ತುಂಬಾ ಜನ ನನ್ನ ಮೇಲೆ ದೃಷ್ಟಿ ಹಾಕಿದ್ದಾರೆ ಅಂದ ಶಮಂತ್

ಬೆಂಗಳೂರು: ಇಷ್ಟು ದಿನ ಬಿಗ್‍ಬಾಸ್ ಮನೆಯಲ್ಲಿ ಹಾಡುಗಳನ್ನು ಹೇಳುವ ಮೂಲಕ ಅಭಿಮಾನಿಗಳನ್ನು ರಂಜಿಸಿದ್ದ ಬ್ರೋ ಗೌಡ ಶಮಂತ್ ನನ್ನ ಮೇಲೆ ತುಂಬಾ ಜನ ದೃಷ್ಟಿ ಹಾಕಿರುವುದಾಗಿ ಹೇಳಿಕೊಂಡಿದ್ದಾರೆ.

ವೇದಿಕೆ ಮೇಲೆ ಯೆಲ್ಲೋ ಆ್ಯಂಡ್ ಯೆಲ್ಲೋ ಡ್ರೆಸ್‍ನಲ್ಲಿ ಎಂಟ್ರಿ ಕೊಟ್ಟ ಶಮಂತ್, ಬರುತ್ತಿದ್ದಂತೆ ತುಂಬಾ ಜನ ನನ್ನ ಮೆಲೆ ದೃಷ್ಟಿಂ ಹಾಕಿರುವುದು ಗೊತ್ತಾಗಿದೆ. ಹೀಗಾಗಿ ದೃಷ್ಟಿ ಹೋಗಬೇಕೆಂದು ಈ ಕಲರ್ ಡ್ರೆಸ್ ಚೂಸ್ ಮಾಡಿಕೊಂಡು ಹಾಕಿಕೊಂಡು ಬಂದೆ ಎಂದಿದ್ದಾರೆ. ಆಗ ಸುದೀಪ್ ನನಗೆ ಗೊತ್ತಿರುವಂತೆ ದೃಷ್ಟಿ ಹೋಗುವುದಕ್ಕೆ ಯೂಸ್ ಮಾಡುವುದು ಬ್ಲಾಕ್, ಇದು ಯಾವುದು ಹೊಸ ಕಲರ್, ಹಲೋ ಲಕ್ಕಿ ಸ್ಟಾರ್ ಸ್ವಲ್ಪ ವಿವರಣೆ ಕೊಡಿ ಅರ್ಥವಾಗುತ್ತಿಲ್ಲ ಎಂದು ಕೇಳಿದ್ದಾರೆ.

ಇದಕ್ಕೆ ಇರೋ ಬರುವ ದೃಷ್ಟಿ ಎಲ್ಲಾ ಕಳೆಯಲಿ ಎಂದು ಬಟ್ಟೆ ಧರಿಸಿದೆ ಎಂದು ಶಮಂತ್ ಹೇಳಿದಾಗ, ನಿಧಿ ಸುಬ್ಬಯ್ಯ ಜಾತ್ರೆಯಂತಿದೆ ಎಂದು ಅಣುಕಿಸುತ್ತಾರೆ. ಹೌದು ಯಾವ ವಿಚಾರಕ್ಕೆ ನಿಮ್ಮ ಮೇಲೆ ದೃಷ್ಟಿ ಬಿದ್ದರುವುದು ಎಂದು ಸುದೀಪ್ ಕೇಳಿದಾಗ, ಶಮಂತ್ ಲಕ್ ವಿಚಾರಕ್ಕೆ ಎಂದು ಉತ್ತರಿಸುತ್ತಾರೆ. ಹಾ ಲಕ್ ವಿಚಾರದಲ್ಲಿ ಬಿದ್ದಿದೆ ಎಂಬುವುದನ್ನು ನಾನು ಒಪ್ಪಿಕೊಳ್ಳುತ್ತೇನೆ. ಈಗಲೂ ನಿಮಗೆ ಆ ಲಕ್ ಇದ್ಯಾ ಅಂತ ಪ್ರಶ್ನಿಸುತ್ತಾರೆ.

ಲಕ್ ನನ್ನ ಹಾರ್ಡ್ ವರ್ಕ್‍ಗೆ ಕನ್ವರ್ಟ್ ಆಗಿದೆ. ಇನ್ನೂ ಒಂದರಿಂದ ಹತ್ತ ಅಂಕಗಳಲ್ಲಿ ನನಗೆ ಇರುವ ಲಕ್‍ಗೆ 8 ಅಂಕ ನೀಡಬಹುದು. ಆದರೆ ಲಾಸ್ಟ್ ನಲ್ಲಿ ಲಕ್ ಹಾಗೂ ಹಾರ್ಡ್ ವರ್ಕ್ ಎರಡು ಬ್ಯಾಲೆನ್ಸ್ ಆಯಿತು. ಎರಡಕ್ಕೂ 5-5 ಅಂಕಗಳನ್ನು ನೀಡಬಹುದು ಎಂದು ಶಮಂತ್ ಹೇಳಿದ್ದಾರೆ. ಇದನ್ನೂ ಓದಿ:ಐ ವಾಂಟೂ ಮ್ಯಾರಿ ಯೂ ಅಂದವರ ಮೇಲೆ ನಿಧಿ ಕೆಂಡ