ಈ ಕಾರಣಕ್ಕೆ ಈಗ ಬಿಎಸ್‍ವೈ ಸಿದ್ದು ಟೀಂ ಹಗರಣದ ದಾಖಲೆ ರಿಲೀಸ್ ಮಾಡಲ್ಲ

ಬೆಂಗಳೂರು: ಬಿಜೆಪಿ ರಾಜ್ಯಾಧ್ಯಕ್ಷ ಬಿಎಸ್ ಯಡಿಯೂರಪ್ಪ ಮತ್ತೊಂದು ಬಾಂಬ್ ಸಿಡಿಸಿದ್ದಾರೆ. ಸಿಎಂ ಸಿದ್ದರಾಮಯ್ಯ ಆಂಡ್ ಟೀಂ ದೊಡ್ಡ ಹಗರಣ ಇದೆ. 4 ದಿನದಲ್ಲಿ ದಾಖಲೆಗಳನ್ನು ಬಿಡುಗಡೆ ಮಾಡುತ್ತೇನೆ ಅಂತಾ ಪಬ್ಲಿಕ್ ಟಿವಿಗೆ ಹೇಳಿದ್ದಾರೆ.

ಈಗ ಎಲ್ಲ ಒಟ್ಟಾಗೋದು ಬೇಡ ಅಂತಾ ಸುಮ್ಮನಿದ್ದೇನೆ. ಈ ಹಗರಣದಲ್ಲಿ ಸಿದ್ದರಾಮಯ್ಯ ಕೈವಾಡ ಇದೆ. ಬಿಡುಗಡೆ ಮಾಡ್ತೀನಿ, ಕಾದು ನೋಡಿ ಅಂತೇಳಿದ್ರು.

ಆ ಡೈರಿ ಗೋವಿಂದರಾಜುದೇ, ಅವರ ಬೆಡ್ ರೂಂನಲ್ಲಿ ಬೆಡ್ ಕೆಳಗೆ ಡೈರಿ ಸಿಕ್ಕಿದೆ. ಸಿಎಂ ಮನೆಯಲ್ಲಿ ಮಲ್ಕೊಂಡು ಏನ್ ರಿಯಾಕ್ಷನ್ ಕೊಡಬೇಕು ಅನ್ನೋದನ್ನು ಯೋಚನೆ ಮಾಡ್ತಿದ್ದಾರೆ ಎಂದು ವ್ಯಂಗ್ಯವಾಡಿದ್ರು.

ಸಹರಾ ಡೈರಿ ಬೇರೆ, ಈ ಡೈರಿ ಬೇರೆ, ಈ ಡೈರಿ ಸುಮಾರು 27-28 ಪೇಜ್ ಇದೆ. ಇದು ಚುನಾವಣೆ ಗಿಮಿಕ್ ಅಲ್ಲ, ಗಿಮಿಕ್ ಆಗಿದ್ರೆ ಚುನಾವಣೆಗೆ ಮೂರು ತಿಂಗಳ ಮುಂಚೆ ರಿಲೀಸ್ ಮಾಡ್ತಿದ್ವಿ. ಮಾನ ಮರ್ಯಾದೆ ಇದ್ರೆ ಸಿಎಂ ರಾಜೀನಾಮೆ ನೀಡಲಿ ಎಂದು ಸವಾಲು ಹಾಕಿದ್ರು.