಲಿಗೆ ಒಂದು ಪ್ಯಾನ್ ಸ್ಟೌವ್ ಮೇಲಿಟ್ಟು ಎರಡೂ ಟೀ ಸ್ಪೂನ್ ಹಾಕಿ. ಎಣ್ಣೆ ಬಿಸಿಯಾಗುತ್ತಿದ್ದಂತೆ ಒಣಮೆಣಸಿನಕಾಯಿ, ಕಾಳು ಮೆಣಸು, ಮೆಂತೆ, ಹುಣಸೆ ಹಾಕಿ ಚೆನ್ನಾಗಿ ಹುರಿದುಕೊಳ್ಳಿ. ನಂತರ ಮಿಕ್ಸಿಗೆ ಹಾಕಿ ಸ್ವಲ್ಪ ನೀರು ಸೇರಿಸಿ ಚೆನ್ನಾಗಿ ರುಬ್ಬಿಕೊಂಡು ಎತ್ತಿಟ್ಟುಕೊಳ್ಳಿ.
* ಇದೀಗ ಅದೇ ಪ್ಯಾನ್ ಗೆ ಮತ್ತೆರಡು ಟೀ ಸ್ಪೂನ್ ಎಣ್ಣೆ ಹಾಕಿ. ನಂತರ ಜೀರಿಗೆ, ಬೆಳ್ಳುಳ್ಳಿ ಮತ್ತು ಹಸಿಕೊಬ್ಬರಿ ತುರಿ ಸೇರಿಸಿ ಚೆನ್ನಾಗಿ ಹುರಿದುಕೊಂಡು, ಮಿಕ್ಸಿ ಜಾರಿಗೆ ಹಾಕಿ ತರಿ ತರಿಯಾಗಿ ರುಬಿಕೊಳ್ಳಬೇಕು.
* ಒಂದು ಬಾನಲೆಯನ್ನ ಸ್ಟೌವ್ ಮೇಲಿಟ್ಟು ಎರಡರಿಂದ ಮೂರು ಟೀ ಸ್ಪೂನ್ ಎಣ್ಣೆ ಹಾಕಿ. ನಂತರ ಬಾಣಲೆಗೆ ತೊಳೆದಿಟ್ಟುಕೊಂಡಿರುವ ಚಿಕನ್ ಸೇರಿಸಿ ಬಾಡಿಸಿ. ತದನಂತರ ಚಿಟಿಕೆ ಅರಿಶಿನ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಕಲಕಿ ಮುಚ್ಚಳ ಮುಚ್ಚಿ ಮಧ್ಯಮ ಉರಿಯಲ್ಲಿ 5 ರಿಂದ 6 ನಿಮಿಷ ಬೇಯಿಸಿ.
* ಬಾಣಲೆಗೆ ರುಬ್ಬಿಕೊಂಡಿರುವ ಮಸಾಲೆ ಮಿಶ್ರಣ ಸೇರಿಸಿ ಮಿಕ್ಸ್ ಮಾಡಬೇಕು. ನಂತರ ಮತ್ತೆ ಮುಚ್ಚಳ ಮುಚ್ಚಿ ಮಧ್ಯಮ ಉರಿಯಲ್ಲಿ 5 ನಿಮಿಷ ಬೇಯಿಸಬೇಕು.
* 5 ನಿಮಿಷದ ಬಳಿಕ ಸಣ್ಣದಾಗಿ ಕತ್ತರಿಸಿರುವ ಈರುಳ್ಳಿ ಸೇರಿಸಿ ಮಿಕ್ಸ್ ಮಾಡಬೇಕು. ನಂತ್ರ ರುಬ್ಬಿರುವ ಕೊಬ್ಬರಿ ತುರಿಯನ್ನು ಮಿಕ್ಸ್ ಮಾಡಿ ಮುಚ್ಚಳ ಮುಚ್ಚಿ ಮೂರರಿಂದ 5 ನಿಮಿಷ ಬೇಯಿಸಿದ್ರೆ ಚಿಕನ್ ಸುಕ್ಕಾ/ ಕೋರಿ ಸುಕ್ಕಾ ರೆಡಿ.
* ಬಿಸಿ ಬಿಸಿ ರೊಟ್ಟಿ, ಚಪಾತಿ, ನೀರ್ ದೋಸೆ ಚಿಕನ್ ಸುಕ್ಕಾ ಸವಿದ್ರೆ ಬೆಸ್ಟ್.
