ಯಶ್ (Actor Yash) ಮತ್ತು ರಾಧಿಕಾ ಪಂಡಿತ್ (Radhika Pandit) ನಟನೆಯ ‘ಮೊಗ್ಗಿನ ಮನಸು’ (Moggina Manasu) ಸಿನಿಮಾ ರಿಲೀಸ್ ಆಗಿ 16 ವರ್ಷಗಳು ಪೂರ್ಣಗೊಂಡಿದೆ. ಈ ಬೆನ್ನಲ್ಲೇ ಈಗ ಸೀಕ್ವೆಲ್ ಮಾಡುವ ಬಗ್ಗೆ ಬಿಗ್ ಅಪ್‌ಡೇಟ್‌ವೊಂದು ಹೊರಬಿದ್ದಿದೆ. ಇದನ್ನೂ ಓದಿ:ದರ್ಶನ್ ಭೇಟಿಗೆ ಜೈಲಿಗೆ ಬಂದ ತರುಣ್ ಸುಧೀರ್, ಶಾಸಕ ದರ್ಶನ್ ಪುಟ್ಟಣ್ಣಯ್ಯ
ಚಂದನವನದ ರೀಲ್ & ರಿಯಲ್ ಜೋಡಿ ಯಶ್ ಮತ್ತು ರಾಧಿಕಾ ನಟಿಸಿರುವ ‘ಮೊಗ್ಗಿನ ಮನಸು’ ಸಿನಿಮಾ ರಿಲೀಸ್ ಆಗಿ 16 ವರ್ಷಗಳು ಕಳೆದಿದೆ. ಈ ಸಂಭ್ರಮದ ನಡುವೆ ಡೈರೆಕ್ಟರ್ ಶಶಾಂಕ್ (Director Shashank) ಕಡೆಯಿಂದ ಸಿಹಿಸುದ್ದಿ ಸಿಕ್ಕಿದೆ. ‘ಮೊಗ್ಗಿನ ಮನಸು’ ಪಾರ್ಟ್ 2 ಸಿನಿಮಾ ಬರಲಿದೆ. ಮುಂದಿನ ದಿನಗಳಲ್ಲಿ ಈ ಪ್ಲ್ಯಾನ್ ಇದೆ ಎಂದು ತಿಳಿಸಿದ್ದಾರೆ.
ಅಂದಹಾಗೆ, 2008ರ ಜುಲೈ 18ರಂದು ‘ಮೊಗ್ಗಿನ ಮನಸು’ ಸಿನಿಮಾ ರಿಲೀಸ್ ಆಗಿ ಭರ್ಜರಿ ಯಶಸ್ಸು ಕಂಡಿತ್ತು. ಯಶ್ ಮತ್ತು ರಾಧಿಕಾರ ಮುದ್ದಾದ ಲವ್ ಸ್ಟೋರಿ ಮತ್ತು ಶುಭಾ ಪೂಂಜಾ ಅಭಿನಯ ಫ್ಯಾನ್ಸ್‌ಗೆ ಇಷ್ಟವಾಗಿತ್ತು.
‘ನನಗೂ ಒಬ್ಬ ಗೆಳೆಯ ಬೇಕು’ ಎಂದು ನೃತ್ಯ ಮಾಡಿದ್ದ ರಾಧಿಕಾ ಮತ್ತು ಶುಭಾಗೆ ಪಡ್ಡೆಹುಡುಗರ ಫಿದಾ ಆಗಿದ್ದರು. ಇಂದಿಗೂ ಅಭಿಮಾನಿಗಳಿಗೆ ‘ಮೊಗ್ಗಿನ ಮನಸು’ ಫೇವರೇಟ್ ಸಿನಿಮಾ ಆಗಿದೆ. ಸದ್ಯ ಈ ಸಿನಿಮಾದ ಸೀಕ್ವೆಲ್ ಮಾಡುವ ಸುದ್ದಿ ತಿಳಿದು ಫ್ಯಾನ್ಸ್‌ ಥ್ರಿಲ್‌ ಆಗಿದ್ದಾರೆ.
