ಬಸ್‍ಗೆ ನುಗ್ಗಿ ಟೆಕ್ಕಿಗೆ ಚಾಕುವಿನಿಂದ ಇರಿದ

ಬೆಂಗಳೂರು: ಮಹಿಳಾ ಟೆಕ್ಕಿಯ ಕೈಗೆ ಪುಂಡ ಯುವಕನೋರ್ವ ಚಾಕುವಿನಿಂದ ಇರಿದ ಘಟನೆ ಬೆಂಗಳೂರಿನ ಬೇಗೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಕ್ಯಾಪ್ ಜೆಮಿನಿಯಲ್ಲಿ ಉದ್ಯೋಗಿಯಾಗಿರೋ ಸ್ನೇಹ ಇಂದು ಬಸ್‍ನಲ್ಲಿ ಆಫೀಸ್‍ಗೆ ಹೊರಡುವ ವೇಳೆ ಘಟನೆ ನಡೆದಿದೆ. ಕೂಡ್ಲು ಗೇಟ್ ಸಿಗ್ನಲ್‍ನಲ್ಲಿ ಬಸ್ ನಿಂತಿದ್ದ ವೇಳೆ ಬಸ್‍ಗೆ ಹತ್ತಿದ ಪುಂಡನೊಬ್ಬ ಸ್ನೇಹ ಎಡಗೈಗೆ ಚಾಕುವಿನಿಂದ ಇರಿದು ಪರಾರಿಯಾಗಿದ್ದಾನೆ. ಸದ್ಯ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಸ್ನೇಹ ಡಿಸ್ಚಾರ್ಜ್ ಆಗಿದ್ದಾರೆ.

ಪ್ರಕರಣ ದಾಖಲಿಸಿಕೊಂಡಿರೋ ಬೇಗೂರು ಪೊಲೀಸ್ರು ಈ ಬಗ್ಗೆ ತನಿಖೆ ನಡೆಸುತ್ತಿದ್ರು. ಇದೇ ಯುವಕ ಆನೇಕಲ್‍ನಲ್ಲಿ ಮತ್ತೊಬ್ಬ ಯುವತಿಗೆ ಚಾಕುವಿನಿಂದ ಇರಿಯಲು ಮುಂದಾದ ವೇಳೆ ಸಾರ್ವಜನಿಕರು ಈತನನ್ನು ಹಿಡಿದು ಬಂಡೆಪಾಳ್ಯ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಬಂಧಿತ ಅರೋಪಿ ಒರಿಸ್ಸಾ ಮೂಲದ ಬಿರಾಂಚಿ ಎಂದು ತಿಳಿದುಬಂದಿದ್ದು ಈತ ಸೈಕೊ ಎನ್ನಲಾಗಿದೆ.