ಬೆಂಗಳೂರು: ಬೆಳ್ಳಂಬೆಳಗ್ಗೆ ಕಟ್ಟಡವೊಂದನ್ನು ಏರಿ ಆತ್ಮಹತ್ಯೆ ಮಾಡಿಕೊಳ್ಳುತ್ತೇನೆ ಅಂತ ಕೂಗಾಡುತ್ತಾ ಯುವಕನೊಬ್ಬ ಹುಚ್ಚಾಟ ಮೆರೆದ ಘಟನೆ ಇಂದು ಸಿಲಿಕಾನ್ ಸಿಟಿಯ ಅಕ್ಕಿಪೇಟೆಯಲ್ಲಿ ನಡೆದಿದೆ.
ಸುಮಾರು ಆರು ಅಂತಸ್ತಿನ ಕಟ್ಟಡ ಏರಿದ್ದ ಯುವಕನೊಬ್ಬ ಬೆಳ್ಳಂಬೆಳಗ್ಗೆ ಹೈಡ್ರಾಮ ಮಾಡಿ ಅಕ್ಕಿಪೇಟೆ ಜನರನ್ನು ಗಾಬರಿ ಬೀಳಿಸಿದ್ದಾನೆ. ಕಟ್ಟಡ ಹತ್ತಿಕೊಂಡು ಮೇಲಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಳ್ಳತ್ತೇನೆ ಅಂತ ಬೆಳಗ್ಗೆ 8.30ರ ಸಮಯಕ್ಕೆ ಶುರುಮಾಡಿದ್ದ ಹುಚ್ಚಾಟ, ಸುಮಾರು 10.40ರ ತನಕ ಮುಂದುವರಿಸಿದ್ದನು. ಮೇಲಿನಿಂದ ಹಾರಿ ಸಾಯುತ್ತೇನೆ ಅಂತ ಕಟ್ಟಡದ ತುದಿಯಲ್ಲಿ ನಿಂತು ಸರ್ಕಸ್ ಮಾಡುತ್ತಾ ಸ್ಥಳಿಯರಿಗೆ ಯುವಕ ತಲೆನೋವು ನೀಡಿದ್ದಾನೆ.
Advertisement
Advertisement
ಯುವಕನ ಮನವೊಲಿಸಿ ಕಟ್ಟಡದಿಂದ ಕೆಳಗೆ ಇಳಿಸಲು ಸ್ಥಳೀಯರು ಎಷ್ಟೇ ಕಸರತ್ತು ಮಾಡಿದರೂ ಪ್ರಯೋಜನವಾಗಿಲ್ಲ. ಬಳಿಕ ಕೆಳಗೆ ಇಳಿ ಎಂದು ಹೇಳಿದಾಗ ಕಟ್ಟಡದಿಂದ ಹಾರುವುದಾಗಿ ಯುವಕ ಬೆದರಿಕೆ ಹಾಕಿದ್ದಾನೆ. ಬಳಿಕ ಇವನ ಕಾಟ ತಡೆಯಲಾಗದೇ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದು, ಅಗ್ನಿಶಾಮಕ ಸಿಬ್ಬಂದಿ ಮತ್ತು ಪೊಲೀಸರು ಜೊತೆಗೂಡಿ ಕಾರ್ಯಚರಣೆ ನಡೆಸಿ ಕೊನೆಗೂ ಯುವಕನನ್ನು ಕೆಳಗಿಳಿಸಿದ್ದಾರೆ.
Advertisement
ಈ ಹುಚ್ಚಾಟದ ವಿಡಿಯೋವನ್ನು ಸ್ಥಳದಲ್ಲಿದ್ದವರು ಮೊಬೈಲ್‍ನಲ್ಲಿ ಸೆರೆ ಹಿಡಿದಿದ್ದಾರೆ. ಸದ್ಯ ಈ ಯುವಕನನ್ನು ಆಸ್ಪತ್ರೆಗೆ ದಾಖಲಿಸಿದ್ದು, ಕಾಟನ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
Advertisement
https://www.youtube.com/watch?v=zh5SDwqvdJ4
