ನ್ಯಾಷನಲ್ ಸ್ಟಾರ್ ಯಶ್ಗೆ ಅಪಾರ ಅಭಿಮಾನಿಗಳ ಬಳಗವಿದೆ. ಅದರಲ್ಲೂ `ಕೆಜಿಎಫ್ 2′ ಸಿನಿಮಾ ಬಿಡುಗಡೆಯಾದ ನಂತರ ಯಶ್ ಹವಾ ಹೆಚ್ಚಾಗಿದೆ. ಯಶ್ನಂತೆ ಅವರ ಮಕ್ಕಳು ಐರಾ ಹಾಗೂ ಯಥರ್ವ್ನನ್ನು ಫ್ಯಾನ್ಸ್ ಇಷ್ಟಪಡುತ್ತಾರೆ. ಸದ್ಯ ರಾಧಿಕಾ ಶೇರ್ ಮಾಡಿರುವ ಮಗನ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಅಭಿಮಾನಿಗಳು ಅಪ್ಪನಂತೆ ಮಗ ಎನ್ನುತ್ತಿದ್ದಾರೆ.
ಯಶ್ ಪತ್ನಿ ನಟಿ ರಾಧಿಕಾ ಪಂಡಿತ್ ಒಂದು ಸ್ಟೋರಿ ಹಾಕಿಕೊಂಡಿದ್ದಾರೆ. ಅದರಲ್ಲಿ ಯಥರ್ವ್ ಬೀಚ್ನ ದಡದಲ್ಲಿ ಕಡಲಿಗೆ ಮುಖ ಮಾಡಿ ನಿಂತಿದ್ದು, ಅದಕ್ಕೆ ರಾಧಿಕಾ ಎಲ್ಲೋ ನೋಡಿದ ಹಾಗಿದೆ ಅಲ್ಲವಾ ಎಂದು ಕ್ಯಾಪ್ಷನ್ ಮಾಡಿದ್ದಾರೆ. ಸದ್ಯ ಈ ಫೋಟೋ ವೈರಲ್ ಆಗುತ್ತಿದೆ. ಈ ಫೋಟೋದಾ ವಿಶೇಷತೆ ಎಂದರೆ, ಯಥರ್ವ್ ಯಶ್ ರೀತಿಯಲ್ಲಿ ಪೋಸ್ ಕೊಟ್ಟಿರೋದು ಈ ಫೋಟೋ ನೋಡಿದರೆ ನಮಗೆ ಕೆಜಿಎಫ್ ಸಿನಿಮಾ ನೆನಪಾಗುತ್ತದೆ. `ಕೆಜಿಎಫ್’ ಅಭಿಮಾನಿಗಳಿಗೆ ತಕ್ಷಣ ರಾಕಿಭಾಯ್ ಪೋಸ್ ಕಣ್ಣು ಮುಂದೆ ಬರುತ್ತದೆ. ಇದನ್ನೂ ಓದಿ: ವೈಟ್ ಡ್ರೆಸ್ನಲ್ಲಿ ಮಿಂಚಿದ ಬಹುಭಾಷಾ ನಟಿ ಪ್ರಿಯಾಮಣಿ
ರಾಕಿಭಾಯ್ ಕೂಡ ಕೆಜಿಎಫ್ ಸಿನಿಮಾದಲ್ಲಿ ಕಡಲ ತೀರದಲ್ಲಿ ನಿಂತಿರುವ ಪೋಸ್ ಇದೆ. ಸಿನಿಮಾದಲ್ಲಿ ಬಾಲ್ಯದಲ್ಲಿ ಒಮ್ಮೆ ನಂತರ ಮೊದಲ ಪಾರ್ಟ್ ಹಾಗೂ ಚಾಪ್ಟರ್ 2ನಲ್ಲಿ ಸಹ ಇದೇ ಪೋಸ್ ಇದೆ. ತಂದೆಯಂತೆ ಮಗ ಯಥರ್ವ್ ಪೋಸ್ ಕೊಟ್ಟಿದ್ದಾನೆ. ಅವರಿಗೆ ಭಾರತ ಮಾತ್ರವಲ್ಲದೇ ವಿಶ್ವದಾದ್ಯಂತ ಅಭಿಮಾನಿಗಳಿದ್ದಾರೆ. ದಿನದಿಂದ ದಿನಕ್ಕೆ ಅವರ ಹೆಸರು ಬೆಳೆಯುತ್ತಲೇ ಇದೆ. ಇನ್ನು `ಕೆಜಿಎಫ್ 2′ ಸಕ್ಸಸ್ ನಂತರ ಯಶ್ ಮಕ್ಕಳು ಹಾಗೂ ಕುಟುಂಬ ಅಂತ ಫುಲ್ ಬ್ಯುಸಿ ಇದ್ದಾರೆ.
Live Tv