ಧ್ರುವ ಸರ್ಜಾ ಎತ್ತರದ ಕಟೌಟ್ ನಿರ್ಮಾಣ – ಹಾಲಿನ ಅಭಿಷೇಕ ಮಾಡಲಿದ್ದಾರೆ ಅಭಿಮಾನಿಗಳು

ಬೆಂಗಳೂರು: ಸ್ಯಾಂಡಲ್‍ವುಡ್ ನಟ ಧ್ರುವ ಸರ್ಜಾ ಅಭಿನಯದ ಬಹು ನಿರೀಕ್ಷಿತ ಪೊಗರು ಸಿನಿಮಾ ಬಿಡುಗಡೆಗೆ ನರ್ತಕಿ ಚಿತ್ರಮಂದಿರದಲ್ಲಿ ಭರ್ಜರಿ ತಯಾರಿ ನಡೆಸಲಾಗುತ್ತಿದೆ.

ಕಳೆದ ವರ್ಷ ಬಿಡುಗಡೆಗೊಳ್ಳಬೇಕಿದ್ದ ಪೊಗರು ಸಿನಿಮಾ ಕೊರೊನಾ ಲಾಕ್‍ಡೌನ್‍ನಿಂದ 2021ರ ಫೆಬ್ರವರಿ 19ರಂದು ರಾಜ್ಯಾದ್ಯಂತ ಬೆಳ್ಳಿಪರದೆ ಮೇಲೆ ಬರಲಿದೆ. ಸಿನಿಮಾ ಬಿಡುಗಡೆಗೆ ಇನ್ನೂ ಒಂದೇ ದಿನ ಬಾಕಿ ಇದ್ದು, ನರ್ತಕಿ ಥಿಯೇಟರ್ ಮುಂದೆ ಧ್ರುವ ಸರ್ಜಾ ಅಭಿಮಾನಿಗಳು ಅತೀ ಎತ್ತರದ ಕಟೌಟ್ ನಿರ್ಮಾಣ ಮಾಡಿದ್ದಾರೆ.

ಪೊಗರು ಚಿತ್ರ ಬಿಡುಗಡೆಯ ದಿನ ಅಭಿಮಾನಿಗಳು ಧ್ರುವ ಸರ್ಜಾರ ಬೃಹತ್ ಕಟೌಟ್‍ಗೆ ಹಾಲಿನ ಅಭಿಷೇಕ ಮಾಡಿ ಸಂಭ್ರಮಿಸಲಿದ್ದಾರೆ.

ಪೊಗರು ಸಿನಿಮಾ ಧ್ರುವ ಸರ್ಜಾ ಅಭಿನಯದ 4ನೇ ಸಿನಿಮಾವಾಗಿದ್ದು, ಧ್ರುವಗೆ ನಾಯಕಿಯಾಗಿ ರಶ್ಮಿಕ ಮಂದಣ್ಣ ಮಿಂಚಿದ್ದಾರೆ. ಚಿತ್ರಕ್ಕೆ ನಿರ್ದೇಶಕ ನಂದ ಕಿಶೋರ್ ಆ್ಯಕ್ಷನ್ ಕಟ್ ಹೇಳಿದ್ದು, ಬಿ.ಕೆ ಗಂಗಾಧರ್ ನಿರ್ಮಿಸಿದ್ದಾರೆ. ಅಲ್ಲದೆ ಪೊಗರು ಸಿನಿಮಾಕ್ಕೆ ರ್ಯಾಪರ್ ಚಂದನ್ ಶೆಟ್ಟಿ ಹಾಗೂ ಅರ್ಜುನ್ ಜನ್ಯ ಸಂಗಿತಾ ಸಂಯೋಜಿಸಿದ್ದಾರೆ.