ದಾಲ್ ಎಂದರೆ ಕೆಲವರು ತುಂಬಾ ಇಷ್ಟಪಟ್ಟು ಅನ್ನ, ಚಪಾತಿಯೊಂದಿಗೆ ಸವಿಯುತ್ತಾರೆ. ಬ್ಯಾಚುಲರ್‌ಗಳು ಹೆಚ್ಚಾಗಿ ದಾಲ್ ಮಾಡುತ್ತಾರೆ. ಮಾಡಲು ಸುಲಭ ಮತ್ತು ಬೇಗ ತಯಾರಾಗುವ ಅಡುಗೆಯಾಗಿದೆ. ಹೀಗಾಗಿ ನೀವು ಇಂದು ಮನೆಯಲ್ಲಿ ರುಚಿರುಚಿಯಾಗಿ ದಾಲ್ ಮಾಡಿ ಸವಿಯಿರಿ..
ಬೇಕಾಗುವ ಸಾಮಗ್ರಿಗಳು:
* ಹೆಸರುಬೇಳೆ- ಅರ್ಧ ಕಪ್
* ತೊಗರಿ ಬೇಳೆ- ಅರ್ಧ ಕಪ್
* ಟೊಮ್ಯಾಟೋ- 2
* ಈರುಳ್ಳಿ- 2
* ತುಪ್ಪ- 2 ಟೀ ಸ್ಪೂನ್
* ಜೀರಿಗೆ- 2 ಟೀ ಸ್ಪೂನ್
* ಇಂಗು
* ಅರಿಶಿಣ- 1 ಟೀ ಸ್ಪೂನ್
* ಕೆಂಪು ಮೆಣಸು- 2 ರಿಂದ 3
* ಗರಂ ಮಸಾಲ – 2 ಟೀ ಸ್ಪೂನ್
* ನಿಂಬೆ ರಸ- 1 ಟೀ ಸ್ಪೂನ್
* ಹಸಿಮೆಣಸಿನಕಾಯಿ ಪೌಡರ್- 2 ಟೀ ಸ್ಪೂನ್
* ಬೆಳ್ಳುಳ್ಳಿ – 2
* ರುಚಿಗೆ ತಕ್ಕಷ್ಟು ಉಪ್ಪು
ಮಾಡುವ ವಿಧಾನ:
* ಒಂದು ಪಾತ್ರೆಯಲ್ಲಿ ಹೆಸರುಬೇಳೆ, ತೊಗರಿ ಬೇಳೆ, ಅರಿಶಿಣ ಸೇರಿಸಿ, ಕುಕ್ಕರ್‍ನಲ್ಲಿ 5-6 ಸೀಟಿ ಕೂಗಿಸಿ ಬೇಯಿಸಿಕೊಳ್ಳಬೇಕು.
* ನಂತರ ಒಂದು ದಪ್ಪ ತಳದ ಬಾಣಲೆಯಲ್ಲಿ ತುಪ್ಪ ಹಾಕಿ. ಬಿಸಿಯಾದ ತುಪ್ಪಕ್ಕೆ ಜೀರಿಗೆ, ಬೆಳ್ಳುಳ್ಳಿ, ಇಂಗು, ಹಸಿ ಮೆಣಸಿನ ಕಾಯಿ, ಟೊಮ್ಯಾಟೋ, ಈರುಳ್ಳಿಯನ್ನು ಸೇರಿಸಿ, ಚೆನ್ನಾಗಿ ಫ್ರೈ ಮಾಡಿಕೊಳ್ಳಬೇಕು.
* ಮಿಶ್ರಣಕ್ಕೆ ಮೆಣಸಿನ ಪುಡಿ, ಗರಂ ಮಸಾಲ, ನಿಂಬೆ ರಸ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಕೊತ್ತಂಬರಿ ಸೊಪ್ಪ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಬೇಕು. ಬಳಿಕ ಬೇಯಿಸಿಕೊಂಡ ಬೇಳೆಯನ್ನು ಸೇರಿಸಿ, 3-4 ನಿಮಿಷಗಳ ಕಾಲ ಕುದಿಸಬೇಕು. ಇದೀಗ ದಾಲ್ ಸವಿಯಲು ಸಿದ್ಧವಾಗುತ್ತದೆ.
* ಬಿಸಿ ಬಿಸಿಯಾದ ಅನ್ನ ಅಥವಾ ರೊಟ್ಟಿಯೊಂದಿಗೆ ತುಪ್ಪ, ದಾಲ್ ಹಾಕಿ ಸವಿಯ ಬಹುದಾಗಿದೆ.
