Women’s World Boxing Championships: ಚಿನ್ನ ಗೆದ್ದು ದಾಖಲೆ ಬರೆದ ನೀತು ಘಂಘಾಸ್

Public TV
2 Min Read
Nitu Ghanghas

ನವದೆಹಲಿ: ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದು ಸಾಧನೆ ಮಾಡಿದ್ದ ಬಾಕ್ಸಿಂಗ್‌ ಕ್ರೀಡಾಪಟು ನೀತು ಘಂಘಾಸ್‌ (Nitu Ghanghas) ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ (Women’s World Boxing Championships) ಚಿನ್ನದ ಪದಕ ಗೆದ್ದು ವಿಶ್ವದಾಖಲೆ ಮಾಡಿದ್ದಾರೆ.

Nitu Ghanghas 1

ಶನಿವಾರ ನವದೆಹಲಿಯಲ್ಲಿ ನಡೆದ ವಿಶ್ವಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ ನಿತು 48 ಕೆಜಿ ವಿಭಾಗದಲ್ಲಿ ಮಂಗೋಲಿಯಾದ ಲುತ್ಸೈಖಾನ್ ಅಲ್ಟಾನ್‌ಸೆಟ್ಸೆಗ್ ವಿರುದ್ಧ ಜಯ ಸಾಧಿಸಿ, ವಿಶ್ವದಾಖಲೆ ಬರೆದಿದ್ದಾರೆ. ಇದನ್ನೂ ಓದಿ: ಪ್ರಶ್ನೆಪತ್ರಿಕೆಯಲ್ಲಿ ಕೊಹ್ಲಿ ಫೋಟೋ ನೋಡಿ ವಿದ್ಯಾರ್ಥಿಗಳು ಶಾಕ್!

2-3ನೇ ಸುತ್ತಿನಲ್ಲಿ ಸಮತೋಲನ ಕಳೆದುಕೊಂಡರೂ ತಮ್ಮ ಆಕ್ರಮಣಕಾರಿ ಆಟದಿಂದ ಜಯ ಸಾಧಿಸಿದ್ದಾರೆ. ಈ ಮೂಲಕ 2023ರ ವಿಶ್ವ ಮಹಿಳಾ ಬಾಕ್ಸಿಂಗ್ ಚಾಂಪಿಯನ್‌ಶಿಪ್‌ನಲ್ಲಿ ಪದಕ ಗೆದ್ದ ಮೊದಲ ಭಾರತೀಯ ಬಾಕ್ಸರ್ ಎನಿಸಿಕೊಂಡಿದ್ದಾರೆ.

ಆಕ್ರಮಣಕಾರಿ ಪ್ರದರ್ಶನ ನೀಡಿದ ನಿತು ಮೊದಲ ಸುತ್ತಿನಲ್ಲೇ 5-0 ಮುನ್ನಡೆ ಸಾಧಿಸಿದರು. 2ನೇ ಸುತ್ತಿನಲ್ಲಿ ಪಾಯಿಂಟ್ಸ್‌ಗಳನ್ನ 3-2ಕ್ಕೆ ಕಳೆದುಕೊಂಡರು. ಕೊನೆಯ 3 ನಿಮಿಷಗಳಲ್ಲಿ ನಿತು ರಕ್ಷಣಾತ್ಮಕ ಆಟವಾಡಿ ಕೊನೆಗೆ 3-2 ಅಂತರದಲ್ಲಿ ಗೆಲುವು ಸಾಧಿಸಿದರು. ಇದನ್ನೂ ಓದಿ: ಟೀಂ ಇಂಡಿಯಾದಲ್ಲಿ ಮತ್ತೆ `ಸೂರ್ಯʼ ಉದಯಿಸುತ್ತೆ – ಮಿಸ್ಟರ್‌ 360ಗೆ ಯುವರಾಜ್‌ ಸಿಂಗ್‌ ಬೆಂಬಲ

ಇದುವೆರೆಗೆ ಭಾರತ 11 ಬಾರಿ ಮಹಿಳಾ ವಿಶ್ವಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಪದಕ ಬಾಚಿಕೊಂಡಿದೆ. ಅದರಲ್ಲಿ ಬಾಕ್ಸಿಂಗ್‌ ದಂಥಕತೆ ಮೇರಿ ಕೋಮ್‌ 6 ಬಾರಿ ‌(2002, 2005, 2006, 2008, 2010 ಮತ್ತು 2018) ವಿಶ್ವಚಾಂಪಿಯನ್‌ ಆಗಿದ್ದಾರೆ. ಸರಿತಾ ದೇವಿ (2006), ಆರ್‌.ಎಲ್ ಜೆನ್ನಿ (2006), ಕೆ.ಸಿ ಲೇಖಾ (2006) ಮತ್ತು ನಿಖತ್ ಜರೀನ್ (2022) ತಲಾ ಒಂದೊಂದು ಬಾರಿ ಚಾಂಪಿಯನ್‌ ಆಗಿದ್ದರು. ಇದೀಗ ಈ ದಿಗ್ಗಜರ ಸಾಲಿಗೆ ನಿತು ಘಂಘಾಸ್‌ ಸೇರಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *