ಎಲಿಮಿನೇಷನ್ ನಂತರ ಶುಭಾ ಮನದಾಳದ ಮಾತು

ಬಿಗ್‍ಬಾಸ್ ಮನೆಯಿಂದ ಹೊರಬಂದ ಶುಭಾ ಪೂಂಜಾ ಬಿಗ್‍ಬಾಸ್ ನನ್ನ ಜೀವನದ ಬೆಸ್ಟ್ ಡಿಷಿಶನ್ ಎಂದು ಹೇಳಿದ್ದಾರೆ.

ಭಾನುವಾರ ವೇದಿಕೆ ಮೇಲೆ ಮಾತನಾಡಿದ ಶುಭಾ, 7 ಸೀಸನ್‍ನಲ್ಲಿಯೂ ಬಿಗ್‍ಬಾಸ್ ಕಾರ್ಯಕ್ರಮಕ್ಕೆ ಬರುತ್ತೀರಾ ಎಂದು ಕೇಳಿದ್ದರು. ಆದರೆ 8ನೇ ಸೀಸನ್ ಬಂದಿದ್ದು, ನನಗೆ ಲಾಭ ಎನಿಸಿತು. ನಾನು ಮನೆಯಲ್ಲಿ ಕೂಡ ಬಹಳ ಎಂಟರ್ ಟೈನರ್, ಹಾಗೆಯೇ ಬಿಗ್‍ಬಾಸ್ ಮನೆಯಲ್ಲಿಯೂ ನಾನು ಲೈವ್‍ಲೀ ಯಾಗಿರಬೇಕು, ಎಂಟರ್ ಟೈನರ್ ಆಗಿರಬೇಕು, ಜನರನ್ನು, ಮನೆಯಲ್ಲಿರುವವರು ನಗಿಸಬೇಕು ಅಂದುಕೊಂಡಿದ್ದೆ. ನಾನು ಮನೆಯಲ್ಲಿ ಇರುವ ಕೊನೆಯ ಕ್ಷಣದವರೆಗೂ ಎಂಟರ್ ಟೈನ್ ಮಾಡಬೇಕು ಅಂದುಕೊಂಡಿದ್ದೆ. ಆ ಗುರಿ ತಲುಪಿದ್ದೇನೆ ಅಂದುಕೊಂಡಿದ್ದೇನೆ. ಇನ್ನೂ ಲೈಫ್‍ನಲ್ಲಿ ನಾನು ಬಹಳ ಏರುಪೇರು ನೋಡಿದ್ದರಿಂದ, ಯಾವುದಕ್ಕೂ ತುಂಬಾ ಉದ್ರೇಕಕ್ಕೆ ಒಳಗಾಗದೇ ಇರುವ ಚಿಕ್ಕಜೀವನವನ್ನು ಖುಷಿಯಾಗಿ ನಡೆಸಬೇಕು ಎಂದಿದ್ದಾರೆ.

ನನಗೆ ಇಷ್ಟ ಆಗುವಂತಹವರನ್ನು ನಾನು ಎಂದೂ ಹೆಸರಿಟ್ಟು ಕರೆಯುವುದಿಲ್ಲ. ಅವರಿಗೆ ಒಂದು ಅಡ್ಡ ಹೆಸರನ್ನು ಇಟ್ಟೆ ಇಡುತ್ತೇನೆ. ಮಂಜುಗೆ ಚಂಪೂ, ರಾಜೀವ್‍ಗೆ ಗುಡ್ಡು, ಡಿಯುಗೆ ಬಿಟ್ಟು ಹೀಗೆ ಅಡ್ಡ ಹೆಸರಿನಲ್ಲಿ ನಾನು ಕರೆಯುವವರು ಯಾವಾಗಲೂ ನನ್ನ ಹೃದಯದಲ್ಲಿ ಇರುತ್ತಾರೆ ಎಂದು ಹೇಳಿದ್ದಾರೆ.

ನಂತರ ಬಿಗ್‍ಬಾಸ್ ಮನೆಯಲ್ಲಿ ಜರ್ನಿ ವೀಡಿಯೋ ನೋಡಿ ಭಾವುಕರಾದ ಶುಭಾ, ಬಿಗ್‍ಬಾಸ್ ನನ್ನ ಜೀವನದಲ್ಲಿ ತೆಗೆದುಕೊಂಡು ಬೆಸ್ಟ್ ಡಿಷಿಶನ್. ನಾನು ಬಿಗ್‍ಬಾಸ್ ಮನೆಯಲ್ಲಿ ಬಹಳ ಎಂಜಾಯ್ ಮಾಡಿದ್ದೇನೆ. ಬಿಗ್‍ಬಾಸ್ ನನಗೆ ಮರೆಯಲಾದ ನೆನಪು ಎಂದಿದ್ದಾರೆ. ಜೊತೆಗೆ ಫೈನಲ್‍ನಲ್ಲಿ ಅರವಿಂದ್ ಹಾಗೂ ಮಂಜು ಪ್ರತಿ ಸ್ಪರ್ಧಿಗಳಾಗಿರುತ್ತಾರೆ. ಅದರಲ್ಲಿ ಮಂಜು ವಿನ್ ಆಗಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಬಿಗ್‍ಬಾಸ್ ನಂತರ ಏನು ಎಂಬ ಸುದೀಪ್ ಪ್ರಶ್ನೆಗೆ, ಶುಭಾ 6 ತಿಂಗಳು ಫಿಯಾನ್ಸೆ ನನಗೆ ಸಪೋರ್ಟ್ ಮಾಡಿ ಬಿಗ್‍ಬಾಸ್ ಮನೆಗೆ ಕಳುಹಿಸಿ 6 ತಿಂಗಳ ಕಾಲ ಕಾದಿದ್ದಾರೆ. ಅವರೇ ನನಗೆ ಬಿಗ್‍ಬಾಸ್ ಮನೆಗೆ ಹೋಗು ಎಂದಿದ್ದರು. ನನಗೋಸ್ಕರ ಫಸ್ಟ್ ಇನ್ನಿಂಗ್ಸ್ ಕಾದು ಮತ್ತೆ ಸೆಕೆಂಡ್ ಇನ್ನಿಂಗ್ಸ್ ಕಾದಿದ್ದಾರೆ. ಈಗ ಮದುವೆಯಾಗುವುದಾಗಿ ತಿಳಿಸಿದ್ದಾರೆ.

ಬಳಿಕ ಸುದೀಪ್ ಹಾಗೂ ಬಿಗ್‍ಬಾಸ್ ವೇದಿಕೆಗೆ ಧನ್ಯವಾದ ತಿಳಿಸುತ್ತಾ ಶುಭಾ ವಿದಾಯ ಹೇಳಿದರು. ಇದನ್ನೂ ಓದಿ:ಬಿಗ್ ಬಾಸ್ ಮನೆಯಿಂದ ಶಮಂತ್ ಔಟ್