ನೀವು ಮಾಡಿ ಮಶ್ರೂಮ್ ಪೆಪ್ಪರ್ ಫ್ರೈ

ಮಶ್ರೂಮ್‍ನಿಂದ ತಯಾರಿಸದ ಆಹಾರಗಳನ್ನು ನಾವು ಹೆಚ್ಚಾಗಿ ಹೋಟೆಲ್‍ಗಳಲ್ಲಿ ಸವಿಯುತ್ತೇವೆ. ಆದರೆ ಇಂದು ನೀವು ಮನೆಯಲ್ಲಿಯೇ ಸರಳವಾಗಿ ಪೆಪ್ಪರ್ ಫ್ರೈ ಮಾಡಿ ಸವಿಯಲು ಮಾಡುವವಿಧಾನ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು:

* ತೆಂಗಿನಕಾಯಿ ಎಣ್ಣೆ_ 2 ಟೀ ಸ್ಪೂನ್
* ಸಾಸಿವೆ- 1 ಟೀ ಸ್ಪೂನ್
* ಶುಂಠಿ
* ಕರಿಬೇವು
* ಒಣ ಮೆಣಸು- 3 ರಿಂದ4
* ಈರುಳ್ಳಿ 2
* ಟೊಮೆಟೊ ಪೇಸ್ಟ್ – 3 ಟೀ ಸ್ಪೂನ್
* ದನಿಯಾ ಪುಡಿ – 2 ಟೀ ಸ್ಪೂನ್
* ಜೀರಿಗೆ ಪುಡಿ- 1 ಟೀ ಸ್ಪೂನ್
* ಖಾರದ ಪುಡಿ- 1 ಟೀ ಸ್ಪೂನ್
* ಗರಂ ಮಸಾಲ- 1 ಟೀ ಸ್ಪೂನ್
* ಕಾಳು ಮೆಣಸಿನ ಪುಡಿ- 2 ಟೀ ಸ್ಪೂನ್
* ಅಣಬೆ
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ವಿಧಾನ:
* ಒಂದು ಪಾತ್ರೆಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಬಿಸಿಯಾದಾಗ ಸಾಸಿವೆ, ಶುಂಠಿ, ಬೆಳ್ಳುಳ್ಳಿ, ಕರಿಬೇವು, ಒಣ ಮೆಣಸು ಹಾಕಿ 2 ನಿಮಿಷ ಚೆನ್ನಾಗಿ ಪ್ರೈ ಮಾಡಬೇಕು.

* ನಂತರ ಈರುಳ್ಳಿ ಹಾಕಿ ಅದು ಮೆತ್ತಗಾಗುವವರೆಗೆ ಫ್ರೈ ಮಾಡಿ. ನಂತರ ಟೊಮೆಟೊ ಪೇಸ್ಟ್, ದನಿಯಾ ಪುಡಿ, ಗರಂ ಮಸಾಲ ಹಾಕಿ 2-3 ನಿಮಿಷ ಬೇಯಿಸಬೇಕು.

* ಈಗ ಅಣಬೆ ಹಾಕಿ 2 ನಿಮಿಷ ಫ್ರೈ ಮಾಡಿ. ನಂತರ ಕಾಳು ಮೆಣಸಿನ ಪುಡಿ, ಉಪ್ಪು ಸೇರಿಸಿ ಅಧಿಕ ಉರಿಯಲ್ಲಿ ಫ್ರೈ ಮಾಡಿ. ಅಣಬೆ ಚೆನ್ನಾಗಿ ಬೇಯುವವರೆಗೆ ಫ್ರೈ ಮಾಡಿದರೆ ರುಚಿಯಾದ ಮಶ್ರೂಮ್ ಪೆಪ್ಪರ್ ಫ್ರೈ ಸವಿಯಲು ಸಿದ್ಧವಾಗುತ್ತದೆ.