ಬೆಂಗಳೂರು: ಈ ಸುದ್ದಿ ಕೇಳಿದ್ಮೇಲೆ ನೀವು ಶಾಕ್ ಆಗ್ತಿರೋ ಅಥವಾ ನಗ್ತಿರೋ ನಿಮಗೆ ಬಿಟ್ಟದ್ದು. ಸಿನಿಮಾದಲ್ಲಿ ನೋಡ್ತಿದ್ದ ಸೀನ್‍ಗಳು ಈಗ ರಿಯಲ್ಲಾಗಿ ನಡೀತಿದೆ. ಕೋಳಿ ಕಳೆದು ಹೋಗಿದೆ, ಹುಡುಕಿಕೊಡಿ ಅಂತ ದೂರು ಕೊಟ್ಟ ಸ್ಟೋರಿಯಿದು.
ಹೌದು. ಕೋಳಿ ಹುಡುಕಿಕೊಡಿ ಅಂತಾ ಕಮೀಷನರ್ ಕಚೇರಿಗೆ ಬಂದು ಅಜ್ಜಿಯೊಬ್ಬರು ದೂರು ನೀಡಿದ್ದಾರೆ. ಇತ್ತೀಚೆಗೆ ಅಜ್ಜಿಯ ಮನೆಯಲ್ಲಿದ್ದ 35 ಕೋಳಿಗಳ ಕಳ್ಳತನವಾಗಿತ್ತು. ಈ ಬಗ್ಗೆ ಬೈಯಪ್ಪನಹಳ್ಳಿ ಪೊಲೀಸರು ದೂರು ದಾಖಲಿಸಿಕೊಳ್ಳಲು ಹಿಂದೇಟು ಹಾಕಿದು. ಹೀಗಾಗಿ ವೃದ್ದೆ ಗಿರಿಜಮ್ಮ ಪೆÇಲೀಸ್ ಕಮಿಷನರ್ ಕಚೇರಿಗೆ ಆಗಮಿಸಿ ದೂರು ಕೊಟ್ಟಿದ್ದಾರೆ.
ಹೆಚ್ಚುವರಿ ಪೊಲೀಸ್ ಆಯುಕ್ತ ಸೀಮಂತ್ ಕುಮಾರ್ ಸಿಂಗ್ ಅವರ ಕಚೇರಿಗೆ ಬಂದು ವೃದ್ಧೆ ದೂರು ನೀಡಿರೋ ಹಿನ್ನೆಲೆಯಲ್ಲಿ ಸ್ಥಳೀಯ ಪೊಲೀಸ್ ಠಾಣೆಗೆ ದೂರು ದಾಖಲಿಸಿಕೊಳ್ಳುವಂತೆ ಸೂಚನೆ ನೀಡಲಾಗಿದೆ.
